ಗುಂಡಗಿನ ಹೆಂಡತಿ ಇರುವವರು ಇತರರಿಗಿಂತ ಹತ್ತು ಪಟ್ಟು ಖುಷಿಯಾಗಿರುತ್ತಾರೆ

ಮದುವೆಗೆ ಹುಡುಗಿ ಹುಡುಕುವಾಗ ಹುಡುಗಿ ತೆಳ್ಳಗೆ ಇರಬೇಕೆಂದು ಪುರುಷರು ಬಯಸುತ್ತಾರೆ, ಆದರೆ ಯಾರು ಗುಂಡು-ಗುಂಡಗೆ ಇರುವವರನ್ನು ಮದುವೆಯಾಗ್ತಾರೋ ಅವರು ಇತರ ಪುರುಷರಿಗಿಂತ ಹತ್ತು ಪಟ್ಟು ಖುಷಿ-ಖುಷಿಯಲ್ಲಿರುತ್ತಾರೆ ಎಂದು ಅಧ್ಯಯನ ಹೇಳಿದೆ.

ಮೆಕ್ಸಿಗೋ ರಾಷ್ಟ್ರೀಯ ಸ್ವಾಯತ್ತತೆ ವಿಶ್ವ ವಿದ್ಯಾಲಯವು ನೂರು ಜೋಡಿಗಳನ್ನು ಅಧ್ಯಯನ ಮಾಡಿ ಈ ಅಚ್ಚರಿಯ ವರದಿ ನೀಡಿದೆ. ಪುರುಷರು ಮದುವೆಯ ನಂತರ ಖುಷಿಯಾಗಿರುವಲ್ಲಿ ಮಹಿಳೆಯರ ದೇಹದ ತೂಕ ಕೂಡ ಒಂದು ಬಹುಮುಖ್ಯ ಅಂಶವಾಗಿದೆ ಎಂದು ಅಧ್ಯಯನ ಹೇಳಿದೆ.

ಇಷ್ಟು ಮಾತ್ರವಲ್ಲ ಗುಂಡು-ಗುಂಡಗಿನ ಹೆಂಡತಿಯನ್ನು ಪಡೆದವರು ಹೆಚ್ಚು ನಗುತ್ತಾರೆ, ಅಲ್ಲದೆ ಇಂಥ ಮಹಿಳೆಯರು ಸಂಬಂಧದಲ್ಲಿ ಬರುವ ಸಮಸ್ಯೆಗಳನ್ನು ನಿಭಾಯಿಸುವಲ್ಲಿ ಹೆಚ್ಚು ಬುದ್ಧಿವಂತರಾಗಿರುತ್ತಾರೆ ಎಂದು ಕೂಡ ಅಧ್ಯಯನ ಹೇಳಿದೆ.

ಹಾಗಾದರೆ ಬಳಕುವ ಬಳ್ಳಿಯರ ಬಗ್ಗೆ ಏನು ಹೇಳಿದೆ?
ತೆಳ್ಳಗೆ ಇರುವವರು ಹೆಚ್ಚು ಆತ್ಮೀಯರಾಗಿರುವುದಿಲ್ಲ, ಅಲ್ಲದೆ ತಮ್ಮ ಭಾವನೆಗಳನ್ನು ಸುಲಭವಾಗಿ ವ್ಯಕ್ತ ಪಡಿಸುವುದಿಲ್ಲ, ಇದು ಸಂಬಂಧದ ಖುಷಿಯ ಮೇಲೆ ಪ್ರಭಾವ ಬೀರುತ್ತದೆ.

ಅಧ್ಯಯನ ಏನೇ ಹೇಳಲಿ ತಮ್ಮ ಸಂಗಾತಿಯನ್ನು ಚೆನ್ನಾಗಿ ಅರ್ಥ ಮಾಡಿಕೊಂಡರೆ, ದೇಹವನ್ನು ಫಿಟ್‌ ಹಾಗೂ ಆರೋಗ್ಯಕರವಾಗಿ ಇಟ್ಟುಕೊಂಡರೆ, ನೀವು ಖುಷಿಯಾಗಿದ್ದರೆ ಸಂಗಾತಿಯನ್ನು ಖುಷಿಯಾಗಿ ಇಟ್ಟುಕೊಳ್ಳಬಹುದು, ಏನಂತೀರಾ?