ನಿಮ್ಮ ದಾಂಪತ್ಯದ ಖುಷಿಯನ್ನು ಪರೀಕ್ಷಿಸಿಕೊಳ್ಳಿ

ನೀವು ಹ್ಯಾಪಿ ಕಪಲ್‌ ಎಂಬುದು ನಿಮಗೆ ಗೊತ್ತಿರುತ್ತದೆ. ಆದರೆ ಕೆಲವೊಮ್ಮೆ ನಿಮ್ಮ ನಡುವೆ ಉಂಟಾಗುವ ಜಗಳ, ವೈಮನಸ್ಸು ನಿಮ್ಮಿಬ್ಬರ ದಾಂಪತ್ಯದ ಅನ್ಯೋನ್ಯತೆಯ ಬಗ್ಗೆ ಗೊಂದಲ ಉಂಟಾಗುತ್ತದೆ. ಆದರೆ ನಿಮ್ಮದು ಖುಷಿಯ ದಾಂಪತ್ಯ ಎಂಬುದನ್ನು ಹೇಗೆ ಕಂಡು ಹಿಡಿಯುತ್ತೀರ? ಕೆಲವು ಮಾತು, ವರ್ತನೆಯೇ ನಿಮ್ಮ ದಾಂಪತ್ಯದ ಖುಷಿಯನ್ನು ಹೇಳುತ್ತದೆ.

ರೊಮ್ಯಾಂಟಿಕ್‌ ಸಂಬಂಧದಲ್ಲಿ ಖುಷಿಯ ಮೂಲ ಪರಸ್ಪರರ ಮಾತು ಕೇಳಿಸಿಕೊಳ್ಳುವ ಮೂಲಕ ಒಬ್ಬರನ್ನೊಬ್ಬರು ಗೌರವಿಸುವುದು. ಮಾತು, ಭಾವನೆಗಳಿಗೆ ಸ್ಪಂದಿಸುತ್ತಿದ್ದರೆ ನಿಮ್ಮಿಬ್ಬರ ನಡುವೆ ಖುಷಿಗೆ ಕೊರತೆಯಿಲ್ಲಎಂದರ್ಥ.

ಪತ್ನಿಗೆ ಗಿಫ್ಟ್ ನೀಡಿ, ಆಕೆಯ ಖುಷಿಗೆ ಕಾರಣರಾಗಿ
ಚಿಕ್ಕದು ಅಥವಾ ದೊಡ್ಡ ಸಂಗತಿಯೇ ಆಗಿರಲಿ, ಸಂಗಾತಿಯತ್ತ ನೀವು ತೋರುವ ಧನ್ಯತೆಯ ಮನೋಭಾವ ನಿಮ್ಮಿಬ್ಬರನ್ನು ಖುಷಿಯಾಗಿಡುತ್ತದೆ. ಧನ್ಯವಾದ, ಮೆಚ್ಚುಗೆಯ ಮಾತುಗಳು ನಿಮ್ಮಿಬ್ಬರ ನಡುವೆ ಆಗಾಗ ಬರುತ್ತಿದ್ದರೆ ಖಂಡಿತವಾಗಲೂ ನಿಮ್ಮಿಬ್ಬರ ನಡುವಿನ ಬಾಂಡಿಂಗ್‌ ಸುಂದರವಾಗಿದೆ ಎಂದರ್ಥ.

ನಾವಿಬ್ಬರೂ ಜತೆಗೆ ಸೇರಿ ಕೆಲಸ ಮಾಡೋಣ ಎನ್ನುವುದು ನಿಮ್ಮಿಬ್ಬರ ನಡುವೆ ಆಗಾಗ ಬರುತ್ತಿದ್ದರೆ ಖಂಡಿತವಾಗಲೂ ನಿಮ್ಮಿಬ್ಬರ ನಡುವೆ ಉತ್ತಮ ಬಾಂಡಿಂಗ್‌ ಇದೆ ಎಂದರ್ಥ. ಒಳಿತಿ, ಕೆಡುಕಿನ ದಿನಗಳಲ್ಲಿಇಬ್ಬರೂ ಜತೆಗೆ ಇರುತ್ತೀರ ಎಂದರ್ಥ.


ಕ್ಷಮೆ ಕೇಳುವ ಗುಣ ನಿಮ್ಮಿಬ್ಬರನ್ನು ಎತ್ತರಕ್ಕೆ ಕರೆದೊಯ್ಯುತ್ತದೆ. ನೀವು ಸಂಗಾತಿಯನ್ನು ನೋಯಿಸಿದ್ದರೆ ಅಥವಾ ಅನಗತ್ಯ ಜಗಳ, ವಾದಗಳಿಂದ ನಿಮ್ಮಿಬ್ಬರ ನಡುವೆ ಅಸಮಾಧಾನ ಉಂಟಾಗಿದ್ದರೆ ಪರಸ್ಪರ ನಿಮ್ಮಲ್ಲಿಮೂಡುವ ಪಾಪಪ್ರಜ್ಞೆ ಕ್ಷಮೆಯಾಚನೆಗೆ ಮುಂದಾದರೆ ಪರಸ್ಪರ ಒಬ್ಬರನ್ನೊಬ್ಬರು ಬಿಟ್ಟಿರಲಾರಲಿ ಎಂದರ್ಥ.

ಸಂಶಯ ಸಂಸಾರವನ್ನೇ ಹಾಳು ಮಾಡುವ ಮುನ್ನ, ಹೀಗೆ ನಿಭಾಯಿಸಿ

ನಿಮ್ಮ ಸಾಂಗತ್ಯಕ್ಕೆ ವರ್ಷ ಎಷ್ಟೇ ಆಗಿರಲಿ, ಪರಸ್ಪರ ಸೆಳೆತ ಉಳಿಸಿಕೊಂಡಿದ್ದೀರ ಎಂದರೆ ನಿಮ್ಮಿಬ್ಬರ ನಡುವಿನ ಸಂಬಂಧ ಉತ್ತಮವಾಗಿದೆ ಎಂದರ್ಥ.