ಸಂಶಯ ಸಂಸಾರವನ್ನೇ ಹಾಳು ಮಾಡುವ ಮುನ್ನ, ಹೀಗೆ ನಿಭಾಯಿಸಿ

ಸಂಶಯವು ಸಂಸಾರವನ್ನೇ ಹಾಳು ಮಾಡುವುದು ಎನ್ನುವ ಮಾತಿದೆ. ಯಾಕೆಂದರೆ ಒಮ್ಮೆ ಸಂಶಯವು ಮನಸ್ಸಿನೊಳಗೆ ಬಂದರೆ ಮತ್ತೆ ಅದರಿಂದ ಹೊರಗೆ ಬರುವುದು ತುಂಬಾ ಕಷ್ಟ. ಹೀಗಾಗಿ ಸಂಬಂಧದಲ್ಲಿ ಸಂಗಾತಿಯು ಸಂಶಯಪಡುತ್ತಲಿದ್ದರೆ ಆಗ ಇದರ ಬಗ್ಗೆ ಎಚ್ಚರಿಕೆ ವಹಿಸಬೇಕು. ಯಾಕೆಂದರೆ ಇದು ಮುಂದೆ ನಿಮ್ಮ ಸಂಬಂಧದಲ್ಲಿ ಬಿರುಕು ಉಂಟು ಮಾಡಬಹುದು. ಕೆಲವರು ಎಷ್ಟರ ಮಟ್ಟಿಗೆ ಸಂಶಯ ಪಡುತ್ತಾರೆಂದರೆ ತನ್ನ ಪತ್ನಿ ಅಥವಾ ಪತಿಯು ಹೊರಗಡೆ ಹೋದರೆ ಅವರ ಹಿಂದಿನಿಂದಲೇ ಹೋಗುವರು.
ಅದೇ ರೀತಿ ಇನ್ನು ಕೆಲವರು ಪ್ರತಿಯೊಂದು ಮೊಬೈಲ್ ಮೆಸೇಜ್, ಇಮೇಲ್ ನೋಡುವರು.

ಇದು ಕೇವಲ ವೈವಾಹಿಕ ಜೀವನ ಮಾತ್ರವಲ್ಲದೆ ಪ್ರೇಮಿಗಳಿಬ್ಬರ ನಡುವಿನ ಸಂಬಂಧವನ್ನು ಹಾಳು ಮಾಡುವುದು. ಸಂಶಯವು ಇನ್ನೊಬ್ಬರ ವೈಯಕ್ತಿಕತೆಯನ್ನು ಹಾಳು ಮಾಡಿಬಿಡುವುದು. ಪ್ರತಿಯೊಬ್ಬರಿಗೂ ಜೀವನದಲ್ಲಿ ವೈಯಕ್ತಿಕತೆ ಅತೀ ಅಗತ್ಯವಾಗಿರುವುದು. ಸಂಗಾತಿಯು ಹೆಚ್ಚು ಅಧಿಕಾರ ಸಾಧಿಸುತ್ತಿದ್ದರೆ ಅಥವಾ ಸಂಶಯಿತರಾಗಿದ್ದರೆ ಆಗ ನೀವು ಯಾವ ರೀತಿ ಇದನ್ನು ನಿಭಾಯಿಸಬೇಕು ಎಂದು ಈ ಲೇಖನದ ಮೂಲಕ ತಿಳಿಯಿರಿ.


ಸಂಗಾತಿ ಫೋನ್‌ನಲ್ಲಿ ಬ್ಯೂಸಿಯಾಗಿದ್ದರೆ
ಹೆಚ್ಚಾಗಿ ತನ್ನ ಸಂಗಾತಿಯು ಫೋನ್‌ನಲ್ಲಿ ವ್ಯಸ್ತರಾಗಿದ್ದರೆ, ಇಂಟರ್ನೆಟ್ ನಲ್ಲಿ ಚಾಟಿಂಗ್ ಮಾಡುತ್ತಿದ್ದರೆ ಆಗ ನಿಮ್ಮ ನಿಷ್ಠೆಯನ್ನು ಪ್ರಶ್ನಿಸುವುದು ಕೆಲವೊಂದು ಸಂಶಯದ ವ್ಯಕ್ತಿತ್ವ ಎಂದು ಹೇಳಬಹುದಾಗಿದೆ. ಸಂಶಯದಿಂದಾಗಿ ಸಂಗಾತಿಯು ನಿಮಗೆ ದೈಹಿಕ ಹಾಗೂ ಮಾನಸಿಕವಾಗಿ ಚಿಂತೆ ಮಾಡುತ್ತಲಿರಬಹುದು. ನಿಮಗೆ ಹೀಗೆ ಆಗುತ್ತಲಿದ್ದರೆ ಆಗ ನೀವು ಮೊದಲು ಮಾಡಬೇಕಾದ ಕೆಲಸವೆಂದರೆ ಸಂಗಾತಿಗೆ ನಿಮ್ಮ ಬಗ್ಗೆ ನಂಬಿಕೆ ಇಡುವಂತೆ ಹೇಳಬೇಕು.

ಹೀಗೆ ನಡೆದುಕೊಂಡರೆ ಸಂಸಾರ ತಾಪತ್ರೆ ಉಂಟಾಗುವುದಿಲ್ಲ

ಸಂಶಯಪಡುವ ವ್ಯಕ್ತಿಯೊಂದಿಗೆ ಸಂಸಾರ ನಡೆಸುವುದು ತುಂಬಾನೇ ಕಷ್ಟಸಂಶಯಿತ ವ್ಯಕ್ತಿಗಳೊಂದಿಗೆ ಜೀವನ ನಡೆಸುವುದು ತುಂಬಾ ಕಠಿಣ. ಯಾಕೆಂದರೆ ಅವರು ಪ್ರತಿಯೊಂದಕ್ಕೂ ಸಂಶಯಪಡುವರು. ಹೀಗಾಗಿ ನೀವು ಈ ಸಂಬಂಧದಲ್ಲಿ ಉಸಿರುಗಟ್ಟಿದ ಭಾವನೆ ಅನುಭವಿಸುವಿರಿ. ಸಂಗಾತಿಯ ಸಂಶಯಿತ ನಡವಳಿಕೆಯು ನಿಮಗೆ ಹೊರೆಯಾಗಿದ್ದರೆ ಮತ್ತು ಇದರಿಂದ ಸಮಸ್ಯೆಯಾಗುತ್ತಲಿದ್ದರೆ ಆಗ ನೀವು ವೈಯಕ್ತಿಕತೆ ಅವಕಾಶ ನೀಡಬೇಕು ಎಂದು ಕೇಳಿ. ವಾಸ್ತವ ಜೀವನದಲ್ಲಿ ಪ್ರತಿಯೊಬ್ಬ ಸಂಗಾತಿಗೂ ತನ್ನದೇ ಆಗಿರುವ ಒಂದು ಅಸ್ತಿತ್ವ ಮತ್ತು ಭಿನ್ನ ಜೀವನ ವಿರುವುದು. ಪ್ರತಿಯೊಬ್ಬರಿಗೂ ತಮ್ಮದೇ ಆಗಿರುವ ವೈಯಕ್ತಿಕತೆ ಬೇಕು. ಇದರಿಂದ ಸಂಗಾತಿ ಜತೆಗೆ ಮಾತನಾಡಿ ಮತ್ತು ಅವರ ಮನವೊಲಿಸಿ. ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಯಾವುದೇ ವಿಚಾರವನ್ನು ಬದಲಾಯಿಸಲು ಹೋಗಬೇಡಿ.
ಆಯ್ಕೆಯ ಪ್ರಾಮುಖ್ಯತೆ
ನಿಮ್ಮಿಬ್ಬರ ಸಂಬಂಧದಲ್ಲಿ ಸಂಗಾತಿಯೇ ಮೊದಲಿಗೆ ಎಲ್ಲಾ ನಿರ್ಧಾರ ತೆಗೆದುಕೊಳ್ಳುತ್ತಾರೆಯಾ? ಇದು ಖರ್ಚು, ಪ್ರಯಾಣ, ರೆಸ್ಟೋರೆಂಟ್ ನಲ್ಲಿ ಆಯ್ಕೆ ಅಥವಾ ಬಟ್ಟೆಗಳ ಆಯ್ಕೆಯಲ್ಲಿ ಕೆಲವು ಸಂಗಾತಿಗಳು ತಮ್ಮ ಅಧಿಕಾರ ಸ್ಥಾಪಿಸುವರು. ಅಂತಹ ಬಟ್ಟೆಗಳನ್ನು ಧರಿಸಬೇಡ, ಆ ಗೆಳೆಯರನ್ನು ಬಿಟ್ಟುಬಿಡು, ಅಂತಹ ಜಾಗಗಳಿಗೆ ಹೋಗಬೇಡ ಎನ್ನುವುದು. ಇದೆಲ್ಲವೂ ನಿಮ್ಮ ಸಂಗಾತಿಗೆ ಸಂಬಂಧಪಡದೆ ಇರುವಂತಹ ವಿಚಾರಗಳಾಗಿವೆ. ವೈಯಕ್ತಿಕ ಜೀವನದ ಬಗ್ಗೆ ನೀವೇ ನಿರ್ಧಾರ ತೆಗೆದುಕೊಳ್ಳಬೇಕು. ಇದರಿಂದ ನಿಮ್ಮ ಆಯ್ಕೆಯ ಪ್ರಾಮುಖ್ಯತೆ ಬಗ್ಗೆ ಸಂಗಾತಿಗೆ ತಿಳಿಹೇಳಿ. ಅಗತ್ಯವಿದ್ದರೆ ಮಾತ್ರ ಸಲಹೆ ನೀಡಲು ಹೇಳಿ.

ಗಂಡ-ಹೆಂಡತಿಯ ನಡುವೆ ಹೀಗೆಲ್ಲಾ ಆದ್ರೆ ಬೇರೆಬೇರೆ ಆಗುವ ಕಾಲ ದೂರವಿಲ್ಲ!undefined

ಸಲಹೆಗಾರರ ನೆರವು ಪಡೆಯಿರಿ
ವೈವಾಹಿಕ ಜೀವನದಲ್ಲಿ ಕೂಡ ಕೆಲವು ಮಂದಿ ತಮ್ಮ ಅಧಿಕಾರವನ್ನು ಸ್ಥಾಪಿಸುವವರು ಇರುತ್ತಾರೆ. ಇವರು ತಮ್ಮದೇ ಆದ ನಿರ್ಧಾರವನ್ನು ತೆಗೆದುಕೊಳ್ಳುವರು ಮತ್ತು ಇನ್ನೊಬ್ಬರಿಗೆ ಅವಕಾಶ ನೀಡಲ್ಲ. ಇಂತಹ ಸಂಬಂಧದಲ್ಲಿ ದೊಡ್ಡ ಸಮಸ್ಯೆ ಎಂದರೆ ಇದರಿಂದ ತಾವಾಗಿಯೇ ಹೊರಗೆ ಬರುವಂತೆಯೂ ಇರುವುದಿಲ್ಲ. ಇಂತಹ ಸಂದರ್ಭದಲ್ಲಿ ನೀವು ಕೌನ್ಸಿಲರ್ ನೆರವು ಪಡೆಯಲು ಮರೆಯಬೇಡಿ.

ಸಂಸಾರದಲ್ಲಿ ಸಂಶಯ ಸ್ವಭಾವ ಒಳ್ಳೆಯದಲ್ಲ
ಸಂಗಾತಿಯು ಅತಿಯಾಗಿ ಸಂಶಯದ ಸ್ವಭಾವ ಮತ್ತು ಅಧಿಕಾರ ಸ್ಥಾಪಿಸುವ ಗುಣ ಹೊಂದಿದ್ದರೆ, ಅದರಿಂದ ನಿಮ್ಮ ಮಾನಸ್ಸಿನ ಮೇಲೆ ಒತ್ತಡ ಬೀಳುತ್ತಿದ್ದರೆ ಮತ್ತು ದೈಹಿಕವಾಗಿಯೂ ಇದು ನಿಮಗೆ ತೊಂದರೆ ನೀಡುತ್ತಿದ್ದರೆ ಆಗ ನೀವು ಈ ಸಂಬಂಧವನ್ನು ಮುರಿಯುವುದು ತುಂಬಾ ಒಳ್ಳೆಯದು. ಮೊದಲಿಗೆ ಸಂಗಾತಿಯ ಸ್ನೇಹಿತರು, ಆಪ್ತರ ಜತೆಗೆ ಮಾತನಾಡಿ, ಅವರಿಗೆ ಮನವರಿಕೆ ಮಾಡಲು ಪ್ರಯತ್ನಿಸಿ.

ಪ್ರೀತಿ-ಪ್ರೇಮವೇ ಹಾಗೆ ಗುರು ಇಲ್ಲದೆ ಕಲಿಯುವ ವಿದ್ಯೆ!