ಹನಿಮೂನ್‌ಗೆ ಪ್ಲ್ಯಾನ್ ಮಾಡಿದ್ದೀರಾ? ಹಾಗಾದ್ರೆ ಈ ಸಂಗತಿಗಳು ನೆನಪಿರಲಿ!
ಸಾಮಾಜಿಕ ಮಾಧ್ಯಮ
ಪ್ರೇಮಿಗಳ ದಿನದಂದು ಸಾಮಾನ್ಯವಾಗಿ ಬಹುತೇಕ ಜನರು ಟೈಮ್ ಲೈನ್ ಡಿಸ್‍ಪ್ಲೇ ಫೋಟೊಗಳಲ್ಲಿ ಪ್ರೇಮಿಗೆ ಗುಲಾಬಿ ಹೂವು ನೀಡಿರುವುದು, ಒಟ್ಟಿಗೆ ಸಮಯ ಕಳೆದ ಚಿತ್ರ ಹೀಗೆ ವಿವಿಧ ಬಗೆಯ ಚಿತ್ರವನ್ನು ಹಾಕುತ್ತಾರೆ. ಅದು ನಿಮ್ಮ ಪ್ರೇಮಿಗೆ ಇಷ್ಟವಾಗದೆ ಇರಬಹುದು. ಇಲ್ಲವೇ ನಿಮ್ಮವರಿಗೆ ಇಂತಹ ಚಿತ್ರಗಳನ್ನು ನೋಡಿದಾಗ ಕಿರಿಕಿರಿಯ ಭಾವನೆಗೆ ಒಳಗಾಗಬಹುದು. ನಿಮ್ಮ ವೈಯಕ್ತಿಕ ಸಂಗತಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡುವುದು ಅಷ್ಟು ಸಮಂಜಸವಾದುದಲ್ಲ. ಅಂತಹ ತಪ್ಪುಗಳನ್ನು ಪ್ರೇಮಿಗಳ ದಿನದಂದು ಮಾಡದಿರಿ. ಆದಷ್ಟು ನಿಮ್ಮ ಪ್ರೀತಿ-ಪ್ರೇಮವನ್ನು ಸಂಕೇತಿಸುವ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕದಿರಿ.
ಅನಾರೋಗ್ಯದ ತಿಂಡಿ ಸೇವನೆ
ಪ್ರೇಮಿಗಳ ದಿನದಂದು ನಿಮ್ಮ ಪ್ರೀತಿ ಪಾತ್ರರ ಜೊತೆಗೆ ಕಳೆಯಲು ಬಯಸುತ್ತೀರಿ. ಇತರರು ಮಾಡಿದಂತೆ ನಾವು ಮಾಡಬೇಕು ಎನ್ನುವ ಮನೋಭಾವನೆಯಿಂದ ಬಹುತೇಕ ಜನರು ತಮ್ಮ ಸಂಗಾತಿ ಮತ್ತು ಪ್ರೇಮಿಯ ಜೊತೆಗೆ ಹೊರಗೆ ಸುತ್ತಾಡಲು ಹೋಗುತ್ತಾರೆ. ಅಲ್ಲಿ ಆರೋಗ್ಯಕ್ಕೆ ಅನುಚಿತವಾದ ಆಹಾರಗಳನ್ನು ಸೇವಿಸುತ್ತಾರೆ. ಅದು ನಿಮ್ಮ ಸುಂದರ ದಿನದ ಸವಿ ನೆನಪಾಗಿರಲಿ ಎಂದು ಬಯಸುವರು. ಆದರೆ ಅನುಚಿತವಾದ ಆಹಾರಗಳು ನಿಮ್ಮ ಆರೋಗ್ಯವನ್ನು ಬಹುಬೇಗ ಹದಗೆಡಿಸುವುದು. ಹಾಗಾಗಿ ಆದಷ್ಟು ಅಂತಹ ಆಹಾರವನ್ನು ಸವಿಯದಿರಿ.
ಪ್ರೇಮಿಗಳ ದಿನ ವಿಶೇಷ, ನಿಮ್ಮಾಕೆಗೆ ಗಿಫ್ಟ್ ಸೆಲೆಕ್ಷನ್ ಹೇಗಿರಬೇಕು ನೋಡಿ
ಮದ್ಯಪಾನಗಳಿಂದ ದೂರವಿರಿ
ಪ್ರೇಮಿಗಳ ದಿನದ ಸಂಭ್ರಮಕ್ಕೆ ಬಹುತೇಕ ಜನರು ಪ್ರೇಯಸಿಯ ಜೊತೆಗೆ ಮದ್ಯವನ್ನು ಸೇವಿಸುತ್ತಾರೆ. ಆರಂಭದಲ್ಲಿ ತಮಾಷೆಯಾಗಿ ಪ್ರಾರಂಭಿಸಿ, ನಿಧಾನವಾಗಿ ಪರಿವಿಲ್ಲದಷ್ಟು ಕುಡಿಯುತ್ತಾರೆ. ಅದು ನಿಮ್ಮ ಸಂಬಂಧಗಳಲ್ಲಿ ಸಾಕಷ್ಟು ಬೇಸರ ಹಾಗೂ ಅನಾಹುತಗಳನ್ನು ಸೃಷ್ಟಿಸಬಹುದು. ಸುಂದರ ಹಾಗೂ ಸಂತೋಷವನ್ನು ನೀಡುವ ದಿನವು ನಿಮಗೆ ಹೆಚ್ಚಿನ ಸಂತೋಷ ಹಾಗೂ ಉತ್ತಮ ಭಾವನೆಯನ್ನು ನೀಡುವಂತಾಗಬೇಕು. ಅಂದು ಮದ್ಯಪಾನ ಸೇರಿದಂತೆ ಯಾವುದೇ ಅನುಚಿತ ಪಾನೀಯಗಳನ್ನು ಕುಡಿಯದಿರಿ.
ಪ್ರೀತಿಯ ಹಾಡನ್ನು ಕೇಳುವುದು
ಪ್ರೀತಿಯಲ್ಲಿ ಬಿದ್ದಾಗ ಅಥವಾ ಪ್ರೀತಿಯನ್ನು ವ್ಯಕ್ತಪಡಿಸುವ ಹಂತದಲ್ಲಿ ಇರುವಾಗ ಪ್ರೀತಿಗೆ ಸಂಬಂಧಿಸಿದ ಹಾಡನ್ನು ಕೇಳಲು ಅತ್ಯಂತ ಶುಷಿಯಾಗುವುದು. ಜೊತೆಗೆ ವಿಶೇಷ ರೀತಿಯ ಉಲ್ಲಾಸ ನಮ್ಮನ್ನು ಉತ್ತುಂಗದಲ್ಲಿ ಇರಿಸುತ್ತದೆ. ಅದೇ ನಾವು ಬೇಸರದಲ್ಲಿ ಇದ್ದಾಗ ಅಥವಾ ಯಾರಿಂದಲೋ ಪ್ರೀತಿಯ ವಂಚನೆ ಉಂಟಾಗಿ ಒಂಟಿಯಾಗಿದ್ದಾಗ ಪ್ರೀತಿಗೆ ಸಂಬಂಧಿಸಿದ ಯಾವುದೇ ಹಾಡನ್ನು ಕೇಳದಿರಿ. ಅದು ನಿಮ್ಮ ಮನಸ್ಸಿಗೆ ಹೆಚ್ಚಿನ ನೋವನ್ನು ನೀಡುವುದು. ಹೊಸ ಭಾವನೆ ಹಾಗೂ ಹುಮ್ಮಸ್ಸನ್ನು ಪಡೆದುಕೊಳ್ಳಲು ಚೈತನ್ಯ ಶೀಲವಾದ ಹಾಡು ಹಾಗೂ ಮಾನಸಿಕವಾಗಿ ಹುರಿದುಂಬಿಸುವ ಹಾಡನ್ನು ಕೇಳಿ. ಮನಸ್ಸು ನಿರಾಳತೆಯನ್ನು ಪಡೆದುಕೊಳ್ಳುವುದು.
ದಂಪತಿಗಳನ್ನು ಭೇಟಿ ಮಾಡದಿರಿ
ಹೆಚ್ಚಿನ ದಂಪತಿಗಳು ಪ್ರೇಮಿಯ ದಿನದಂದು ವಿಶೇಷ ಯೋಜನೆಯನ್ನು ಹೊಂದಿರುತ್ತಾರೆ. ಅಂತಹ ಸಮಯದಲ್ಲಿ ಒಂಟಿಯಾಗಿರುವವರು ಅಥವಾ ಅವಿವಾಹಿತರು ಅವರೊಂದಿಗೆ ಪಾರ್ಟಿ ಅಥವಾ ಅವರ ಯೋಜನೆಯಲ್ಲಿ ಪಾಲ್ಗೊಳ್ಳುವ ಸಾಹಸ ಮಾಡದಿರಿ. ಅದು ನಿಮಗೆ ಇನ್ನಷ್ಟು ನೋವು ಹಾಗೂ ಒಂಟಿ ಎನ್ನುವ ಭಾವನೆಯನ್ನು ಮೂಡಿಸುವುದು. ಅದು ನಿಮಗೆ ಬೇಸರವನ್ನು ಉಂಟುಮಾಡುತ್ತದೆ. ಅವಿವಾಹಿತರು ಅಥವಾ ಒಂಟಿಯಾಗಿರುವವರು ನಿಮ್ಮ ಸಹ ವರ್ತಿಗಳೊಂದಿಗೆ ಯೋಜನೆ ಹಾಗೂ ಸಮಯವನ್ನು ಕಳೆಯಲು ಪ್ರಯತ್ನಿಸಿ. ಅದು ನಿಮಗೆ ಸಂತೋಷ ಹಾಗೂ ನೆಮ್ಮದಿಯನ್ನು ತಂದುಕೊಡುವುದು.
ಅನುಚಿತ ವರ್ತನೆ ಬೇಡ
ನಿಮ್ಮ ಪ್ರೇಮಿ ಅಥವಾ ನಿಮ್ಮ ಪ್ರೀತಿಯನ್ನು ಒಪ್ಪಿಕೊಂಡಿರುವವವರು ಎಂದು ನೀವು ಮನಸ್ಸಿಗೆ ಬಂದಂತೆ ವರ್ತಿಸುವುದು ಒಳ್ಳೆಯದಲ್ಲ. ನಿಮ್ಮ ಪ್ರೇಮಿಯಾಗಿದ್ದರೂ ಅವರಿಗೂ ಅವರದ್ದೇ ಆದ ಬಯಕೆ ಹಾಗೂ ಮಾನಸಿಕ ಸ್ಥಿತಿಗಳಿರುತ್ತವೆ. ಅದಕ್ಕೆ ಧಕ್ಕೆಯನ್ನು ಉಂಟುಮಾಡುವ ವರ್ತನೆ ಅಥವಾ ಸನ್ನಿವೇಶಗಳನ್ನು ಸೃಷ್ಟಿಸದಿರಿ. ಅದು ನಿಮ್ಮ ಬಗ್ಗೆ ಬೇಸರ ಹಾಗೂ ಸಂಬಂಧದಲ್ಲಿ ಬಿರುಕು ಉಂಟಾಗುವ ಸಾಧ್ಯತೆಗಳಿರುತ್ತವೆ. ಹಾಗಾಗಿ ಆದಷ್ಟು ಉತ್ತಮ ವರ್ತನೆ ಹಾಗೂ ಚಿಂತನೆಗಳೊಂದಿಗೆ ಪ್ರೇಮಿಗಳ ದಿನದ ಸಂಭ್ರಮ ಮೊಳಗಲಿ.