ಹಣದ ಆಸೆ ಪಡುವವರ ಜತೆ ಸಂತಸದ ಬದುಕು ಸಾಧ್ಯವಿಲ್ಲ

ಅರೇಂಜ್‌ ಮ್ಯಾರೇಜ್‌ ಇರಲಿ, ಲವ್ ಮ್ಯಾರೇಜ್‌ ಇರಲಿ ಜೀವನ ಸಾಗಿಸಲು ಹಣ ಬೇಕು, ಆದರೆ ಬರೀ ಹಣ-ಅಂತಸ್ತು ನೋಡಿ ಮದುವೆಯಾದರೆ ಮಾತ್ರ ಸುಖವಾಗಿ ಬಾಳಲು ಖಂಡಿತ ಸಾಧ್ಯವಿಲ್ಲ.

ಪ್ರೀತಿಯನ್ನು ಹಣದಿಂದ ಅಳೆಯಲು ಎಂದಿಗೂ ಸಾಧ್ಯವಿಲ್ಲ. ಜೀವನವನ್ನು ನಮಗೆ ಇಷ್ಟವಾದವರ ಜತೆ ಕಳೆಯಬೇಕೆ ಹೊರತು ಮೆಟರಿಯಲಿಸ್ಟಿಕ್‌ ಆದರೆ ಅಂತಹ ಕುಟುಂಬದಲ್ಲಿ ಸಂತೋಷದ ಬದಲು ಸಮಸ್ಯೆಯೇ ಹೆಚ್ಚಾಗಿರುತ್ತದೆ.

ಸಂಗಾತಿ ಮೆಟರಿಯಲಿಸ್ಟಿಕ್ ಆಗಿದ್ದರೆ ಅಲ್ಲಿ ಭಾವನೆಗಳಿಗೆ ಬೆಲೆ ಇರುವುದಿಲ್ಲ, ಕಾಳಜಿ ಇರುವುದಿಲ್ಲ ಎಲ್ಲವನ್ನು ದುಡ್ಡಿನಿಂದಲೇ ಅಳೆಯುತ್ತಾರೆ. ಅಂಥವರು ಹಣ ಇರುವಾಗ ಜತೆಗಿದ್ದು ಕಷ್ಟಕಾಲದಲ್ಲಿ ಬಿಟ್ಟು ಹೋಗಲು ಹಿಂದೆ-ಮುಂದೆ ನೋಡುವುದಿಲ್ಲ.

ದಾಂಪತ್ಯದಲ್ಲಿ ಒಬ್ಬರು ಅಥವಾ ಇಬ್ಬರು ಸಂಬಂಧಕ್ಕಿಂತ ಹಣಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಿದರೆ ಆ ಸಂಬಂಧ ದೀರ್ಘಕಾಲ ಬಾಳುವುದಿಲ್ಲವೆಂದು ವಿಲಿಯಂ ಪೇಟರ್‌ಸನ್‌ ವಿಶ್ವವಿದ್ಯಾನಿಲಯ ಸಂಶೋಧನೆ ನಡೆಸಿ ಹೇಳಿದೆ. ಈ ಸಂಶೋಧನೆಯಲ್ಲಿ 1,700 ದಂಪತಿಗಳು ಭಾಗವಹಿಸಿದ್ದರು.

ಮೆಟರಿಯಲಿಸ್ಟಿಕ್‌ ಸಂಗಾತಿಯ ಲಕ್ಷಣಗಳು
* ಅವರು ಯಾವಾಗಲು ಅವರ ಕುರಿತು ಮಾತ್ರ ಯೋಚಿಸುತ್ತಾರೆ, ಸಂಗಾತಿಯ ಭಾವನೆಗೆ ಬೆಲೆ ಇರುವುದಿಲ್ಲ.
* ಸ್ವಗೌರವಾಗಲಿ, ಸಂಬಂಧ ಉಳಿಸಿಕೊಂಡು ಹೋಗುವ ಚಾಕಚಕ್ಯತೆಯಾಗಲಿ ಅವರಲ್ಲಿ ಕಾಣುವುದಿಲ್ಲ.