ಆದರೆ ಕೆಲವರಿಗೆ ತುಂಬಾ ಬಿಳಿಯಾಗಿರಬೇಕು ಎನ್ನುವುದೇ ಒಂದು ಗೀಳು. ಅದರಲ್ಲೂ ಮಹಿಳೆಯರು ಬಿಳಿಯಾಗಿದ್ದರೆ ಮಾತ್ರ ತಮ್ಮನ್ನು ಪುರುಷರು ಸ್ವೀಕರಿಸುವರು ಎಂದು ತಿಳಿದಿರುವರು. ಆದರೆ ಇದು ನಿಜವಲ್ಲ, ಎಲ್ಲರೂ ಕೇವಲ ಸೌಂದರ್ಯದ ಹಿಂದೆ ಹೋಗಲ್ಲ ಎನ್ನುವುದನ್ನು ಗಮನಿಸಬೇಕಾಗಿದೆ.
ಇಂತಹ ತಪ್ಪು ಕಲ್ಪನೆಯಿಂದಾಗಿ ಕೆಲವು ಮಹಿಳೆಯರಿಗೆ ತಮ್ಮ ಸಂಗಾತಿಯ ಮುಂದೇ ದೇಹ ಪ್ರದರ್ಶನ ಮಾಡಲು ಹಿಂಜರಿಕೆಯಾಗುವುದು. ಇದರಿಂದಾಗಿ ಅವರು ತುಂಬಾ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ತಮ್ಮ ದೇಹದ ಬಗ್ಗೆ ಏನೇನೋ ಕಲ್ಪನೆಗಳನ್ನು ಸಂಗಾತಿಯು ಇಟ್ಟುಕೊಂಡಿರಬಹುದು ಎಂದು ಮಹಿಳೆಯು ಭಾವಿಸುವಳು.
ಹೀಗಾಗಿ ಆಕೆ ತನ್ನ ದೇಹದಲ್ಲಿ ಏನಾದರೂ ಕುಂದುಕೊರತೆಗಳು ಇದ್ದರೆ ಅದು ಸಂಗಾತಿಯ ಮೇಲೆ ಪರಿಣಾಮ ಬೀರಬಹುದು ಎಂದು ತಿಳಿಯುವರು. ಇಂತಹವರು ಲೈಂಗಿಕ ಕ್ರಿಯೆಗೂ ಹಿಂಜರಿಯುವರು. ಇಂತಹ ಮಹಿಳೆಯರನ್ನು ಲೈಂಗಿಕ ಕ್ರಿಯೆಗೆ ಸರಿಯಾದ ರೀತಿಯಲ್ಲಿ ಸಜ್ಜುಗೊಳಿಸುವುದು ಹೇಗೆ ಎಂದು ಈ ಲೇಖನದ ಮೂಲಕ ತಿಳಿಯಿರಿ.
ಆಕೆಯನ್ನು ಪ್ರೀತಿಸುತ್ತಿರುವ ಭಾವನೆ ಮೂಡಿಸಿ
ಆಕೆಯ ನಗ್ನ ದೇಹವನ್ನು ನೋಡುವ ವೇಳೆ ಆಕೆಗೆ ಭೀತಿ ಮೂಡದಂತೆ ನೋಡಿಕೊಳ್ಳಿ. ನೀವು ಆಕೆಯನ್ನು ಅಪ್ಪಿಕೊಂಡು ಹಿತಕರ ಭಾವನೆ ಉಂಟು ಮಾಡಿ.
ನಿಜ ತಿಳಿಸಿ!
ಆಕೆಯನ್ನು ಮನಸ್ಸಿನಿಂದ ನೀವು ಇಷ್ಟಪಡುತ್ತಿದ್ದೀರಿ. ಆಕೆಯ ದೇಹವನ್ನು ಅಲ್ಲ ಎನ್ನುವುದನ್ನು ನೀವು ಆಕೆಗೆ ಸ್ಪಷ್ಟವಾಗಿ ಹೇಳಿಬಿಡಿ.
ಆಕೆಯನ್ನು ನೀವು ಪ್ರೀತಿಸುತ್ತಿರುವಿರಿ ಎನ್ನುವುದನ್ನು ಸರಿಯಾಗಿ ಮನವರಿಕೆ ಮಾಡಿಕೊಡಿ. ಆಕೆಯ ದೇಹವು ನಿಮಗೆ ತುಂಬಾ ಇಷ್ಟ ಎನ್ನುವುದನ್ನು ನೀವು ಆಕೆಗೆ ಪದೇ ಪದೇ ಹೇಳಿಕೊಟ್ಟರೆ ತುಂಬಾ ಒಳ್ಳೆಯದು.
ಲೈಂಗಿಕ ಕ್ರಿಯೆ ವೇಳೆ ಹೊಟ್ಟೆ ನೋವು ಕಾಣಿಸುವುದು ಯಾಕೆ ಗೊತ್ತಾ?
ಆಕೆಯ ಆತ್ಮವಿಶ್ವಾಸ ಹೆಚ್ಚಿಸಿ
ಆಕೆಯ ತನ್ನ ದೇಹದ ಕೆಲವೊಂದು ಭಾಗಗಳ ಬಗ್ಗೆ ಇಷ್ಟವಿಲ್ಲದೆ ಇರಬಹುದು. ಆದರೆ ನೀವು ಆಕೆಯಲ್ಲಿ ಇದರ ಬಗ್ಗೆ ಒಳ್ಳೆಯ ಮಾತುಗಳನ್ನು ಹೇಳಿ ಆತ್ಮವಿಶ್ವಾಸ ಹೆಚ್ಚಿಸುವ ಕೆಲಸ ಮಾಡಿ.
ಆಕೆಯ ದೇಹದ ಪ್ರತಿಯೊಂದು ಭಾಗವನ್ನು ವರ್ಣಿಸಲು ಸಾಧ್ಯವಿಲ್ಲದೆ ಇದ್ದರೂ ಕೆಲವು ಭಾಗಗಳನ್ನು ನೀವು ಪ್ರಶಂಸೆ ಮಾಡಿ. ಇದರಿಂದ ಆಕೆಯಲ್ಲಿ ಖಂಡಿತವಾಗಿಯೂ ಆತ್ಮವಿಶ್ವಾಸ ಹೆಚ್ಚಾಗುವುದು.
ತಮ್ಮ ದೇಹದ ಬಗ್ಗೆ ನಾಚಿಕೆ ಪಟ್ಟುಕೊಳ್ಳುವ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಇರುವರು. ಆದರೆ ನೀವು ಇದರ ಬಗ್ಗೆ ಅವಸರ ಮಾಡದೆ, ಅವರಲ್ಲಿ ಆತ್ಮವಿಶ್ವಾಸ ತುಂಬಿ ಅವರು ತಮ್ಮ ದೇಹದ ಬಗ್ಗೆ ಹೆಮ್ಮೆ ಪಡುವಂತೆ ಮಾಡಬೇಕು. ಆಗ ಖಂಡಿತವಾಗಿಯೂ ಇದು ನಿಮಗೆ ತುಂಬಾ ನೆರವಾಗುವುದು ಹಾಗೂ ಲೈಂಗಿಕ ಕ್ರಿಯೆ ಕೂಡ ಉತ್ತಮವಾಗುವುದು.