ಸಂಬಂಧವು ಜೋಡೆತ್ತಿನಂತೆ ಕಷ್ಟವಿರಲಿ ಸುಖವಿರಲಿ, ಹೊಂದಾಣಿಕೆ ಮುಖ್ಯ!

ಸಂಬಂಧದಲ್ಲಿ ಯಾವಾಗಲೂ ತುಂಬಾ ಸೂಕ್ಷ್ಮ ಹಾಗೂ ಬೆಂಬಲವಾಗಿರುವುದು ಅತೀ ಅಗತ್ಯವಾಗಿರುವುದು. ಜೀವನದಲ್ಲಿ ಸಂಗಾತಿಯು ತುಂಬಾ ಕಠಿಣ ಸಮಯವನ್ನು ಎದುರಿಸುತ್ತಲಿದ್ದರೆ ಆಗ ನೀವು ಅವರಿಗೆ ಬೆಂಬಲವಾಗಿ ನಿಂತುಕೊಂಡು, ಆರೈಕೆ ಮಾಡಿ. ಆದರೆ ನೀವು ಅವರ ಆರೈಕೆ ಮಾಡುವ ವೇಳೆ ನಿಮ್ಮ ಗುರಿಯನ್ನು ಬದಿಗಿಡಬೇಕಾಗಿಲ್ಲ. ಹೀಗೆ ಆದರೆ ಆಗ ಮುಂದೆ ಸಂಬಂಧವು ಬಿಗಡಾಯಿಸುವುದು ಮತ್ತು ಆರಂಭದಲ್ಲಿ ಇರುವಂತಹ ಹೊಂದಾಣಿಕೆಯು ಇರದು.

ಸಂಗಾತಿಯ ಆದ್ಯತೆಗಳಿಗೆ ಗಮನ ನೀಡುವುದು ಅಗತ್ಯವೆಂದು ಪ್ರತಿಯೊಬ್ಬರಿಗೂ ತಿಳಿದಿರುವಂತಹ ವಿಚಾರ. ಆದರೆ ನೀವು ಈ ವೇಳೆ ನಿಮ್ಮ ಆದ್ಯತೆಗಳನ್ನು ಕಡೆಗಣಿಸಬಾರದು. ನಿಮ್ಮ ಭಾಂದವ್ಯವು ಉತ್ತಮವಾಗಿದ್ದು, ಬಲಿಷ್ಠವಾಗಿದ್ದರೆ ಆಗ ನೀವು ಸರಿಯಾಗಿ ಸಂಗಾತಿಯನ್ನು ಅರ್ಥ ಮಾಡಿಕೊಳ್ಳಬಹುದು. ಆಗ ಅವರು ನಿಮ್ಮ ಪ್ರಯತ್ನವನ್ನು ಖಂಡಿತವಾಗಿಯೂ ಒಪ್ಪುವರು.

ನೋಡಿ ಇದೇ ಗಂಡ ಹೆಂಡತಿಯ ನಡುವೆ ಇರುವ ಕಾಮನ್ ಸಮಸ್ಯೆಗಳು

ನಿಮ್ಮ ವೈಯಕ್ತಿಕತೆಯನ್ನು ಕೂಡ ಗೌರವಿಸಬೇಕು. ಹೀಗಾಗಿ ನೀವು ನಿಮಗೋಸ್ಕರ ಸಮಯವನ್ನು ಕೂಡ ಮೀಸಲಿಡಬೇಕು ಮತ್ತು ಸಂಗಾತಿಗೆ ಕೂಡ ಅವರದ್ದೇ ಆಗಿರುವಂತಹ ಸಮಯ ನೀಡಬೇಕಾಗುತ್ತದೆ. ಸಂಬಂಧದಲ್ಲಿ ಕೆಲವು ಗಡಿಗಳನ್ನು ಹಾಕಿಕೊಂಡು ನೀವು ಹಾಗೆ ಸಂಬಂಧದಲ್ಲಿ ಮುಂದೆ ಸಾಗಬೇಕು.

ಸಂಬಂಧದಲ್ಲಿ ಕೇವಲ ಪ್ರೀತಿ ಮಾತ್ರ ಪ್ರಮುಖ ಅಂಶವೆಂದು ಜನರು ಭಾವಿಸಿರುವರು. ಆದರೆ ಇದು ನಿಜವಾದರೂ, ಸಂಗಾತಿಗಳನ್ನು ಪ್ರೀತಿಸುವ ಜತೆಗೆ ನಿಮ್ಮನ್ನು ನೀವು ಪ್ರೀತಿಸಲು ಕಲಿಯಬೇಕು. ನಿಮ್ಮನ್ನು ನೀವು ಆರೈಕೆ ಮಾಡದೆ, ನಿಮ್ಮ ಭಾವನೆಗಳನ್ನು ಕಡೆಗಣಿಸಿದರೆ ಆಗ ನೀವು ಖಂಡಿತವಾಗಿಯೂ ನಿಮ್ಮನ್ನು ನೀವು ಮರೆತುಬಿಡುವಿರಿ.

ಸಂಬಂಧ ಉಳಿಸಿಕೊಳ್ಳಲು ನೀವು ಅತಿಯಾಗಿ ಯತ್ನಿಸುತ್ತಿರುವ ಲಕ್ಷಣಗಳು

ಸಂಬಂಧವೆಂದ ಮೇಲೆ ಅಲ್ಲಿ ಜತೆಯಾಗಿ ಸಾಗಲೇಬೇಕು. ಅವರ ಕೆಲವೊಂದು ಅಭಿರುಚಿ, ಹವ್ಯಾಸಗಳನ್ನು ನೀವು ಕೂಡ ಒಪ್ಪಿಕೊಳ್ಳಬೇಕು. ಅದೇ ರೀತಿ ಅವರು ಕೂಡ. ನೀವು ಅವರ ಹವ್ಯಾಸಗಳಲ್ಲಿ ಭಾಗಿಯಾಗಲು ಹೋಗಿ ನಿಮ್ಮ ಹವ್ಯಾಸಗಳನ್ನು ಮೆರತುಬಿಡಬಾರದು. ನಿಮ್ಮ ಹವ್ಯಾಸಗಳಿಗೆ ಕೂಡ ಮಹತ್ವ ನೀಡಿ. ಸಂಬಂಧದಿಂದಾಗಿ ನಿಮ್ಮ ಆಸಕ್ತಿ ಮೇಲೆ ಪರಿಣಾಮ ಬೀರದಂತೆ ನೋಡಿಕೊಳ್ಳಿ.

ಆರೋಗ್ಯಕಾರಿ ಸಂಬಂಧಕ್ಕೆ ಸಂವಹನವು ಅತೀ ಅಗತ್ಯವಾಗಿರುವುದು. ಆದರೆ ಇದು ಏಕಮುಖವಾಗಿರಬಾರದು. ನೀವು ಸಂಗಾತಿಯ ಮಾತನ್ನು ಕೇಳುತ್ತಲಿದ್ದರೆ, ಆಗ ಅವರು ಕೂಡ ನಿಮ್ಮ ಮಾತನ್ನು ಕೇಳಬೇಕು. ಸಂಬಂಧವೆನ್ನುವುದು ಇಬ್ಬರಿಂದ ಮಾತ್ರ ಮುಂದುವರಿಯಲು ಸಾಧ್ಯ. ಕೇವಲ ಒಬ್ಬ ವ್ಯಕ್ತಿಯೇ ನಿರ್ಧಾರ ತೆಗೆದುಕೊಳ್ಳುತ್ತಲಿದ್ದರೆ, ಆಗ ಖಂಡಿತವಾಗಿಯೂ ಇದು ಸಂಬಂಧದ ಮೇಲೆ ಕೆಟ್ಟ ಪರಿಣಾಮ ಬೀರುವುದು.

Read in English: How to be a great partner without losing yourself in the process