ಈ ಚಿಹ್ನೆಗಳು ನೀವು ಸ್ನೇಹಿತರಿಗಿಂತ ಹೆಚ್ಚು ಎಂಬುದನ್ನು ಸಾಬೀತುಪಡಿಸುತ್ತವೆ

ನಿಮ್ಮ ಮತ್ತು ಅವರ ನಡುವೆ ಆತ್ಮೀಯತೆ ಎಷ್ಟರ ಮಟ್ಟಿಗೆ ಇರುತ್ತದೆ ಎಂದರೆ ಕೆಲವು ದಿನಗಳಿಗೊಮ್ಮೆ ಅಲ್ಲ, ಪ್ರತಿ ದಿನಾ ನೀವು ಅವರನ್ನ ಭೇಟಿ ಮಾಡಬೇಕು ಅಥವಾ ನೀವು ಅವನ ಅಥವಾ ಅವಳೊಂದಿಗೆ ಮಾತನಾಡಬೇಕು. ಇಲ್ಲದಿದ್ದರೆ ನಿಮಗೆ ನಿದ್ರೆ ಬರುವುದಿಲ್ಲ ಎಂಬುದು ನಿಮ್ಮ ದೈನಂದಿನ ಅಭ್ಯಾಸವಾಗಿರುತ್ತದೆ. ಇದು ಕೇವಲ ಸಂಭಾಷಣೆಯಾಗಿರುವುದಿಲ್ಲ. ಹಾಗಾಗಿ ಈ ದೈನಂದಿನ ಅಭ್ಯಾಸವನ್ನು ನೀವು ಬಿಡಲು ಸಾಧ್ಯವಿಲ್ಲ.

ಕೆಲವೊಮ್ಮೆ, ನಿಮ್ಮಿಬ್ಬರ ಕೆಮಿಸ್ಟ್ರಿ ಚೆನ್ನಾಗಿ ಮ್ಯಾಚ್ ಆಗುತ್ತದೆ. ಒಂದೇ ಒಂದು ಸ್ಪರ್ಶವು ಸ್ನೇಹಕ್ಕಿಂತ ಹೆಚ್ಚು ಎಂಬುದನ್ನು ತೋರಿಸುತ್ತದೆ ಎಂದು ನಿಮಗೆ ತಿಳಿದಿದೆ. ಅವನು/ಅವಳು ನಿಮ್ಮ ಬೆನ್ನಿನ ಮೇಲೆ ಅಥವಾ ಕುತ್ತಿಗೆಯ ಮೇಲೆ ಕೈ ಹಾಕುತ್ತಾರೆ. ನೀವಿಬ್ಬರು ಕೈ ಹಿಡಿದುಕೊಂಡೆ ಇರುತ್ತೀರಿ. ಇದೆಲ್ಲಾ ನಿಮಗೆ ಸಹಜವಾಗಿ ಬರುತ್ತದೆ. ಆದರೆ ನಿಮ್ಮ ಎಲ್ಲ ಸ್ನೇಹಿತರೊಂದಿಗೆ ನೀವು ಈ ರೀತಿ ನಡೆದುಕೊಳ್ಳುವುದಿಲ್ಲ. ಆದ್ದರಿಂದ ಈ ಸಣ್ಣ ವಿಷಯಗಳನ್ನು ಗಮನಿಸುವುದು ಒಳಿತು.

ನಿಮ್ಮ ಸಂಗಾತಿಗೆ ನಿಮ್ಮ ಸಾಮಾಜಿಕ ಜಾಲತಾಣಗಳ ಖಾತೆಗಳ ಪಾಸ್‌ವರ್ಡ್‌ ನೀಡಬೇಕೇ?

ನಾವು ಯಾರನ್ನಾದರೂ ಇಷ್ಟಪಟ್ಟಾಗ ನಾವು ಅನೈಚ್ಛಿಕವಾಗಿ ಮತ್ತು ಸ್ವಯಂಚಾಲಿತವಾಗಿ ಪ್ರತಿ ಸಂಭಾಷಣೆಯಲ್ಲಿ ಆ ವ್ಯಕ್ತಿಯ ಬಗ್ಗೆ ಉಲ್ಲೇಖಿಸುತ್ತೇವೆ. ಅವರು ನಿಮ್ಮನ್ನು ಉಲ್ಲೇಖಿಸುವ ರೀತಿ ಅಥವಾ ನೀವು ಅವನನ್ನು/ಅವಳನ್ನು ಉಲ್ಲೇಖಿಸುವುದು, ನೀವು ಕೇವಲ ಸ್ನೇಹಿತರು ಎಂಬುದು ತೋರಿಸುವುದಿಲ್ಲ. ಅವರು ನಿಮ್ಮ ಹೆಸರನ್ನು ಹೇಗೆ ಹೇಳುತ್ತಾರೆ ಎಂಬುದು ಅವನು/ಅವಳು ನಿಮ್ಮ ಬಗ್ಗೆ ಏನು ಭಾವಿಸುತ್ತಾರೆ ಎಂಬುದಕ್ಕೆ ಸೂಚನೆಯಾಗಿದೆ.

ಅಂದರೆ ಇದು ದೂರು ನೀಡುವ ರೀತಿಯಲ್ಲಿ ಇರುವುದಿಲ್ಲ. ಆದರೆ ಆಗಾಗ್ಗೆ ನೀವು ಅವನನ್ನು /ಅವಳನ್ನು ಬೇರೆ ರೀತಿಯಲ್ಲಿ ನೋಡಬೇಕೆಂದು ಬಯಸುವ ವ್ಯಕ್ತಿ ಅವರಾಗಿರುತ್ತಾರೆ. ಅವನು /ಅವಳು ನಿಮ್ಮ ಮುಂದೆ ಒಂಟಿ ಎಂದು ಪುನರಾವರ್ತಿಸುತ್ತಲೇ ಇರುತ್ತಾರೆ. ಜೊತೆಗೆ ನೀವು ಅದರ ಬಗ್ಗೆ ಏನಾದರೂ ಮಾತನಾಡಬೇಕೆಂದು ಅವರು ಬಯಸುತ್ತಾರೆ, ನಿಮ್ಮೊಂದಿಗೆ ಇರಲು ಬಯಸುವುದನ್ನು ಅವರು ನೇರವಾಗಿ ಹೇಳದೆ, ಈ ರೀತಿ ಹೇಳಲು ಬಯಸಬಹುದು.

ಈ ವ್ಯಕ್ತಿಯೇ ನಿಮ್ಮ ಜೀವನಸಂಗಾತಿಯಾಗಲು ಯೋಗ್ಯರೆನ್ನುವ ಮೂರು ಲಕ್ಷಣಗಳು

ನೀವು ಸಾಮಾನ್ಯವಾಗಿ ದಂಪತಿಗಳು ಮಾಡುವ ಕೆಲಸಗಳನ್ನು ಮಾಡುತ್ತೀರಿ. ಅಗತ್ಯವಿರುವ ಸಾಮಾನ್ಯ ಸಮಯಕ್ಕಿಂತ ಹೆಚ್ಚಿನ ಸಮಯವನ್ನು ಒಟ್ಟಿಗೆ ಕಳೆಯುವಿರಿ. ಒಟ್ಟಿಗೆ ಶಾಪಿಂಗ್ ಮಾಡಿ, ಒಟ್ಟಿಗೆ ತಿನ್ನುತ್ತೀರಿ, ಹ್ಯಾಂಗ್ ಔಟ್ ಮಾಡುವಾಗ ಟಿವಿ ನೋಡುವಾಗ ಒಂದೇ ಮಂಚದ ಮೇಲೆ ಮಲಗಿಕೊಳ್ಳುತ್ತೀರಿ. ಒಟ್ಟಾರೆ ಅವರೊಟ್ಟಿಗೆ ನೀವು ಏಕಾಂಗಿಯಾಗಿರಲು ಬಯಸುತ್ತೀರಿ.

ಅಂದರೆ ಒಬ್ಬರನ್ನೊಬ್ಬರು ತಬ್ಬಿಕೊಳ್ಳುವುದು, ಪರಸ್ಪರ ಹತ್ತಿರವಿರಲು ಮಾರ್ಗಗಳನ್ನು ಕಂಡುಕೊಳ್ಳುವ ಇನ್ನೊಂದು ಸೂಚನೆಯಾಗಿದೆ. ನೀವು ಆತನನ್ನು ತಬ್ಬಿಕೊಂಡಾಗ, ನೀವು ಮನೆಯಲ್ಲಿರುವಂತೆ ಭಾವಿಸುತ್ತೀರಿ ಮತ್ತು ಎಲ್ಲವೂ ಸಹಜವೆನಿಸುತ್ತದೆ.

ನೀವು ಅವರ ಸಮಯ, ಇತರ ಆಸಕ್ತಿಗಳು ಅಥವಾ ಪ್ರೀತಿಯ ಹಿತಾಸಕ್ತಿಗಳ ಬಗ್ಗೆ ಅಸೂಯೆ ಪಟ್ಟಾಗ, ಈ ವ್ಯಕ್ತಿಯು ನಿಮಗೆ ಏನಾಗಬೇಕು ಎನ್ನುವುದನ್ನು ಪ್ರತಿಬಿಂಬಿಸುವ ಸಮಯ ಇದು. ಅವನು/ಅವಳು ಇತರ ಜನರೊಂದಿಗೆ ಬೆರೆಯುವುದು ನಿಮಗೆ ಅಸೂಯೆ ಮೂಡಿಸುತ್ತದೆ. ಅವನು/ಅವಳು ನಿಮ್ಮೊಂದಿಗೆ ಬೇರೆಯವರ ಬಗ್ಗೆ (ಪ್ರಣಯದ ಅರ್ಥದಲ್ಲಿ) ಮಾತನಾಡುವಾಗ ನಿಮಗೆ ಕೆಟ್ಟದಾಗಿ ಅನಿಸುತ್ತದೆ. ಈ ಎಲ್ಲಾ ಚಿಹ್ನೆಗಳು ಸ್ಪಷ್ಟವಾಗಿ ಹೇಳುತ್ತವೆ ಅಥವಾ ತೋರಿಸುತ್ತವೆ ನೀವು ಪರಸ್ಪರ ಪ್ರೀತಿಸುತ್ತಿದ್ದೀರಿ ಮತ್ತು ಇಬ್ಬರ ನಡುವೆ ಇರುವುದು ಸ್ನೇಹಲ್ಲ, ಅದಕ್ಕಿಂತ ಹೆಚ್ಚು.

To Read in English Click: 7 signs you are more than friends