ಓದಿನ ಜತೆ ಪ್ರೀತಿಯ ನಂಟು

ಪ್ರೀತಿ ಎನ್ನುವುದು ಯಾರಲ್ಲಿ ಹೇಗೆ ಹುಟ್ಟುತ್ತದೆಯೋ ಗೊತ್ತಿಲ್ಲ. ಆದರೆ ಪ್ರೇಮ ಸಂಬಂಧವೊಂದು ಅರಳಲು ಪುಸ್ತಕ ಕೂಡ ಸಹಾಯ ಮಾಡುತ್ತದೆಯಂತೆ. ಆಗಾಗ ಪುಸ್ತಕ ಓದುವ ಅಭ್ಯಾಸ ಇಟ್ಟುಕೊಂಡವರು ಖುಷಿಯಾಗಿರುತ್ತಾರಂತೆ. ಅಷ್ಟೇ ಅಲ್ಲ, ಇದು ಅವರ ರೊಮ್ಯಾಂಟಿಕ್‌ ಜೀವನದಲ್ಲೂ ಪ್ರಭಾವ ಬೀರುತ್ತದೆ ಎಂದಿದೆ ಸಮೀಕ್ಷೆ. ಈ ಬಗ್ಗೆ ಹಲವು ದೇಶಗಳಲ್ಲಿ ಸಮೀಕ್ಷೆ ನಡೆದಿದ್ದು, ಶೇ.41ರಷ್ಟು ಮಂದಿ ಹೇಳಿದ್ದೇನು ಅಂದರೆ ಪುಸ್ತಕ ಓದು ಹೊಸ ಪ್ರೇಮ ಅರಸಲು ಸಹಾಯ ಮಾಡಿದೆಯಂತೆ. ಶೇ.30ರಷ್ಟು ಮಂದಿ ಪ್ರಕಾರ, ಸಂಗಾತಿ ಆಯ್ಕೆಗೆ ಪುಸ್ತಕ ಮಾರ್ಗದರ್ಶಿ. ಇನ್ನೂ ಹಲವು ಬಗೆಯ ಅಭಿಪ್ರಾಯಗಳು ಈ ಬಗ್ಗೆ ವ್ಯಕ್ತವಾಗಿವೆ.