ಸಂಗಾತಿಯನ್ನು ಮೋಡಿ ಮಾಡಲು ಸಾಕು ನಾಲ್ಕು ಮಾತು

ನೀವು ನಿಮ್ಮ ಸಂಗಾತಿಯನ್ನು ಖುಷಿಯಾಗಿರಿಸಲು ಏನೇನೋ ಮಾಡುತ್ತೀರ ಆದರೆ ನೀವಾಡುವ ಪ್ರೀತಿಯ ಮಾತು ಅವರನ್ನು ಮೋಡಿ ಮಾಡುತ್ತದೆ.

ಪ್ರೀತಿಯ ಸಂಗಾತಿಯನ್ನು ಸಂತೋಷವಾಗಿರಿಸಲು ನಾವು ಏನೇನೋ ಮಾಡುತ್ತೇವೆ. ಸರ್ಪೈಸ್ ಆಗಿ ಉಡುಗೊರೆ ಕೊಡುವುದು, ಅವರಿಷ್ಟ ಪಡುವ ಜಾಗಕ್ಕೆ ಕರೆದೊಯ್ಯುವುದು , ಹೀಗೆ ಏನೇನೋ ಮಾಡುತ್ತೇವೆ. ನಿಮಗೆ ಗೊತ್ತೆ ಅದೆಲ್ಲಕ್ಕಿಂತ ಹೆಚ್ಚಾಗಿ ನಿಮ್ಮ ಪ್ರೀತಿಯ ಮಾತು ಅವರನ್ನು ಅತಿ ಹೆಚ್ಚು ಮೋಡಿ ಮಾಡಬಲ್ಲದೆಂದು.

ಹೌದು, ನಿಮ್ಮ ಪ್ರೀತಿಭರಿತ ಮಾತು ನಿಮ್ಮತ್ತ ಅವರ ಆಕರ್ಷಣೆ ಉಳಿಯುವಂತೆ ಮಾಡಬಲ್ಲದು. ರೋಮಾಂಚನಗೊಳಿಸಬಹುದು. ನಿಮ್ಮಿಬ್ಬರನ್ನು ಪರಸ್ಪರ ಜತೆಗೆ ಸೇರಿಸುವ ತಾಕತ್ತು ಕೂಡ ಮಾತಿಗಳಿಗಿವೆ. ಪದೇಪದೆ ಬಳಸುವ ಅಂತಹ ಮಾತುಗಳು ಯಾವವು?

ಮುದ್ದು, ಚಿನ್ನ, ಅಪ್ಪಿ, ಬಂಗಾರ

ನಿಮ್ಮನ್ನು ಇಷ್ಟ ಪಡುವವರಿಗೆ ಚಿನ್ನಿ, ಮುದ್ದು, ಅಪ್ಪಿ, ಬಂಗಾರ ಎಂದು ಹೇಳಿ ನೋಡಿ. ನಿಮ್ಮ ಪ್ರೀತಿ, ಕಾಳಜಿ ಅವರನ್ನು ಕಟ್ಟಿ ಹಾಕುತ್ತದೆ. ನೀವು ಅವರೊಂದಿಗಿರದ ಸಮಯದಲ್ಲೂ ನಿಮ್ಮ ಈ ಪ್ರೀತಿಯ ಮಾತು ನೆನಪಿಸಿಕೊಂಡು ಅವರು ರೋಮಾಂಚನಗೊಳ್ಳುತ್ತಾರೆ.

ನೀನೇ ನನಗೆಲ್ಲ

ನೀನೇ ನನ್ನ ಬದುಕು. ನೀನಿಲ್ಲದೆ ನಾನಿಲ್ಲ, ನೀನೇ ನನಗೆಲ್ಲ- ಇಂತ ಮಾತುಗಳು ನಿಜಕ್ಕೂ ಸಂಗಾತಿಯನ್ನು ಖುಷಿ ಪಡಿಸುವುದರಲ್ಲಿ ಸಂಶಯವಿಲ್ಲ. ಇದು ಪ್ರೀತಿಯ ತೀವ್ರತೆಯ ಧ್ಯೋತಕ.

ಏನೇ ಬರಲಿ, ನಿನ್ನ ಬೆನ್ನಿಗೆ ನಾನಿದ್ದೇನೆ

ನಿಮ್ಮದು ಲಾಂಗ್‌ ಡಿಸ್ಟೆನ್ಸ್‌ ಸಂಬಂಧವಾಗಿದ್ದರೆ ಜತೆಗಿಲ್ಲ ಎಂಬ ಭಾವ ನಿಮ್ಮನ್ನು ಹಾಗೂ ನಿಮ್ಮ ಸಂಗಾತಿಯನ್ನು ಕಾಡುತ್ತಿದ್ದರೆ ಆಗಾಗ ನಾನು ಸದಾ ನಿನ್ನ ಜತೆಗಿರುತ್ತೇನೆ ಎಂದು ಹೇಳಿದರೆ ದೂರದಲ್ಲಿದ್ದರೂ ತನಗೆಲ್ಲ ಬೇಸರ, ಕಷ್ಟಗಳ ಜತೆ ತನ್ನ ಸಂಗಾತಿ ಸಾಥ್‌ ಕೊಡುವ ಭರವಸೆ ಜತೆ ಧನಾತ್ಮಕ ಭಾವ ಮೂಡುತ್ತದೆ.

ನೀನೇ ನನ್ನ ವಿಶ್ವಾಸ, ಪ್ರೀತಿ

ಕೆಲವು ಸಂಗತಿಗಳಲ್ಲಿ ನಿಮ್ಮ ಸಂಗಾತಿಗೆ ನಿಮ್ಮನ್ನು ಮೆಚ್ಚಿಸಲು ಸಾಧ್ಯವಾಗದೆ ಹೋಗಬಹುದು. ಇನ್ಯಾವುದೋ ಸೋಲು ಅವರನ್ನು ಭಾದಿಸುತ್ತಿರಬಹುದು. ನಿಮ್ಮ ನಂಬಿಕೆ ಗಳಿಸಲಾಗುತ್ತಿಲ್ಲ ಎನ್ನುವ ಕೊರಗು ಅವರನ್ನು ಕಾಡುತ್ತಿದ್ದರೆ ನೀವೇ ಅದನ್ನು ಗುರುತಿಸಿ ಯಾವುದೇ ಕೆಲಸವಾದರೂ ನಿನ್ನ ಮೇಲೆ ನಂಬಿಕೆ ಇದೆ ಎಂದು ಹೇಳಿ.