ಇಂತಹ ಸಮಯದಲ್ಲಿ ನೀವು ನಿಮ್ಮಿಬ್ಬರ ನಡುವೆ ಇರುವುದು ಪ್ರೀತಿನಾ, ಸ್ನೇಹನಾ ಎಂದು ಗುರುತಿಸಲು ಸಾಧ್ಯವಾಗದಿರುವ ಸಂದರ್ಭಗಳೂ ಬರಬಹುದು. ಆದ್ದರಿಂದ ಇಂತಹ ಪರಿಸ್ಥಿತಿ ಎದುರಾದಾಗ ನಿಮಗೆ ಬೇಕಾಗಿರುವುದು ನಿಮ್ಮಿಬ್ಬರ ನಡುವೆ ಇರುವುದು ಪ್ರೀತಿ ಅಥವಾ ಸ್ನೇಹವೇ ಎಂದು ಕಂಡುಹಿಡಿಯಲು ಸಹಾಯ ಮಾಡುವ ಕೆಲವು ಚಿಹ್ನೆಗಳು. ಆದ್ದರಿಂದ ಒಬ್ಬ ವ್ಯಕ್ತಿಯೊಂದಿಗಿನ ನಿಮ್ಮ ಸಂಬಂಧ ಸ್ನೇಹಕ್ಕಿಂತ ಹೆಚ್ಚೇ ಎಂದು ತಿಳಿಯಲು ಈ 4 ಚಿಹ್ನೆಗಳು ಸಹಾಯ ಮಾಡುತ್ತವೆ ನೋಡಿ.
ಅಸೂಯೆ ಬರುತ್ತದೆ
ನಿಮ್ಮ ಸಂಬಂಧ ಸ್ನೇಹಕ್ಕಿಂತ ಹೆಚ್ಚಾಗಿದ್ದರೆ, ಅವರು ಬೇರೆಯವರ ಕಡೆ ಗಮನ ಕೊಟ್ಟಾಗ ನಿಮಗೆ ಅಸೂಯೆ ಉಂಟಾಗುತ್ತದೆ. ಇನ್ನು ವಿಶೇಷವೆಂದರೆ ಅವರು ಯಾವಾಗಲೂ ನಿಮ್ಮ ಮೇಲೆ ಮಾತ್ರ ಗಮನ ಹರಿಸಬೇಕೆಂದು ನೀವು ಬಯಸುತ್ತೀರಿ. ಅವರು ಬೇರೆಯವರೊಂದಿಗೆ ಮಾತನಾಡುವಾಗ ನಿಮಗೆ ಅಸೂಯೆ ಬರುತ್ತದೆ. ನಿಮಗೆ ಹೀಗನಿಸುವುದು ನಿಮ್ಮಿಬ್ಬರ ಸಂಬಂಧ ಸ್ನೇಹಕ್ಕಿಂತ ಹೆಚ್ಚಾಗಿದ್ದರೆ. ನೀವು ಅವರ ಬಗ್ಗೆ ನಮ್ಮವರು ಎಂದು ಭಾವನೆ ಬೆಳೆಸಿಕೊಂಡಾಗ ಮತ್ತು ಅವರು ನಿಮ್ಮ ಕಡೆ ಬಿಟ್ಟು ಬೇರೆಯವರ ಕಡೆ ಗಮನವನ್ನು ಕೊಟ್ಟಾಗ ಅಸೂಯೆ ಉಂಟಾಗುತ್ತದೆ.
ಬೇರೆಯವರಿಗಿಂತ ಹೆಚ್ಚಾಗಿ ನಿಮಗೆ ಮಾತ್ರ ಅವರು ಹೆಚ್ಚಿನ ಸಮಯವನ್ನು ನೀಡುತ್ತಿದ್ದರೆ, ಗೌರವಿಸುತ್ತಿದ್ದರೆ, ಬೇರೆಯವರಿಗೆ ವಿಪರೀತವೆನಿಸಿದರೂ, ನಿಮ್ಮ ಬಗ್ಗೆ ಅವರು ಹೆಚ್ಚು ಕಾಳಜಿವಹಿಸುತ್ತಿದ್ದರೆ, ಬಹಳಷ್ಟು ವಿಷಯಗಳಿಗೆ ಸಮಯ ಸಿಕ್ಕಿದರೂ, ನಿಮ್ಮೊಂದಿಗೆ ಸಮಯ ಕಳೆಯಲು ಆರಿಸಿಕೊಂಡರೆ ಇದರ ಅರ್ಥ ನಿಜವಾಗಿಯೂ ನಿಮ್ಮಿಬ್ಬರ ನಡುವೆ ಸ್ನೇಹ ಮಾತ್ರವಲ್ಲ, ಪ್ರೀತಿಯಿದೆ ಎಂಬುದು ಸಾಬೀತಾಗುತ್ತದೆ.
ಅವರು ಜೊತೆಗಿದ್ದಾಗ ಏನೋ ಒಂಥರಾ ತಳಮಳ
ಸ್ನೇಹಿತರಾಗಿರದ್ದವರು ಇದ್ದಕ್ಕಿದ್ದಂತೆ ತುಂಬಾ ವಿಚಿತ್ರವಾಗಿ ವರ್ತಿಸುತ್ತಿದ್ದರೆ ಅಥವಾ ನೀವು ಬಂದಾಗ ಆತಂಕಕ್ಕೊಳಗಾದರೆ, ನಿಮ್ಮೊಂದಿಗೆ ಅವರು ಇದ್ದಾಗ ಉತ್ತಮ ಅವಕಾಶ ಸಿಕ್ಕಿದ ಹಾಗೆ ಭಾವಿಸಿದರೆ ನೀವು ಅವರ ಜೊತೆ ಇದ್ದಾಗ ಒಂದು ರೀತಿ ಹೆದರಿಕೆಯ ಭಾವ ಬರುತ್ತದೆ. ಈ ರೀತಿ ಆಗುವುದು ನಿಮ್ಮಿಬ್ಬರ ನಡುವಿನ ಸಂಬಂಧ ಸ್ನೇಹಕ್ಕಿಂತ ಹೆಚ್ಚಿದ್ದರೆ. ಇಷ್ಟೇ ಅಲ್ಲ, ನೀವು ಅವರನ್ನು ಭೇಟಿಯಾದಾಗಲೆಲ್ಲಾ, ಈ ನಿಮ್ಮ ಹೊಟ್ಟೆಯಲ್ಲಿ ಚಿಟ್ಟೆ ಓಡಾಡಿದ ಹಾಗೆ ಭಾವ ಪಡೆಯುತ್ತೀರಿ ಮತ್ತು ನಿಮ್ಮ ಅಂಗೈಗಳು ಬೆವರುವಂತೆ ಭಾಸವಾಗುತ್ತದೆ. ನರಗಳು ಅದುರಿದ ಹಾಗೆ ಅನಿಸುತ್ತದೆ ಮತ್ತು ಅವರು ಎದುರಿಗಿದ್ದಾಗ ನಾಚಿಕೆಯಾದಂತೆ ಅನಿಸುತ್ತದೆ. ಏನು ನಡೆಯುತ್ತಿದೆ ಎಂದು ಅರಿತುಕೊಳ್ಳದಿರಬಹುದು.
ನಿರಂತರ ಕರೆಗಳು ಮತ್ತು ಸಂದೇಶಗಳು
ಅವರ ಜೊತೆ ಎಷ್ಟೇ ಮಾತನಾಡಿದರೂ, ಸಂದೇಶಗಳು ಅಥವಾ ಕರೆಗಳನ್ನು ಮಾಡಿದರೂ, ಇನ್ನು ಮಾತನಾಡಬೇಕಿತ್ತು ಎಂಬ ಭಾವ ಉಂಟಾಗುತ್ತದೆ. ನೀವು ಇಬ್ಬರೂ ಸಂದೇಶ ಅಥವಾ ಎಷ್ಟು ಕರೆ ಮಾಡಿ ಮಾತನಾಡುತ್ತಿದ್ದರೂ, ಅದು ಸಾಕಾಗುವುದಿಲ್ಲ ಎಂದು ನೀವು ಭಾವಿಸುತ್ತೀರಿ ಮತ್ತು ಪ್ರತಿದಿನವೂ ಅವರೊಂದಿಗೆ ಮಾತನಾಡಲು ಬಯಸುತ್ತೀರಿ. ನೀವು ಎಚ್ಚರವಾದಾಗ ನೀವು ಸಂದೇಶ ಕಳುಹಿಸುವ ಮೊದಲ ವ್ಯಕ್ತಿ ಮತ್ತು ನೀವು ನಿದ್ರೆಗೆ ಹೋಗುವ ಮೊದಲು ಸಂದೇಶ ಕಳುಹಿಸುವ ಕೊನೆಯ ವ್ಯಕ್ತಿ ಅವರಾಗಿರುತ್ತಾರೆ.
ಆತ ನಿಮ್ಮಿಂದ ಬೇರ್ಪಡದೇ ಇರಲು ಈ ಐದು ಕಾರಣಗಳಿರಬಹುದು
ಮುದ್ದಾದ ಅಡ್ಡಹೆಸರುಗಳಿಂದ ಕರೆಯುವುದು
ಇಬ್ಬರೂ ಕೂಡ ಮುದ್ದಾದ ಅಡ್ಡಹೆಸರುಗಳನ್ನು ಹೊಂದಿರುತ್ತೀರಿ. ಜನರು ಸಾಮಾನ್ಯವಾಗಿ ಇತರರಿಗಿಂತ ತಮ್ಮ ಪ್ರೀತಿಪಾತ್ರರಿಗೆ ಮಾತ್ರ ಅಡ್ಡಹೆಸರುಗಳಿಂದ ಕರೆಯಲು ಇಷ್ಟಪಡುತ್ತಾರೆ. ಆದ್ದರಿಂದ ನೀವು ಇಬ್ಬರೂ ಒಬ್ಬರಿಗೊಬ್ಬರು ಮುಜುಗರ ಪಡುವಂತಹ ಅಡ್ಡಹೆಸರುಗಳನ್ನು ಹೊಂದಿದ್ದರೆ, ಅದು ಖಂಡಿತವಾಗಿಯೂ ಸ್ನೇಹಕ್ಕಿಂತ ಹೆಚ್ಚಿನದಾಗಿರುತ್ತದೆ ಮತ್ತು ನಿಮ್ಮ ಭಾವನೆಗಳನ್ನು ಅವರ ಬಳಿ ಹೇಳಿಕೊಳ್ಳುವ ಸಮಯ ಇದು ಎಂದು ಖಚಿತವಾಗಿ ಹೇಳಬಹುದು.
ಒಬ್ಬ ವ್ಯಕ್ತಿ ನಿಮ್ಮನ್ನು ಇಷ್ಟಪಟ್ಟಾಗ ಅವರು ಕಣ್ಣಿನ ಸಂಪರ್ಕವನ್ನು ಮಾಡಲು ಸಾಧ್ಯವಾಗುವುದಿಲ್ಲ. ಅವರು ನಿಮ್ಮೊಂದಿಗೆ ಅಥವಾ ನಿಮ್ಮ ಬಗ್ಗೆ ಇತರ ಜನರೊಂದಿಗೆ ಮಾತನಾಡಲು ಪ್ರಯತ್ನಿಸುವಾಗ ಮುಜುಗರಕ್ಕೊಳಗಾಗಲು ಪ್ರಾರಂಭಿಸುತ್ತಾರೆ.