ಹೆಣ್ಣು ಮಕ್ಕಳನ್ನು ಎಷ್ಟು ಗೌರವಿಸುವಿರಿ?

ತಾಯಿ, ಮಗಳು, ಪತ್ನಿ ಸೇರಿದಂತೆ ಇತರೇ ಹೆಣ್ಣು ಮಕ್ಕಳನ್ನು ನೀವು ಎಷ್ಟು ಗೌರವಿಸುತ್ತೀರ? ಮಹಿಳಾ ದಿನಾಚರಣೆಯ ಸಮಯದಲ್ಲಿ ಕೇಳಿಕೊಂಡರೆ ಸಂಬಂಧಗಳಲ್ಲಿ ಉಂಟಾಗುವ ಕೆಲವು ಸಂಘರ್ಷಗಳಿಗೆ ಪರಿಹಾರ ಸಿಗಬಹುದು. ನಿಮ್ಮನ್ನು ನೀವು ಪರೀಕ್ಷಿಸಿಕೊಳ್ಳಬಹುದಾದ ಪ್ರಶ್ನಾವಳಿಗಳನ್ನು ನೀಡಿದ್ದಾರೆ ಆಪ್ತ ಸಲಹೆಗಾರ ಶ್ರೀನಾಗೇಶ್‌.



1. ಮಗಳು ಹುಟ್ಟಿದಾಗ ಅಯ್ಯೋ, ಹೆಣ್ಣು ಎಂದು ಕೆಲವು ಕ್ಷ ಣಗಳಾದರೂ ಕೊರಗಿದ್ದೀರಾ?

2. ನೀನು ಹುಡುಗಿ ಎಂದು ಮಗಳಿಗೆ ಬಾಲ್ಯದಿಂದಲೂ ಹೇಳಿಕೊಂಡು ಬಂದಿರುವಿರಾ?

3. ಹುಡುಗ ಮತ್ತು ಹುಡುಗಿ ಬೇರೆಬೇರೆ ಎನ್ನುವ ಮಾತುಗಳನ್ನು ಮಕ್ಕಳ ಎದುರಿನಲ್ಲಿ ಅಥವಾ ಅವರ ಜತೆ ಮಾತನಾಡುತ್ತಿದ್ದೀರಾ?

4. ಓದುತ್ತಿರುವ ಹದಿವಯಸ್ಸಿನ ಮಗಳು ಮನೆಯ ಕೆಲಸಗಳನ್ನು ಮಾಡಬೇಕು ಎಂದು ಬಯಸುವಿರಾ?

5. ಯಾವುದೇ ಹಂತದಲ್ಲಿ ನಿಮ್ಮ ಮಗನಿಗೆ ಕಸ ಗುಡಿಸಲು, ಪಾತ್ರೆ ತೊಳೆದುಕೊಡಲು ಕೇಳಿದ್ದೀರಾ?

6. ಮಗಳಿಗೆ ಮದುವೆ ಮಾಡಿದರೆ ಜವಾಬ್ದಾರಿ ಕಳೆಯಿತು ಎಂದು ಒಪ್ಪುವಿರಾ?

7. ನಿಮ್ಮ ಮಗ ಯಾವುದೋ ಹುಡುಗಿಗೆ ಕಿರುಕುಳ ಕೊಡುತ್ತಿದಾನೆ ಎಂದು ತಿಳಿದಾಗ ನಿಮ್ಮ ಮಗನಿಗೆ ಅದು ತಪ್ಪು ಎಂದು ಕಿವಿಮಾತು ಹೇಳುವಿರಾ?

8. ನಿಮ್ಮ ಮಗ ಯಾವುದೋ ಹುಡುಗಿಯೊಂದಿಗೆ ದೇಹ ಸಂಪರ್ಕ ಹೊಂದಿದ್ದು ತಿಳಿದು ಬಂದರೆ, ಹುಡುಗಿ ಎಚ್ಚರದಿಂದ ಇರಬೇಕಿತ್ತು ಎಂಬುದು ನಿಮ್ಮ ನಿಲುವಾಗಿರುವುದೇ?

9. ಹೆಣ್ಣು ಮಕ್ಕಳಿಗೆ ಹೆಚ್ಚು ಸ್ವತಂತ್ರವಾಗಿ ಬಿಡುವುದು ಸರಿಯಲ್ಲ ಎನ್ನುವ ತತ್ವವನ್ನು ನಿಮ್ಮ ಕುಟುಂಬದಲ್ಲಿ ಅನುಸರಿಸಲಾಗುವುದೇ?

10. ಹೆಣ್ಣು ಮಕ್ಕಳನ್ನು ಗೌರವಿಸಬೇಕು ಎನ್ನುವ ತತ್ವವನ್ನು ನಿಮ್ಮ ಮಗನ ಮನಸ್ಸಿನಲ್ಲಿ ಮೂಡಿಸಿದ್ದೀರಾ?

ನಿಮ್ಮ ಉತ್ತರಗಳು ನಿಮ್ಮ ಮನಸ್ಸಿನಲ್ಲಿ ಕೆಲವು ಆಲೋಚನೆಗಳನ್ನು ಸೃಷ್ಟಿಸುತ್ತವೆ. ಅದರಲ್ಲಿಯೂ 3, 5, 7 ಹಾಗೂ 9ನೆಯ ಪ್ರಶ್ನೆಗಳು ಹೆಣ್ಣು ಮಕ್ಕಳನ್ನು ಕುರಿತು ನಿಮ್ಮ ಮನದಾಳದ ಭಾವನೆ ಏನು ಎನ್ನುವುದನ್ನು ಪ್ರತಿ ಬಿಂಬಿಸುತ್ತದೆ. 8ನೆಯ ಪ್ರಶ್ನೆ ನಿಮ್ಮ ಮೌಲ್ಯದ ಚಿತ್ರಣ ಕೊಡುತ್ತದೆ.