ಪುರುಷನಿಗಿಂತ ಮಹಿಳೆಯ ಖುಷಿ ಹೆಚ್ಚು

ಹೊಸ ಸಂಬಂಧವೊಂದರಿಂದ ಸಿಗುವ ಖುಷಿ ಕೇವಲ ದೈಹಿಕವಾದದ್ದಲ್ಲ. ಮಾನಸಿಕವಾಗಿಯೂ ಕೂಡ. ಆದರೆ ಎಲ್ಲ ವಿವಾಹೇತರ ಸಂಬಂಧದ ಉದ್ದೇಶ ಕೇವಲ ದೈಹಿಕ ಆಕರ್ಷಣೆಗೆ ಸೀಮಿತವಾದದ್ದಲ್ಲ. ಅದರ ಹೊರತಾದ ಭಾವನಾತ್ಮಕ ಸಂಬಂಧವೂ ಆಗಿರಬಹುದು. ಮಹಿಳೆಯರು ಹೆಚ್ಚಾಗಿ ಈ ಭಾವನಾತ್ಮಕ ಖುಷಿ, ನೆಮ್ಮದಿಗಾಗಿ ಹುಡುಕಾಡುತ್ತಾರೆ ಎನ್ನುತ್ತಾರೆ ತಜ್ಞರು.
ಜಗಳ ಮುಗಿದ ಮೇಲೆ
ವಿವಾಹ ಸಂಬಂಧಿ ವೈಮನಸ್ಸು ಅಥವಾ ಜಗಳದಲ್ಲಿ ಪತ್ನಿಗಿಂತಲೂ ಪತಿ ಹೆಚ್ಚು ತೊಂದರೆಯನ್ನು ಅನುಭವಿಸುತ್ತಾನಂತೆ.
ಯಾವುದೋ ಸಂಗತಿಗೆ ಜಗಳ ಆಡಿ ಮುಗಿದಿರುತ್ತದೆ. ಆದರೆ ಅದನ್ನು ಮಹಿಳೆಯಷ್ಟು ಸುಲಭವಾಗಿ ಪುರುಷ ಮರೆಯುವುದಿಲ್ಲವಂತೆ. ಇದರ ಪರಿಣಾಮ ಘೋರವಾಗಿರುತ್ತದೆ ಎನ್ನುತ್ತದೆ ಅಧ್ಯಯನ.
ವಿವಾಹ ಸಂಬಂಧಿ ಸಂಗತಿಗಳಿಂದ ಉಂಟಾಗುವ ನೋವು ನೇರವಾಗಿ ಆರೋಗ್ಯದ ಮೇಲೆ ಹೆಚ್ಚು ಪ್ರಭಾವ ಬೀರುತ್ತದೆ. ಈ ಸಂಬಂಧ ಅನಾರೋಗ್ಯಕ್ಕೆ ಈಡಾಗುವವರಲ್ಲಿ ಮಹಿಳೆಯರಿಗಿಂತ ಪುರುಷರಲ್ಲಿ ಹೆಚ್ಚು ಎನ್ನಲಾಗಿದೆ.
ಲೈಂಗಿಕ ಅತೃಪ್ತಿಯ ಕಾರಣ
ದಾಂಪತ್ಯದ ಸೆಳೆತವನ್ನು ದೀರ್ಘಾವಧಿಯಲ್ಲಿ ಉಳಿಸುವುದು ಇಬ್ಬರ ನಡುವಿನ ಲೈಂಗಿಕ ಸಂಬಂಧ ಎನ್ನಲಾಗುತ್ತದೆ. ವೈಮನಸ್ಸು ಹಾಗೂ ವಿಚ್ಛೇದನಕ್ಕೆ ಅಸಮರ್ಪಕ ಲೈಂಗಿಕ ಜೀವನ ಕೂಡ ಕಾಡ ಕಾರಣವಾಗುತ್ತದೆ. ಇತ್ತೀಚಿಗೆ ಸಂಗಾತಿಗಳ ನಡುವೆ ಲೈಂಗಿಕ ಅತೃಪ್ತಿಗೆ ಪಿಸಿಡಿ ಎಂಬ ಸಮಸ್ಯೆ ಕಾರಣ ಎನ್ನಲಾಗುತ್ತಿದೆ. ಲೈಂಗಿಕ ಕ್ರಿಯೆಯ ನಂತರ ದುಃಖ ಅಥವಾ ಕಿರಿಕಿರಿ ಉಂಟಾಗುತ್ತದೆಯಂತೆ. ಏಕಾಂಗಿಯಾಗಿ ಇರಬೇಕೆಂಬ ಭಾವನೆ ಮೂಡುತ್ತದೆ. ಈ ಸಮಸ್ಯೆ ಪುರುಷರಲ್ಲೇ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ.
ನಿಶ್ಚಿತಾರ್ಥದ ಉಂಗುರವೀಗ ಇನ್‌ಸ್ಟಾ ಟ್ರೆಂಡ್‌
ಬೆರಳಿಗೆ ಚುಚ್ಚಿಕೊಳ್ಳುವ ನಿಶ್ಚಿತಾರ್ಥದ ಉಂಗುರ ಇದೀಗÜÜ ಇನ್‌ಸ್ಟಾಗ್ರಾಂ ಟ್ರೆಂಡ್‌ ಎಂದೆನಿಸಿದೆ.
ಹೌದು, ನಿಶ್ಚಿತಾರ್ಥದ ಉಂಗುರ ಬಂಗಾರದಿಂದ ಹಿಡಿದು ಟ್ಯಾಟೂವರೆಗೆ ಬದಲಾಗಿ ಇದೀಗ ಬೆರಳಿಗೆ ಚುಚ್ಚಿಕೊಳ್ಳುವ ಮಟ್ಟಿಗೆ ಹೋಗಿದೆ. ಇದು ಸಾಮಾಜಿಕ ತಾಣಗಳಲ್ಲಿ ಸಂಬಂಧ ಸೂಚಕವಾಗಿ ಸೆಳೆಯುತ್ತಿದೆ.
ಇಷ್ಟಪಟ್ಟ ಹುಡುಗ ಹಾಗೂ ಹುಡುಗಿ ಉಂಗುರ ಬದಲಾಯಿಸಿಕೊಂಡರೆ ನಿಶ್ಚಿತಾರ್ಥ ಆದ ಹಾಗೆ. ಸಂಬಂಧದ ವಿಷಯದಲ್ಲಿ ಉಂಗುರಕ್ಕೆ ಅಷ್ಟು ಪ್ರಾಮುಖ್ಯ ಇದೆ. ಆದರೆ ಸಂಬಂಧ ಬೆಸೆಯುವ ಉಂಗುರ ಭಾವನೆಗಳ ಜತೆ ಮತ್ತಷ್ಟು ಬೆಸೆದುಕೊಂಡು ಬೆರಳಿನಿಂದ ಚರ್ಮಕ್ಕೆ ಚುಚ್ಚಿಕೊಳ್ಳುವ ತನಕ ಬಂದಿದೆ. ಇದು ಸಂಬಂಧವೊಂದರ ಕಮಿಟ್‌ಮೆಂಟ್‌ ತೋರಿಸುತ್ತದೆ ಎಂದು ಹೇಳಲಾಗುತ್ತದೆ.