*ಬಿಂದು
ದಾಂಪತ್ಯದ ಅಸಮಾಧಾನಕ್ಕೆ ಸಂಗಾತಿಯ ಸ್ನೇಹಿತರ ಮಧ್ಯ ಪ್ರವೇಶ ಕೂಡ ಕಾರಣವಿರಬಹುದು. ಪತಿ ಅಥವಾ ಪತ್ನಿ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ಅವರ ಸ್ನೇಹಿತರನ್ನು ಮನೆಗೆ ಆಹ್ವಾನಿಸುವ ಮುನ್ನ ಯೋಚಿಸಿ. ಏಕೆಂದರೆ ಇದೇ ಸ್ನೇಹ ಅನಗತ್ಯ ಸಂಬಂಧವೊಂದರ ಹುಟ್ಟಿಗೆ ಕಾರಣವಿರಬಹುದು ಅಥವಾ ನಿಮ್ಮ ಒಳ್ಳೆಯತನವನ್ನು ದುರುಪಯೋಗ ಪಡಿಸಿಕೊಳ್ಳಬಹುದು.
1.ತಪ್ಪು ಕಲ್ಪನೆಗೆ ಅವಕಾಶ ಬೇಡ
ನಿಮ್ಮ ಸಂಗಾತಿಯ ಸ್ನೇಹಿತರೊಂದಿಗೆ ನೀವು ಒಳ್ಳೆಯ ಬಾಂಧವ್ಯ ಹೊಂದಿರಬಹುದು. ಆದರೆ ಈ ಬಗ್ಗೆ ನಿಮ್ಮ ಸಂಗಾತಿಗೆ ಅನುಮಾನವಿದ್ದರೆ ಅಥವಾ ಅಸೂಯೆ ಪಡುತ್ತಿದ್ದರೆ ಸಂಗಾತಿ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ಅವರನ್ನು ಮನೆಗೆ ಆಹ್ವಾನಿಸಬೇಡಿ. ಏಕೆಂದರೆ ಅದು ನಿಮ್ಮಿಬ್ಬರ ನಡುವೆ ಜಗಳಕ್ಕೆ ಕಾರಣವಾಗಬಹುದು.
2.ಅತಿಯಾದ ಸಲುಗೆ ಅನಗತ್ಯ
ಸಂಗಾತಿಯ ಸ್ನೇಹಿತರೆಲ್ಲರೂ ನಿಮಗೂ ಸ್ನೇಹಿತರಾಗಬೇಕೆಂದೇನೂ ಇಲ್ಲ. ಹಾಗಾಗಿ ಅವರæೂಂದಿಗೆ ಅಂತರ ಕಾಯ್ದುಕೊಳ್ಳಿ. ಅನವಶ್ಯಕ ಸಲುಗೆ, ಚರ್ಚೆ ಬೇಡ.
3. ಫೋನ್ ನಂಬರ್ಗಳ ವಿನಿಮಯ
ಸಂಗಾತಿಯ ಸ್ನೇಹಿತರೊಂದಿಗೆ ಯಾವುದೇ ಕಾರಣಕ್ಕೂ ಫೋನ್ ನಂಬರ್ಗÙ Ü ವಿನಿಮಯ ಬೇಡ. ತುರ್ತು ಪರಿಸ್ಥಿತಿಗೆಂದು ನಂಬರ್ ಇಟ್ಟುಕೊಂಡರೂ ಅನವಶ್ಯಕ ಮೆಸೇಜ್ ಅಥವಾ ಕಾಲ್ ಮಾಡಬೇಡಿ.
4.ಸಂಗಾತಿಗೆ ಮಾಹಿತಿ ಇರಲಿ
ನಿಮ್ಮ ಸಂಗಾತಿಯ ಅನುಪಸ್ಥಿತಿಯಲ್ಲಿ ಅವರ ಸ್ನೇಹಿತರೊಂದಿಗೆ ಸಮಯ ಕಳೆಯುವುದನ್ನು ಸಂಗಾತಿಗೆ ತಿಳಿಸಿ. ಸಂಗಾತಿಯ ಸ್ನೇಹಿತರೊಬ್ಬರೊಂದಿಗೆ ಹೆಚ್ಚಿನ ಸಮಯ ಕಳೆಯುವ ಪರಿಸ್ಥಿತಿ ಎದುರಾದಾಗ ನಿಮ್ಮ ಸ್ನೇಹಿತರನ್ನು ಸೇರಿಸಿಕೊಳ್ಳಿ.