ವಿಶ್ವ ಕುಟುಂಬ ದಿನಾಚರಣೆ 2020: ಜಾಯಿಂಟ್‌ ಫ್ಯಾಮಿಲಿ ಜೀವನ ನಿಜಕ್ಕೂ ಚಂದ

ಅವಿಭಕ್ತ ಕುಟುಂಬವಿದ್ದ ಸಂದರ್ಭದಲ್ಲಿ ಮಕ್ಕಳು ಜತೆಯಾಗಿ ಆಟವಾಡಿಕೊಂಡು ಖುಷಿಪಡುತ್ತಿದ್ದರು. ಅದರಲ್ಲೂ ಬೇಸಗೆ ರಜಾ ಸಮಯದಲ್ಲಿ ಒಂದು ಮನೆಯಲ್ಲಿ ಸುಮಾರು ಹತ್ತಿಪ್ಪತ್ತು ಮಕ್ಕಳು ಜತೆಯಾಗುತ್ತಿದ್ದರು. ತೋಟ, ಕೆರೆ, ನದಿ ಹೀಗೆ ಮಕ್ಕಳು ಆಡಲು ಹೋಗದ ಜಾಗವಿಲ್ಲ. ಆದರೆ ಇಂದು ಎಲ್ಲವೂ ಮಾಯವಾಗಿದೆ. ಯಾಕೆಂದರೆ ಅವಿಭಕ್ತ ಕುಟುಂಬವು ಒಡೆದು ಹೋಗಿ ನೂರಾರು ಕುಟುಂಬಗಳು ಆಗಿದೆ.

ಇಂತಹ ಕುಟುಂಬಗಳಲ್ಲಿ ಹುಟ್ಟುವಂತಹ ಮಕ್ಕಳಿಗೆ ಚಿಕ್ಕಪ್ಪ, ಚಿಕ್ಕಮ್ಮ, ಅತ್ತೆ-ಮಾವ ಯಾರು ಎನ್ನುವುದೆ ತಿಳಿದಿರುವುದಿಲ್ಲ. ಅವಿಭಕ್ತ ಕುಟುಂಬದಲ್ಲಿ ವಾಸಿಸುವಂತಹ ಖುಷಿಯೇ ಒಂದು ರೀತಿಯಲ್ಲಿ ವಿಶೇಷವಾಗಿತ್ತು. ಅಲ್ಲೊಬ್ಬ ಯಜಮಾನ, ಆತನ ಮಾತಿನಂತೆ ಎಲ್ಲರೂ ನಡೆದೆಕೊಳ್ಳುವುದು, ಎಲ್ಲಾ ಕೆಲಸಗಳಲ್ಲಿ ಜತೆ ನೀಡುವುದು. ಕಷ್ಟ ಸುಖ ಎಲ್ಲವನ್ನೂ ಸಮಾನವಾಗಿ ಹಂಚಿಕೊಳ್ಳುವುದು ಹೀಗೆ ಹಲವಾರು.

ಅವಿಭಕ್ತ ಕುಟುಂಬಗಳು ಕಾಣಸಿಗುವುದು ತುಂಬಾ ಕಡಿಮೆ. ಆದರೆ ಅವಿಭಕ್ತ ಕುಟುಂಬದಲ್ಲಿನ ಕೆಲವೊಂದು ಲಾಭಗಳ ಬಗ್ಗೆ ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ.

ಹೀಗೆ ನಡೆದುಕೊಂಡರೆ ಸಂಸಾರ ತಾಪತ್ರೆ ಉಂಟಾಗುವುದಿಲ್ಲ

ನಿಷ್ಕಲ್ಮಷ ಪ್ರೀತಿ
ಮನೆಯಲ್ಲಿ 3-4ಕ್ಕಿಂತ ಹೆಚ್ಚು ಜನರಿದ್ದರೆ ಆಗ ನಿಮಗೆ ನಿಷ್ಕಲ್ಮಷ ಪ್ರೀತಿ ಹಾಗೂ ಬೆಂಬಲ ಸಿಗುವುದು. ನಿಮ್ಮ ಅಜ್ಜಅಜ್ಜಿ, ಚಿಕ್ಕಪ್ಪ ಚಿಕ್ಕಮ್ಮ ಮತ್ತು ಸೋದರ ಸಂಬಂಧಿಗಳಿಂದ ಸಿಗಬಹುದು. ಅವಿಭಕ್ತ ಕುಟುಂಬದಲ್ಲಿ ಬದುಕುವ ಮಕ್ಕಳು ಹೆಚ್ಚು ಪ್ರೌಢ ಹಾಗೂ ಕಾಳಜಿ ಹೊಂದಿರುವವರು ಆಗಿರುವರು.

ಕೌಟುಂಬಿಕ ರಜಾ ದಿನಗಳು
ಸಣ್ಣ ಬಸ್ ನಲ್ಲಿ ಕುಟುಂಬ ಸದಸ್ಯರೆಲ್ಲರೂ ಜತೆಯಾಗಿ ಒಂದು ಪ್ರವಾಸಿ ತಾಣಕ್ಕೆ ಹೋಗುವುದು, ಅಲ್ಲಿ ಅಂತ್ಯಾಕ್ಷರಿ ಹಾಡುವುದು, ಹೀಗೆ ಹಲವಾರು ಸಂಭ್ರಮದ ಕ್ಷಣಗಳು ಇವೆ.

ಜವಾಬ್ದಾರಿ
ಅಡುಗೆ ಮನೆಯ ಪಾತ್ರೆಗಳನ್ನು ತೊಳೆಯುವುದು, ಶೌಚಾಲಯ ಶುಚಿಗೊಳಿಸುವುದು, ಪುಸ್ತಕಗಳನ್ನು ಜೋಡಿಸಿರುವುದು ಇತ್ಯಾದಿಗಳು ತುಂಬಾ ಕಠಿಣ ಕೆಲಸಗಳು. ಆದರೆ ಇದಕ್ಕೆ ಜತೆ ನೀಡುವವರು ಇದ್ದರೆ ಆಗ ಎಲ್ಲವೂ ಸುಲಭವಾಗುವುದು. ಅವಿಭಕ್ತ ಕುಟುಂಬದಲ್ಲಿ ವಾಸಿಸುತ್ತಿದ್ದರೆ ಆಗ ನಿಮಗೆ ಜವಾಬ್ದಾರಿಗಳು ಹಂಚಿಹೋಗುವುದು. ಇದರಿಂದ ಕೆಲಸದ ಒತ್ತಡ ಕಡಿಮೆ ಆಗುವುದು ಮತ್ತು ಕೆಲಸವು ಪರಿಣಾಮಕಾರಿ ಆಗುವುದು.

ಕಾಳಜಿಯೂ ಹಂಚಿ ಹೋಗುವುದು
ಚಿಕ್ಕಪ್ಪನ ಮೊಬೈಲ್ ಫೋನ್, ಅಜ್ಜಿ ಮಾಡುವಂತಹ ಬಿರಿಯಾನಿ, ಸೋದರ ಸಂಬಂಧಿಯ ಬಟ್ಟೆಗಳು ಹೀಗೆ ನಿಮಗೆ ಎಲ್ಲವೂ ಇಷ್ಟವಾಗಿದ್ದರೂ ಇದನ್ನು ಪಡೆಯಲು ಸಾಧ್ಯವಿಲ್ಲ. ಆದರೆ ಅವಿಭಕ್ತ ಕುಟುಂಬದಲ್ಲಿ ಇದು ಸುಲಭವಾಗಿ ಸಿಗುವುದು.

ಆರ್ಥಿಕತೆ
ಸಣ್ಣ ಕುಟುಂಬಗಳಿಗೆ ಹೋಲಿಕೆ ಮಾಡಿದರೆ ಅಲ್ಲಿ ಪತಿ ಹಾಗೂ ಪತ್ನಿ ಮೇಲೆ ಎಲ್ಲಾ ಆರ್ಥಿಕ ಜವಾಬ್ದಾರಿ ಬೀಳುವುದು. ಆದರೆ ಕೂಡು ಕುಟುಂಬದಲ್ಲಿ ಹೆಚ್ಚಾಗಿ ಎಲ್ಲರೂ ದುಡಿಯುವ ಕಾರಣದಿಂದಾಗಿ ಆರ್ಥಿಕ ಹೊರೆಯು ಕಡಿಮೆ ಆಗುವುದು. ಇದರಿಂದ ನಿಮಗೆ ಹಣ ಕೂಡಿಡಲು ಸಾಧ್ಯವಾಗಲಿದೆ.

ಭದ್ರತೆ
ಹಲವಾರು ಮಂದಿಗೆ ಜತೆಯಾಗಿ ಮಾಡುವಂತಹ ಆರೋಗ್ಯ ವಿಮೆಟಗಳು ಇವೆ ಮತ್ತು ಇದರಿಂದ ಇಡೀ ಅವಿಭಕ್ತ ಕುಟುಂಬವು ಒಂದೇ ಸೂರಿನಡಿಯಲ್ಲಿ ಬರುವುದು. ಇಷ್ಟು ಮಾತ್ರವಲ್ಲದೆ, ವೈಯಕ್ತಿಕವಾಗಿಯೂ ಇದು ಲಾಭ ನೀಡಲಿದೆ.

ನೋಡಿ ಸಂಸಾರದಲ್ಲಿ ಹೀಗೆಲ್ಲಾ ಮಾಡಿಕೊಂಡರೆ ಸುಖ ಸಂಸಾರ ಹೇಗೆ ಸಾಧ್ಯ?

ತುರ್ತು ಸಂದರ್ಭ
ಅವಿಭಕ್ತ ಕುಟುಂಬದಲ್ಲಿ ಯಾವುದೇ ತುರ್ತು ಸಂದರ್ಭವಿದ್ದರೂ ಆಗ ಯಾರಾದರೂ ನೆರವಿಗೆ ನಿಲ್ಲುವರು. ವೈಯಕ್ತಿಕ ಸಮಸ್ಯೆ, ಆರ್ಥಿಕ ಸಮಸ್ಯೆ, ಭಾವನಾತ್ಮಕ ಬೆಂಬಲ ಅಥವಾ ವೈದ್ಯಕೀಯ ನೆರವು ಏನೇ ಆಗಿದ್ದರೂ ನಿಮಗೆ ನೆರವು ಸಿಗುವುದು. ನಿಮಗೆ ಮಾರ್ಗದರ್ಶಕರಾಗಿ ಕುಟುಂಬ ಸದಸ್ಯರು ನಿಲ್ಲುವರು.

ಸಂಬಂಧ
ಸಣ್ಣ ಕುಟುಂಬವಾದರೆ ಆಗ ನಿಮಗೆ ಸಂಬಂಧಿಕರ ಜತೆಗೆ ಸಂಪರ್ಕದಲ್ಲಿರಲು ತುಂಬಾ ಕಷ್ಟವಾಗಬಹುದು. ಆದರೆ ಅವಿಭಕ್ತ ಕುಟುಂಬದಲ್ಲಿ ನಿಮಗೆ ನಿತ್ಯವೂ ಸಂಬಂಧಿಕರು ಸಿಗುವರು ಮತ್ತು ಭಾಂದವ್ಯವು ಬೆಸೆಯುವುದು.