ಸೆಕ್ಸ್‌ ಚಾಲೆಂಜ್‌

ಸಂಗಾತಿಯೊಂದಿಗೆ ತಿಂಗಳ ಕಾಲ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿದರೆ ಈ ಸವಾಲು ಪೂರೈಸಿದಂತೆ. ಹಲವಾರು ನಿಯಮಗಳನ್ನು ಇದು ಒಳಗೊಂಡಿದೆ. ಇಂತಹದ್ದೊಂದು ಸವಾಲು ಪೂರೈಸುತ್ತೀರ ಅಂದರೆ ಏನೆಲ್ಲ ಮಾಡಬೇಕು ಗೊತ್ತಾ? ನೀವು ಮತ್ತು ನಿಮ್ಮ ಸಂಗಾತಿಯೊಂದಿಗೆ ನೀಲಿ ಚಿತ್ರಗಳ ವೀಕ್ಷಣೆ, ಲೈಂಗಿಕ ಆಟಿಕೆ ಅಥವಾ ವಸ್ತುಗಳ ಖರೀದಿ ಸೇರಿದಂತೆ ಇತರೇ ನಾನಾ ಬಗೆಯ ರೊಮ್ಯಾಂಟಿಕ್‌ ಚಟುವಟಿಕೆಗಳಲ್ಲಿ ತೊಡಗಬೇಕು. ಎಲ್ಲಾ ದಂಪತಿಗೂ ಒಂದೇ ರೀತಿಯ ನಿಯಮ ಅನುಸರಿಸಬೇಕು ಅಂತೇನೂ ಇಲ್ಲ. ತಮಗೆ ಬೇಕಾದ ರೀತಿಯಲ್ಲಿ ನಿಯಮಗಳನ್ನು ಮಾಡಿಕೊಳ್ಳಬಹುದು. ಇಂಥದ್ದೊಂದು ಚಾಲೆಂಜಿನಿಂದ ದಂಪತಿ ನಡುವೆ ಸೆಕ್ಷುಯಲ್‌ ಇಂಟಿಮಸಿ ಹೆಚ್ಚುತ್ತದೆಯಂತೆ.
ಸ್ಮೋಕರ್‌ ಜತೆಗಿಲ್ಲ ಡೇಟ್‌: ಧೂಮಪಾನ ಕೇವಲ ಆರೋಗ್ಯಕ್ಕೆ ಮಾತ್ರವಲ್ಲ, ಪ್ರೀತಿಗೂ ಮಾರಕವಂತೆ. ಇತ್ತೀಚಿನ ಸಮೀಕ್ಷೆ ಪ್ರಕಾರ, ಧೂಮಪಾನ ಮಾಡುವ ಪುರುಷರೊಂದಿಗೆ ಮಹಿಳೆಯರು ಡೇಟ್‌ ಕೂಡ ಮಾಡಲು ಬಯಸುವುದಿಲ್ಲವಂತೆ. ಧೂಮಪಾನ ಮಾಡುವ ಪುರುಷರು ಮಹಿಳೆಯರಿಗೆ ಆಕರ್ಷಕವಾಗಿ ಕಾಣುವುದಿಲ್ಲವಂತೆ. ಅದಕ್ಕೆ ಕಾರಣ ಹಲವು ಇವೆ. ಕೆಲವರಿಗೆ ಧೂಮಪಾನ ಮಾಡುವ ವ್ಯಕ್ತಿಯ ಉಸಿರಿನಿಂದ ಹೊರ ಹೊಮ್ಮುವ ವಾಸನೆ ಇಷ್ಟವಾಗುವುದಿಲ್ಲವಂತೆ. ಇನ್ನು ಹಲವರು ಆರೋಗ್ಯದ ಕಾರಣಕ್ಕೆ ಧೂಮಪಾನಿಗಳನ್ನು ದೂರ ಇಡಲು ಬಯಸುತ್ತಾರಂತೆ.
ಸಂಗಾತಿ ಕಂಡ್ರೆ ಅಸೂಯೆ ಆದ್ರೆ ಏನಾಗತ್ತೆ?: ಅಸೂಯೆ ಎನ್ನುವುದು ಬಹುತೇಕ ಸಂಗಾತಿಗಳ ನಡುವೆ ಕಲಹÜ ಉಂಟು ಮಾಡುತ್ತದೆ. ಒಮ್ಮೊಮ್ಮೆ ಸಂಬಂಧವೇ ಬೇರ್ಪಡಲು ಇದು ಕಾರಣವಾಗಬಹುದು ಎನ್ನುತ್ತೇವೆ. ಆದರೆ ನಿಮಗೆ ಗೊತ್ತಾ? ಇದೇ ಅಸೂಯೆ ಸಂಗಾತಿಗಳನ್ನು ಮತ್ತಷ್ಟು ಹತ್ತಿರವಾಗಿಸುತ್ತದೆಯಂತೆ. ಪರಸ್ಪರ ದೂರವೇ ಉಳಿದ ಅಥವಾ ಮುರಿದು ಬೀಳುತ್ತಿರುವ ಸಂಬಂಧವನ್ನು ಮರು ಜೋಡಿಸಲು ಇದೇ ಅಸೂಯೆ ನೆರವಿಗೆ ಬರುತ್ತದೆಯಂತೆ. ಆದರೆ ಸಂಗಾತಿ ಮೇಲಿನ ಅಸೂಯೆ ಆರೋಗ್ಯಕರವಾಗಿರಬೇಕು ಅಷ್ಟೆ.