ಒಳ್ಳೆಯ ಅತ್ತೆಯಾಗಲು ಇಲ್ಲಿವೆ ಕೆಲವು ಮಾರ್ಗಗಳು ಇವೆ...

ಮಕ್ಕಳಿಗೆ ತಾಯಿ ಯಾವಾಗಲೂ ಮೊದಲ ಆದ್ಯತೆಯಾಗಿರುತ್ತಾಳೆ. ವಿವಾಹದ ನಂತರ ಅವರ ಸಂಗಾತಿಯು ನಿಮ್ಮ ಸ್ಥಾನವನ್ನು ತುಂಬುತ್ತಾಳೆ. ಆಗ ಆ ಸತ್ಯವನ್ನು ನಿಮಗೆ ಸಹಿಸಿಕೊಳ್ಳಲು ಸಾಧ್ಯವಾಗದು. ಆದರೆ ಸತ್ಯವನ್ನು ಸ್ವೀಕರಿಸಬೇಕು. ಮಕ್ಕಳ ನಡವಳಿಕೆ ಹಾಗೂ ವರ್ತನೆಯಲ್ಲಿ ನಿಮಗೆ ಬೇಸರ ಹಾಗೂ ಚಿಂತನೆ ಮೂಡಿಸುತ್ತಿದ್ದರೆ ನೇರವಾಗಿ ಅವರನ್ನು ಪ್ರಶ್ನೆ ಮಾಡಿ ಗೊಂದಲವನ್ನು ಪರಿಹರಿಸಿಕೊಳ್ಳಿ. ಬದಲಿಗೆ ಸಂದೇಹ ಪಡುವುದರ ಮೂಲಕ ನಿಮ್ಮ ನೆಮ್ಮದಿ ಹಾಳು ಮಾಡಿಕೊಳ್ಳದಿರಿ.

ನಿಮ್ಮ ಪ್ರೀತಿಯ ಸಂಬಂಧ ಉತ್ತಮವಾಗಿರಲು ಪ್ರೀತಿಯ ನಿಯಮಗಳನ್ನು ಅನುಸರಿಸಿ

ನಿಮ್ಮ ಮಗಳು ಮತ್ತು ಅಳಿಯನ ಬಗ್ಗೆ ಮಾತನಾಡುವಾಗ ಹೇಗೆ ಸಂತೋಷವನ್ನು ವ್ಯಕ್ತಪಡಿಸುವಿರೋ ಹಾಗೆಯೇ ಮಗಳು ಮತ್ತು ಸೊಸೆಯೊಂದಿಗೆ ಮಾತನಾಡುವಾಗಲೂ ಅಷ್ಟೇ ಸಕಾರಾತ್ಮಕವಾಗಿ ಇರಲು ಪ್ರಯತ್ನಿಸಿ. ಸೊಸೆಯ ಉತ್ತಮ ಗುಣಗಳನ್ನು ಪ್ರಶಂಸಿಸಿ. ಅವರು ಸಹ ನಿಮ್ಮ ಸಂತೋಷ ಹಾಗೂ ಕಾಳಜಿಯ ಕಡೆಗೆ ಹೆಚ್ಚು ಗಮನ ಹರಿಸುವರು. ಯಾವುದೇ ಅನುಮಾನ ಭಿನ್ನಾಭಿಪ್ರಾಯ ಎದುರಾದರೆ ಕುಳಿತು ಅವರೊಂದಿಗೆ ಚರ್ಚಿಸಿ, ನಿರ್ಣಯವನ್ನು ಕೈಗೊಳ್ಳಿ.

ನಿಮ್ಮ ಮಗ ಸದಾ ಹೆಂಡತಿಯ ಮಾತನ್ನೇ ಕೇಳುತ್ತಾನೆ ಎಂದು ಅಸಡ್ಡೆ ತೋರದಿರಿ. ಅವರನ್ನು ಆಗಾಗ ಮಾತನಾಡಿಸುತ್ತಾ, ಹೇಗಿದ್ದಾರೆ ಎಂದು ವಿಚಾರಿಸಿಕೊಳ್ಳಿ. ಅವರು ಹೇಳಲು ಬಯಸದೆ ಇದ್ದಾಗ ಅದನ್ನು ಬಲವಂತವಾಗಿ ಕೇಳಲು ಹೋಗದಿರಿ. ಅವರನ್ನು ಅವರ ಪಾಡಿಗೆ ಬಿಟ್ಟು ಬಿಡಿ. ಅವರು ನಿಮ್ಮ ಬಳಿ ಹೇಳಿಕೊಳ್ಳಬೇಕು ಎಂದುಕೊಳ್ಳುವ ವಿಷಯವನ್ನು ಅವರೇ ಹೇಳುತ್ತಾರೆ. ಆಗ ನೀವು ನೆಮ್ಮದಿಯಿಂದ ಇರುತ್ತೀರಿ. ಸೊಸೆಯೂ ಸಹ ನಿಮ್ಮನ್ನು ಗೌರವಿಸುವಳು.

ನಿಮ್ಮ ಸಂಗಾತಿಯಲ್ಲಿ ಅವರ ಹಿಂದಿನ ಸಂಬಂಧದ ಬಗ್ಗೆ ಈ ಪ್ರಶ್ನೆಗಳನ್ನೆಂದೂ ಕೇಳದಿರಿ

ನೀವು ನಿಮ್ಮ ಮಗಳು ಮತ್ತು ಅಳಿಯನಿಗೆ ವಿಶೇಷ ಉಡುಗೊರೆಯನ್ನು ನೀಡುತ್ತಿದ್ದರೆ ಮಗ ಮತ್ತು ಸೊಸೆಗೂ ಅದೇ ರೀತಿಯ ಉಡುಗೊರೆಯನ್ನು ನೀಡಿ. ಯಾವುದೇ ಕಾರಣಕ್ಕೂ ಸಣ್ಣ ನಿಷ್ಕಾಳಜಿಯನ್ನು ಮಗ ಮತ್ತು ಸೊಸೆಯ ಮೇಲೆ ತೋರದಿರಿ. ಸಣ್ಣ ವಿಷಯಗಳೇ ದೊಡ್ಡ ಅಸಮಧಾನಕ್ಕೆ ಕಾರಣವಾಗುವುದು. ಸಣ್ಣ ವಿಷಯಗಳಲ್ಲೂ ಸಹ ಸಮಾನತೆಯನ್ನು ಪರಿಗಣಿಸಿದರೆ ನೀವು ಆದರ್ಶ ಹಾಗೂ ಉತ್ತಮ ಅತ್ತೆಯಾಗಿ ನಿಲ್ಲುವಿರಿ.

ನಿಮ್ಮ ಮಗನ ಹೆಂಡತಿಯು ನಿಮಗೆ ಮಗಳ ಸಮಾನವಾಗಿರುತ್ತಾಳೆ. ಅವಳ ಹುಟ್ಟಿದ ದಿನ, ವಿವಾಹದ ದಿನ ಅಥವಾ ಯಾವುದೋ ಒಂದು ನೆನಪಿನ ಸುಂದರ ದಿನಗಳನ್ನು ಆಶ್ಚರ್ಯ ನೀಡುವುದರ ಜೊತೆಗೆ ಆಚರಿಸಿ. ಅದು ಅವರಿಗೂ ಸಂಭ್ರಮ ತರುವುದು. ಅವರಿಗೂ ನಿಮ್ಮ ಬಗ್ಗೆ ಉತ್ತಮ ಕಾಳಜಿ ಹಾಗೂ ಪ್ರೀತಿಯ ಭಾವನೆ ಮೂಡುವುದು. ನಿಮ್ಮ ಬಗ್ಗೆ ಹೆಚ್ಚು ಪ್ರೀತಿ ಹಾಗೂ ವಿಶ್ವಾಸ ಸದಾ ಹಸನಾಗಿ ಇರುತ್ತದೆ.

To Read in English Click: How can you be a good mother-in-law?