ಇವೇ ನೋಡಿ ಸಣ್ಣ ಸಣ್ಣ ವಿಷ್ಯಗಳು, ಸುಖಿ ಸಂಸಾರದ ಸೀಕ್ರೆಟ್ಸ್!
ದಾಂಪತ್ಯದಲ್ಲಿ ಯಾವಾಗಲೂ ಸಂತೋಷವಾಗಿರುವ ದಂಪತಿಯು ಈ ಕಾರ್ಯಗಳನ್ನು ಮಾಡುವರು.
ದಾಂಪತ್ಯದಲ್ಲಿ ಸಂತೋಷವಾಗಿರುವಂತಹ ದಂಪತಿಯು ಯಾವೆಲ್ಲಾ ಕೆಲಸಗಳನ್ನು ಮಾಡುತ್ತಲಿರುವರು ಎಂದು ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ. ದಂಪತಿಯು ಇದನ್ನು ಪಾಲಿಸಿಕೊಂಡು ಹೋದರೆ ಖಂಡಿತವಾಗಿಯೂ ಅದು ಸಂತೋಷವನ್ನು ಉಂಟು ಮಾಡಲಿದೆ. ಅಂತಹ ಕೆಲವು ವಿಚಾರಗಳು ಇಲ್ಲಿವೆ….
ನಮಸ್ತೆ, ಹೋಗಿ ಬರುವೇ ಹೇಳಿ
ಬೆಳಗ್ಗೆ ಎದ್ದ ಕೂಡಲೇ ನೀವು ಸಂಗಾತಿಗೆ ಮೊದಲು ಹಲೋ ಹೇಳಲು ಮರೆಯಬಾರದು. ಸಂತೋಷವಾಗಿರುವ ದಂಪತಿಯು ಪ್ರತಿನಿತ್ಯವೂ ಇದನ್ನು ಮಾಡಲು ಮರೆಯಲ್ಲ. ಬೆಳಗ್ಗೆ ಏಳುವಂತಹ ಸಮಯವು ಆ ದಿನಕ್ಕೆ ತುಂಬಾ ಮುಖ್ಯವಾಗಿರುವುದು ಮತ್ತು ಇದನ್ನು ಸದುಪಯೋಗ ಮಾಡಿಕೊಳ್ಳಬೇಕು.
ಸಂಪರ್ಕದಲ್ಲಿ ಇರುವುದು
ಸಂತೋಷವಾಗಿರುವಂತಹ ದಂಪತಿಯು ದಿನವಿಡಿ ಸಂಪರ್ಕದಲ್ಲಿ ಇರುವರು. ಅವರು ಫೋನ್ ಕರೆ, ಮೆಸೇಜ್ ಅಥವಾ ಬೇರೆ ರೀತಿಯಿಂದ ಸಂಪರ್ಕದಲ್ಲಿ ಇರುವರು. ಅವರು ಮಾತನಾಡುವ ವೇಳೆ ಸಂಜೆಗೆ ಏನು ಮಾಡಬೇಕು ಎಂದು ಯೋಜನೆ ಹಾಕಿಕೊಳ್ಳುವರು.
ಜತೆಯಾಗಿ ಕಾಲ ಕಳೆಯುವರು
ಸಂತೋಷವಾಗಿರುವ ಸಂಗಾತಿಗಳು ಯಾವಾಗಲೂ ಜತೆಯಾಗಿ ಕಾಲ ಕಳೆಯಲು ಹೆಚ್ಚು ಪ್ರಾಮುಖ್ಯತೆ ನೀಡುವರು. ಅವರು ದಿನದ 15 ನಿಮಿಷವಾದರೂ ಜತೆಯಾಗಿ ಕಳೆಯುವರು. ಪರಸ್ಪರ ಜತೆಯಾಗಿ ಇರುವ ವೇಳೆ ಖಂಡಿತವಾಗಿಯೂ ಒಳ್ಳೆಯ ಆಲೋಚನೆಗಳು ಬರುವುದು ಮತ್ತು ಪ್ರೀತಿಯು ತುಂಬಿ ಬರುವುದು.
ಜತೆಯಾಗಿ ನಗುವುದು
ದಾಂಪತ್ಯದಲ್ಲಿ ಸಂತೋಷವಾಗಿರುವ ದಂಪತಿಗಳು ಪರಸ್ಪರ ತಮಾಷೆ ಮಾಡಿಕೊಂಡು ಯಾವಾಗಲೂ ಜತೆಯಾಗಿ ನಗುವರು. ಸಂಗಾತಿಗೆ ಕೆಲವೊಂದು ಜೋಕ್ ಗಳನ್ನು ಕಳುಹಿಸಿಕೊಡುವುದು, ಪರಸ್ಪರರ ಫೋಟೊ ತೆಗೆಯುವುದು ಕೂಡ ಇದೆ.
ಪರಸ್ಪರರನ್ನು ಪ್ರಶಂಸೆ ಮಾಡಿ
ಸಂತೋಷವಾಗಿರುವಂತಹ ದಂಪತಿಯು ಯಾವಾಗಲೂ ಒಳ್ಳೆಯ ಭಾವನೆಯಲ್ಲಿ ಇರುವರು. ಪರಸ್ಪರ ಪ್ರಶಂಸೆ ಮಾಡುತ್ತಲಿದ್ದರೆ ಆಗ ಅದು ಆತ್ಮವಿಶ್ವಾಸವನ್ನು ವೃದ್ಧಿಸುವುದು. ಸಂಗಾತಿಯಲ್ಲಿ ಯಾವುದಾದರೂ ಧನಾತ್ಮಕ ವಿಚಾರಗಳು ಕಂಡುಬಂದ ಕೂಡಲೇ ನೀವು ಅದನ್ನು ಪ್ರಶಂಸೆ ಮಾಡಬೇಕು. ಇದರಿಂದ ಜೀವನದಲ್ಲಿನ ನಕಾರಾತ್ಮಕತೆಯು ದೂರವಾಗುವುದು.
ಒಂದೇ ಸಮಯಕ್ಕೆ ಮಲಗಲು ಹೋಗಿ
ಜತೆಯಾಗಿ ಮಲಗುವುದು ಕೇವಲ ಲೈಂಗಿಕ ಕ್ರಿಯೆಗೆ ಮಾತ್ರವಲ್ಲ, ಈ ವೇಳೆ ಅನ್ಯೋನ್ಯತೆಯನ್ನು ಕೂಡ ಪ್ರದರ್ಶಿಸಬೇಕು. ನೀವು ಜತೆಯಾಗಿ ಮಲಗುವ ವೇಳೆ ಏನಾದರೂ ವಿಚಾರಗಳನ್ನು ಮಾತನಾಡಬಹುದು. ದೈಹಿಕವಾಗಿಯೂ ಇದು ನಿಮ್ಮನ್ನು ಮತ್ತಷ್ಟು ಹತ್ತಿರ ತರುವುದು.
ಪ್ರೀತಿಯ ಭಾಷೆಯಲ್ಲಿ ಮಾತನಾಡಿ
ನೀವು ಸಂಗಾತಿಯ ಜತೆಗೆ ಪ್ರೀತಿ ವ್ಯಕ್ತಪಡಿಸಲು ಯಾವುದಾದರೂ ಸಂಜ್ಞೆಗಳನ್ನು ಮಾಡಿ ಮತ್ತು ಅವರಿಗೆ ಪ್ರೀತಿ ವ್ಯಕ್ತಪಡಿಸಲು ಏನಾದರೂ ಉಡುಗೊರೆಗಳನ್ನು ನೀಡಿ. ಸಂತೋಷವಾಗಿ ಇರುವ ದಂಪತಿಯು ಯಾವಾಗಲೂ ಪ್ರೀತಿಯ ಭಾಷೆ ತಿಳಿಯುವರು ಮತ್ತು ಅದನ್ನು ಮಾತನಾಡುವರು.
ಏನಾದರೂ ವಿಚಾರಕ್ಕೆ ಪ್ರೀತಿ ವ್ಯಕ್ತಪಡಿಸುವುದು, ಅಪ್ಪಿಕೊಳ್ಳುವುದು ಇತ್ಯಾದಿಗಳನ್ನು ಮಾಡಬಹುದು. ಪರಸ್ಪರ ಪ್ರೀತಿ ವ್ಯಕ್ತಪಡಿಸುವ ಕೆಲವು ದಾರಿಗಳು ಇರುವುದು ಮತ್ತು ಅದನ್ನು ನೀವು ಪಾಲಿಸಿಕೊಂಡು ಹೋಗುವುದು ಅತೀ ಅಗತ್ಯ.