ಸಂಗಾತಿಯಲ್ಲಿ ಹಾಸ್ಯಪ್ರಜ್ಞೆ

ಹಾಸ್ಯಪ್ರಜ್ಞೆ ಇರುವ ಹುಡುಗರನ್ನು ಕಂಡರೆ ಹುಡುಗಿಯರು ಬಹು ಬೇಗ ಬೋಲ್ಡ್‌ ಆಗುತ್ತಾರಂತೆ. ಇತ್ತೀಚೆಗೆ ಬಾಲಿವುಡ್‌ ನಟಿ ಸಾರಾ ಕೂಡ ಇದನ್ನೇ ಹೇಳಿದ್ದರು, ತಮ್ಮ ಡ್ರೀಮ್‌ ಬಾಯ್‌ ಫ್ರೆಂಡ್‌ ಹ್ಯೂಮರಸ್‌ ಆಗಿರಬೇಕು, ಹಣಕ್ಕಿಂತಲೂ ಹಾಸ್ಯ ಪ್ರಜ್ಞೆ ಹಾಗೂ ಬುದ್ಧಿವಂತಿಕೆಗೆ ಗಮನ ನೀಡುತ್ತಾರೆ ಎಂದಿದ್ದಾರೆ. ಮೀಸೆ ಹೊಂದಿರುವ ಹುಡುಗನೆಂದರೆ ಇಷ್ಟವಂತೆ. ಯಾವುದೇ ಲಿಂಕ್‌ಅಪ್‌ಗಳಿಲ್ಲ ಅನ್ನುವ ಅವರು ತಮ್ಮ ಡ್ರೀಮ್‌ಬಾಯ್‌ಗಾಗಿ ಹುಡುಕುತ್ತಿದ್ದಾರಂತೆ.

ಖುಷಿಯ ಗುಟ್ಟು

ಹಾಸ್ಯಪ್ರಜ್ಞೆ ಎಂದಾಕ್ಷಣ ಗಂಭೀರ ಸಂಗತಿಯನ್ನು ಉಡಾಫೆಯಾಗಿ ನೋಡುವುದು ಅಂತಲ್ಲ, ಆದರೆ ಸಂಬಂಧದಲ್ಲಿ ಖುಷಿ ಇರಬೇಕು ಅಂದರೆ ಇಂಥದ್ದೊಂದು ಮನೋಭಾವ ಅತ್ಯಗತ್ಯ. ಈ ಸಂಬಂಧ ನಡೆದ ಸಮೀಕ್ಷೆ ಕೂಡ ಇದನ್ನೇ ಹೇಳಿದೆ. ಇತ್ತೀಚಿನ ಸಮೀಕ್ಷೆಯೊಂದರ ಪ್ರಕಾರ, ಸಂಗಾತಿಗಳ ನಡುವೆ ಫನ್‌ ಇದ್ದರೆ ಸಂಬಂಧ ಕೂಡ ಸ್ಟ್ರಾಂಗ್‌ ಆಗಿರುತ್ತದೆಯಂತೆ. ರೋಮ್ಯಾಂಟಿಕ್‌ ಸಂಗಾತಿಗಳ ನಡುವೆ ಹಾಸ್ಯಪ್ರಜ್ಞೆ ಇದ್ದರೆ ಇಡೀ ಸಂಬಂಧವನ್ನು ಖುಷಿಯಾಗಿ ನಿಭಾಯಿಸಬಹುದಂತೆ. ತಮಾಷೆ, ನಗು ಮತ್ತಿತರ ಖುಷಿಯ ಕ್ಷಣಗಳು ಆರೋಗ್ಯಕರ ಸಂಬಂಧ ರೂಪಿಸುತ್ತದೆ ಎನ್ನಲಾಗಿದೆ.

ದಾಂಪತ್ಯದಲ್ಲಿ ಅಳವಡಿಸಿಕೊಳ್ಳಲೇಬೇಕಾದ್ದು

ಜಗಳದ ನಂತರ ಸಂಗಾತಿಯನ್ನು ನಗಿಸಲು ಪ್ರಯತ್ನಿಸಿ. ಒತ್ತಡದ ಸಂದರ್ಭದಲ್ಲಿ ಹಾಸ್ಯದ ಮೂಲಕ ನಿರಾಳತೆ ಸಂಗಾತಿಯ್ನು ಆವರಿಸುವಂತೆ ಮಾಡಿ. ಸಣ್ಣಪುಟ್ಟ ತಮಾಷೆಯನ್ನು ಪರಸ್ಪರ ಇಷ್ಟಪಡಿ. ನಿಮ್ಮ ತಪ್ಪುಗಳನ್ನು ದೂರುವ ಬದಲು ತಮಾಷೆಯಾಗಿ ತೆಗೆದುಕೊಳ್ಳಿ. ವಾದ ಅಥವಾ ದೂರು ಬೇಡ. ಆದರೆ ಅದನ್ನು ತಿದ್ದಿಕೊಳ್ಳುವಾಗ ಮಾತ್ರ ಗಂಭೀರವಾಗಿ ನೋಡಿ.