ಸಾಮಾನ್ಯವಾಗಿ, ವಿವಾಹದ ಬಳಿಕ ವ್ಯಕ್ತಿಯ ನಿಜಗುಣಗಳು ಸ್ಪಷ್ಟವಾಗುತ್ತಾ ಹೋಗುವ ಕಾರಣ, ಕೆಲವು ಗುಣಗಳು ಇಷ್ಟವಾಗದೇ ಅಥವಾ ಸಹ್ಯವಾಗದೇ ಹೋಗಬಹುದು. ಆಗ, ಸಹಜವಾಗಿಯೇ ಈ ಗುಣವಿರುವ ಮೂರನೆಯ ವ್ಯಕ್ತಿ ಇಷ್ಟವಾಗತೊಡಗುತ್ತಾರೆ. ಇಷ್ಟವಾಗುತ್ತಾರೆ ಎಂದ ಮಾತ್ರಕ್ಕೇ ವಿವಾಹಕ್ಕೇ ದ್ರೋಹ ಎಸಗುವುದು ಸರ್ವಥಾ ತಪ್ಪಾಗುತ್ತದೆ.
ಈ ವ್ಯಕ್ತಿಗಳು ಗುಟ್ಟಾಗಿ ಮೂರನೆಯ ವ್ಯಕ್ತಿಯೊಂದಿಗೆ ಸಂಬಂಧವನ್ನು ಬೆಳೆಸಿದರೆ ದಾಂಪತ್ಯದ ತಳಹದಿಯೇ ಕುಸಿಯಬಹುದು. ಹೀಗೆ ವಿಶ್ವಾಸದ ತಳಹದಿ ಕುಸಿದ ಏಳು ವಿವಾಹಿತ ವ್ಯಕ್ತಿಗಳು ತಮ್ಮ ಸಂಗಾತಿ ತಮಗೆ ಹೇಗೆ ದಾಂಪತ್ಯ ದ್ರೋಹ ಎಸಗುತ್ತಿದ್ದರು ಹಾಗೂ ಇದು ತಮಗೆ ಹೇಗೆ ತಿಳಿದು ಬಂದಿತು ಎಂಬುದನ್ನು ಬಹಿರಂಗ ಪಡಿಸಿದ್ದಾರೆ. ಬನ್ನಿ, ಮನಕಲಕುವ, ಈ ಮಾಹಿತಿಯನ್ನು ನೋಡೋಣ:
ನಮ್ಮ ಆಪಲ್ ಐಡಿಗಳು ಒಂದೇ ಇದ್ದವು, ನನಗಾಗ ಆಕೆಯ ಸಂದೇಶ ಕಾಣಸಿಕ್ಕಿತು
ನಾವಿಬ್ಬರೂ ಒಂದೇ ಮಾದರಿಯ ಐಫೋನ್ ಬಳಸುತ್ತೇವೆ ಹಾಗೂ ಒಮ್ಮೆ ಅಕಾಸ್ಮಾತ್ತಾಗಿ ಇಬ್ಬರ ಐಫೋನ್ ಬದಲಾಗಿತ್ತು. ಆಗ ನನಗೆ ಆಕೆಯ ಸಂದೇಶ ಬಂದಿದ್ದುದು ಹೀಗಿತ್ತು. "ಹನಿ, ನಾವಿಬ್ಬರೂ ಮತ್ತೆ ಯಾವಾಗ ಸಿಗೋಣ? ಹಿಂದಿನ ಭೇಟಿಯಾದ ಬಳಿಕ ನಿಮ್ಮ ಬಗ್ಗೆ ಯೋಚಿಸದೇ ಇರಲಿಕ್ಕೆ ನನಗೆ ಸಾಧ್ಯವಾಗುತ್ತಲೇ ಇಲ್ಲ" ಹಾಗೂ ಇದರೊಂದಿಗೆ ಕೆಲವಾರು ಸರಣಿ ಇಮೋಜಿಗಳೂ ಇದ್ದವು.
"ನನಗೆ ತಪ್ಪಾಗಿ ಬೇರೆಯವರಿಗೆ ಕಳಿಸಿದ್ದ ಹೂವುಗಳು ಬಂದು ತಲುಪಿದವು"
ಈ ವರ್ಷದ ವ್ಯಾಲೆಂಟೈನ್ಸ್ ದಿನದಂದು ನನಗೊಂದು ಹೂವಿನ ಗುಚ್ಛ ಬಂದು ತಲುಪಿತ್ತು. ಇದು ನನ್ನ ಪತಿ ಕಳಿಸಿದ್ದೇ ಆಗಿತ್ತು. ಆದರೆ, ಇದರಲ್ಲಿ ಅಡಕಗೊಂಡಿದ್ದ ಪತ್ರ ಮಾತ್ರ ನನಗಲ್ಲದೇ ಬೇರೆ ವ್ಯಕ್ತಿಗೆ ಬರೆದಿದ್ದುದಾಗಿತ್ತು. ಇದರಲ್ಲಿ ಹೀಗೆ ಬರೆದಿತ್ತು - ನಾನು ಸಾರ್ವಜನಿಕವಾಗಿ ಸ್ವೀಕರಿಸಲು ಸಾಧ್ಯವಾಗದ, ಆದರೆ ನನ್ನ ಹೃದಯವನ್ನು ಕದ್ದಿರುವ ನನ್ನ ಪ್ರಿಯತಮೆಗೆ".
ವಿವಾಹ ಆರೋಗ್ಯಕರವಾಗಿದೆ ಎಂಬುದನ್ನು ಸೂಚಿಸುವ ದೈಹಿಕ ಸಂಜ್ಞೆಗಳು
"ಆತನ ಸ್ನೇಹಿತನೇ ನಮ್ಮ ನಡುವೆ ಸಿಕ್ಕಿಸಿ ಹಾಕಿದ"
ಆತನ ಸ್ನೇಹಿತರಲ್ಲಿ ಕೆಲವರು ನಮ್ಮ ಮನೆಗೆ ಒಂದು ಶುಕ್ರವಾರ ಬಂದಿದ್ದರು. ಅವರಲ್ಲೊಬ್ಬ ಎರಡು ದಿನಗಳ ಹಿಂದೆ ಹತ್ತಿರದ ಮಾಲ್ ನಲ್ಲಿ ನನ್ನ ಪತಿಯನ್ನು ಇನ್ನೊಬ್ಬ ಯುವತಿಯೊಂದಿಗೆ ನೋಡಿದ್ದ. ಆದರೆ ಆ ಯುವತಿಯ ಪತಿಗೇನೂ ನನ್ನ ಪರಿಚಯವಿರಲಿಲ್ಲ. ಮುಗ್ಧನಾಗಿ ಆತ ನೀಡಿದ ಈ ವಿವರಗಳನ್ನು ಪತಿಗೆ ನೀಡಿದಾಗ ಆದ ನಿರುತ್ತರನಾಗಿದ್ದ.
ಇಬ್ಬರೂ ಆಕೆಯ ಪೋಷಕರ ಮನೆಯಲ್ಲಿದ್ದಾಗಲೇ ಸಿಕ್ಕಿಬಿದ್ದರು
ನನ್ನ ಅತ್ತೆ ಮಾವಂದಿರು ಯಾವಾಗ ಮನೆಯಿಂದ ಹೊರ ಹೋಗಬೇಕಾದರೂ ಬೀಗದ ಕೈಯನ್ನು ನಮ್ಮ ಮನೆಗೆ ಕೊಟ್ಟು ಹೋಗುತ್ತಿದ್ದರು. ಏಕೆಂದರೆ ಹೂಗಿಡಗಳಿಗೆ ನೀರು ಹಾಕಲು. ಒಂದು ದಿನ ಪತ್ನಿಯನ್ನು ಅಚ್ಚರಿಗೊಳಿಸೋಣ ಎಂದು ಎಂದಿಗಿಂತಲೂ ಮುಂಚೆಯೇ ಬಂದೆ. ಆದರೆ, ಮನೆಯ ಮುಂದೆ ಆಕೆಯ ಕಾರು ಇದ್ದುದರಿಂದ ಮುಂದಿನ ಬಾಗಿಲಿನಿಂದ ಬಂದರೆ ಆಕೆಗೆ ಗೊತ್ತಾಗಬಹುದು ಎಂದುಕೊಂಡು ಗುಟ್ಟಾಗಿ ಹಿಂದಿನ ಬಾಗಿಲಿನಿಂದ ಬಂದೆ. ಆದರೆ ಒಂದು ಶಯನಗೃಹದ ಕಿಟಕಿಯಿಂದ ಆಕೆ ತನ್ನ ಪ್ರೇಮಿಯೊಂದಿಗೆ ಏನು ಮಾಡುತ್ತಿದ್ದಳು ಎಂದು ಸ್ಪಷ್ಟವಾಗಿ ಕಾಣಿಸುತ್ತಿತ್ತು.
ಅವರಿಬ್ಬರೂ ಕೈ ಕೈ ಹಿಡಿದುಕೊಂಡು ಶಾಪಿಂಗ್ ಮಾಲ್ ನಲ್ಲಿ ಶಾಪಿಂಗ್ ಮಾಡುತ್ತಿದ್ದುದನ್ನು ನೋಡಿದೆ
ಅಂದು ನನ್ನ ಸಹೋದ್ಯೋಗಿಗೆ ಆಕೆಯ ಮದುವೆಯ ಶಾಪಿಂಗ್ ಮಾಡಲಿಕ್ಕೆಂದು ಪೂರ್ವನಿಯೋಜಿತವಿಲ್ಲದೇ ಶಾಪಿಂಗ್ ಮಾಲ್ ಗೆ ಜೊತೆಗೆ ಹೋಗಿದ್ದೆ. ಆದರೆ, ಆ ಅಂಗಡಿಯ ಒಳಗೆ ನನ್ನ ಪತಿ ಇನ್ನೊಬ್ಬ ಯುವತಿಯೊಂದಿಗೆ ಕೈ ಕೈ ಹಿಡಿದು ಸುತ್ತುತ್ತಿದ್ದುದಲ್ಲದೇ ಉಡುಗೆಯೊಂದನ್ನು ಧರಿಸಲು ಸಹಾಯ ಮಾಡುತ್ತಿದ್ದುದು ಹಾಗೂ ಹಿಂಬದಿಗೆ ತಟ್ಟುತ್ತಿದ್ದುದ್ದನ್ನೂ ಕಣ್ಣಾರೆ ನೋಡಿದೆ.
ಬ್ರೇಕಪ್ ಮಾಡಿಕೊಳ್ಳುವಾಗ ನೋವಾಗದಂತೆ ನಡೆದುಕೊಳ್ಳಲು ಟಿಪ್ಸ್
"ಇನ್ ಬಾಕ್ಸ್ ನಲ್ಲಿ ಅವರಿಬ್ಬರ ಚಾಟ್ ಗಳನ್ನೂ ಈಮೇಲುಗಳನ್ನೂ ನೋಡಿದೆ"
ನನ್ನ ಪತಿಗೊಬ್ಬಳು ಪ್ರೇಯಸಿ ಇದ್ದಳೆಂದು ಗೊತ್ತಿತ್ತು. ಆದರೆ ಮದುವೆಯ ಬಳಿಕ ಅವರಿಬ್ಬರೂ ಇನ್ನೂ ಸಂಪರ್ಕದಲ್ಲಿದ್ದಾರೆ ಎಂದು ಮಾತ್ರ ಗೊತ್ತಿರಲಿಲ್ಲ. ಒಮ್ಮೆ ಒಂದು ಈಮೇಲ್ ಕಳಿಸಲಿಕ್ಕೆ ನನ್ನ ಪತಿ ಕೇಳಿಕೊಂಡಿದ್ದರು. ಈ ಮೇಲ್ ಕಳಿಸಿದ ಬಳಿಕ ಚಾಟ್ ಬಾಕ್ಸ್ ನಲ್ಲಿ ಆಕೆಯ ಹೆಸರು ನೋಡಿದೆ. ಆಕೆಯ ಹೆಸರನ್ನು ಸರ್ಚ್ ಮಾಡಿದಾಗ ಅವರು ಮಾಡಿದ ಎಲ್ಲಾ ಚಾಟ್ ಗಳು ಬಹಿರಂಗಗೊಂಡವು.
"ನೋಟಿಫಿಕೇಶನ್ ಒಂದು ಅತಿ ತಪ್ಪಾದ ಸಮಯದಲ್ಲಿ ಪ್ರಕಟಗೊಂಡಿತ್ತು"
ಯಾವುದೋ ವಿಷಯವನ್ನು ನೆನಪಿಸಲು ಬಳಸುವ ನೋಟಿಫಿಕೇಶನ್ ಒಂದು ಅತಿ ತಪ್ಪಾದ ಸಮಯದಲ್ಲಿ ಬಂದು ಬಿಟ್ಟಿತ್ತು. ಅಂದರೆ ಅಂದಿನ ಸಮಾಗಮದ ಬಳಿಕ ನಾವು ಅತಿ ನಿಕಟವಿದ್ದು ವಿಶ್ರಮಿಸಿಕೊಳ್ಳುತ್ತಿದ್ದೆವು, ಆಗಲೇ ಆತನ ಮೊಬೈಲಿನಲ್ಲಿ "ಮಿಸ್ ಯೂ" ಎಂಬ ಸಂದೇಶ ಎರಡು ಕೆಂಪು ಹೃದಯಗಳ ಜೊತೆಗೆ ಪ್ರಕಟಗೊಂಡಿತ್ತು. ಈ ಸಂದೇಶದಿಂದ ಆತನ ಮುಖ ಕೆಂಪು ಕೆಂಪಗಾಗಿತ್ತು.
To Read in English Click: 7 Married People Reveal How They Found Out Their Partner Was Cheating