ನನ್ನನ್ನು ಮಗಳಂತೆ ಕಂಡರೆ, ನಿಮ್ಮನ್ನು ಅಮ್ಮನಂತೆ ನೋಡುವೆ!

ಬಾಲ್ಯದಿಂದ ಹದಿಹರೆಯದ ತನಕ ಬದುಕಿರುವಂತಹ ಮನೆ, ಪೋಷಕರು, ಸೋದರ ಸೋದರಿಯನ್ನು ಬಿಟ್ಟು ಬೇರೊಂದು ಮನೆಗೆ ಹೋಗಿ ವಾಸಿಸುವುದು ತುಂಬಾ ಕಠಿಣ ಕೆಲಸ. ಆದರೆ ಸಹನೆ ಹಾಗೂ ತಾಳ್ಮೆಗೆ ಹೆಸರಾಗಿರುವಂತಹ ನಾರಿಯಿಂದ ಮಾತ್ರ ಇದು ಸಾಧ್ಯ. ಯಾಕೆಂದರೆ ತನ್ನ ಕುಟುಂಬಕ್ಕಿಂತ ತುಂಬಾ ಭಿನ್ನವಾಗಿರುವ ಮತ್ತೊಂದು ಕುಟುಂಬದೊಂದಿಗೆ ಹೋಗಿ ಅಲ್ಲಿನ ಜನರೊಂದಿಗೆ ಹೊಂದಿಕೊಳ್ಳುವುದು ಹಾಗೂ ಅವರ ದಿನಚರಿಗಳಿಗೆ ತಕ್ಕಂತೆ ನಡೆಯುವುದು, ಅದರಲ್ಲೂ ಅತ್ತೆ ಮಾವನಿಗೆ ತಕ್ಕನಾಗಿ ಇರುವುದು ತುಂಬಾ ಕಷ್ಟದ ಕೆಲಸ.

ಇದೆಲ್ಲವನ್ನೂ ಹೊಂದಾಣಿಕೆ ಮಾಡಿಕೊಂಡು ಹೋಗುವ ನವವಧು ತನಗೂ ಆ ಮನೆಯಲ್ಲಿ ಒಂದು ಸ್ಥಾನ ಕಲ್ಪಿಸಿಕೊಳ್ಳುವಳು. ಇಲ್ಲಿ ಅತ್ತೆ ಹಾಗೂ ಸೊಸೆ ನಡುವಿನ ಸಂಬಂಧವು ಅತೀ ಮಹತ್ವದ್ದಾಗಿ ರುವುದು. ಯಾಕೆಂದರೆ ತಾಯಿಗೆ ಮಗ ಹಾಗೂ ಪತ್ನಿಗೆ ಆಕೆಯ ಪತಿ. ಇಬ್ಬರಿಗೂ ಆ ವ್ಯಕ್ತಿ ತುಂಬಾ ಪ್ರಮುಖವಾಗಿರುವಂತವರು. ಹೀಗಾಗಿ ಹುಡುಗಿಯು ಈ ವಿಚಾರದಲ್ಲಿ ತನ್ನ ಅತ್ತೆಗೆ ಈ ಕೆಲವು ವಿಚಾರಗಳನ್ನು ಹೇಳಲು ಬಯಸುವಳು.

ಆತ ನಿಮ್ಮ ಮಗ, ನನ್ನ ಪತಿಯೂ ಹೌದು
ನನ್ನ ಪತಿಯ ಜೀವನದಲ್ಲಿ ನಿಮ್ಮ ಸ್ಥಾನವನ್ನು ನಾನು ಎಂದಿಗೂ ಪಡೆಯಲು ಸಾಧ್ಯವಿಲ್ಲ. ಅದೇ ರೀತಿಯಾಗಿ ನೀವು ಕೂಡ ನನ್ನ ಸ್ಥಾನವನ್ನು ಪಡೆಯಲು ಆಗಲ್ಲ. ನಮಗಿಬ್ಬರಿಗಿಂತ ಹೆಚ್ಚು ಅವರನ್ನು ಪ್ರೀತಿಸುವವರು ಮತ್ತು ಅವರ ಶ್ರೇಯೋಭಿವೃದ್ಧಿ ಬಯಸುವವರು ಬೇರೆ ಯಾರು ಇಲ್ಲ ಮತ್ತು ನಾವಿಬ್ಬರು ಜತೆಯಾಗಿಯೇ ಇರಬೇಕು ಮತ್ತು ತದ್ವಿರುದ್ಧ ಶಕ್ತಿಯಾಗಬಾರದು.

ಅಡುಗೆಯಲ್ಲಿ ಪ್ರಯೋಗ ಮಾಡುತ್ತಲಿದ್ದರೆ ಆಗ ನಿಮ್ಮೊಂದಿಗೆ ಸ್ಪರ್ಧಿಸುತ್ತಿದ್ದೇನೆ ಎಂದಲ್ಲ!
ನನ್ನ ಪತಿಗೆ ಯಾವತ್ತಿಗೂ ತನ್ನ ತಾಯಿಯ ಅಡುಗೆ ರುಚಿಯು ಹಿಡಿಸುವುದು ಎಂದು ನನಗೆ ತಿಳಿದಿದೆ. ಆದರೆ ನಾನು ಮಾಡಿದ ಅಡುಗೆ ರುಚಿಗೆ ಕೂಡ ಹೊಂದಿಕೊಳ್ಳುವರು. ಆದರೆ ನಿಮ್ಮ ಅಡುಗೆ ಹೆಚ್ಚು ಹಿತ ನೀಡಬಹುದು. ನನಗೆ ಅದಕ್ಕೆ ಸರಿಸಾಟಿಯಾಗಲು ಸಾಧ್ಯವಿಲ್ಲ. ನನ್ನ ಮೇಲೆ ನಂಬಿಕೆ ಇಡಿ. ನಾನು ಅಡುಗೆ ಮಾಡುತ್ತಿರುವುದು ನಿಮ್ಮ ಜತೆಗೆ ಸ್ಪರ್ಧಿಸಲು ಅಲ್ಲ.

ಪತಿ-ಪತ್ನಿ ಜೀವನ ಸುಖಮಯವಾಗಿರಲು ಏನು ಮಾಡಬೇಕು?

ನನ್ನ ಪೋಷಕರನ್ನು ಪ್ರೀತಿಸುವುದನ್ನು ಬಿಡಲ್ಲ
ನಿಮಗೆ ಎಲ್ಲಾ ರೀತಿಯ ಗೌರವ ನಾನು ನೀಡುತ್ತೇನೆ ಮತ್ತು ನನ್ನ ಸಾಮರ್ಥ್ಯಕ್ಕೆ ಅನುಗುಣವಾಗಿ ನಿಮ್ಮನ್ನು ಪ್ರೀತಿಸುತ್ತೇನೆ. ಆದರೆ ನಾನು ಯಾವತ್ತಿಗೂ ನನ್ನ ತಂದೆ-ತಾಯಿಯನ್ನು ಪ್ರೀತಿಸುವ ಹುಡುಗಿ. ನಿಮಗೆ ಒಬ್ಬಳು ಮಗಳು ಇದ್ದರೆ ಆಗ ನೀವು ಇದನ್ನು ಖಂಡಿತವಾಗಿಯೂ ಅರ್ಥ ಮಾಡಿಕೊಳ್ಳುವಿರಿ.

ಮನೆಗೆಲಸ ತಪ್ಪಿಸಲು ನಾನು ಉದ್ಯೋಗ ಮಾಡುತ್ತಿಲ್ಲ
ನನಗೆ ನನ್ನದೇ ಆಗಿರುವ ಕೆಲವೊಂದು ಕನಸುಗಳು ಇವೆ ಮತ್ತು ಅದಕ್ಕಾಗಿ ನಾನು ತುಂಬಾ ಕಠಿಣ ಪರಿಶ್ರಮ ಪಟ್ಟಿದ್ದೇನೆ. ನನ್ನ ವೃತ್ತಿ ಬಗ್ಗೆ ಗೌರವವಿದೆ. ಆದರೆ ಮನೆಯ ಎಲ್ಲಾ ಜವಾಬ್ದಾರಿಯನ್ನು ನಿಮ್ಮ ಮೇಲೆ ಹಾಕಿ ನಾನು ಕೆಲಸಕ್ಕೆ ಹೋಗುತ್ತಿದ್ದೇನೆ ಎಂದು ಹೇಳಬಾರದು.

ಮನೆಗೆಲಸದಲ್ಲಿ ನಿಮ್ಮ ಮಗ ನನಗೆ ನೆರವಾಗುತ್ತಲಿದ್ದರೆ ಅದರಿಂದ ಯಾವುದೇ ಸಮಸ್ಯೆಯಿಲ್ಲ
ಮಗನ ಎಲ್ಲಾ ಕೆಲಸಗಳನ್ನು ನಾನು ಮಾಡಬೇಕೆಂದು ನೀವು ಬಯಸುತ್ತೀರಿ ಎಂದು ತಿಳಿದಿದೆ. ಆದರೆ ಆತ ತುಂಬಾ ಸ್ವತಂತ್ರವಾಗಿ ಬದುಕುವಂತೆ ನೀವು ಆತನನ್ನು ಬೆಳೆಸಿರುವಿರಿ ಎಂದು ತಿಳಿದಿದೆ. ನಾವಿಬ್ಬರು ಕೆಲಸಕ್ಕೆ ಹೋಗುತ್ತಿರುವ ಕಾರಣದಿಂದಾಗಿ ಮನೆ ಹಾಗೂ ಆರ್ಥಿಕವಾಗಿ ಪರಸ್ಪರ ನೆರವಾಗುತ್ತಲಿರುತ್ತೇವೆ. ಮನೆಯಲ್ಲಿ ಕೂಡ ನಾವಿಬ್ಬರು ಸಮಾನವಾಗಿ ಕೆಲಸಗಳನ್ನು ಮಾಡುತ್ತೇವೆ.

ಸೊಸೆ ಮಗಳ ಸ್ಥಾನ ಗಳಿಸುವುದು ಹೇಗೆ?

ನನ್ನನ್ನು ಮಗಳಂತೆ ಕಂಡರೆ, ಖಂಡಿತವಾಗಿಯೂ ನಿಮ್ಮನ್ನು ಅಮ್ಮನಂತೆ ನೋಡುವೆ…ಕೊನೆಯದಾಗಿ, ನಾನು ನಿಮ್ಮ ಮನೆಗೆ ಮುಕ್ತ ಮನಸ್ಸಿನಿಂದ ಬಂದಿರುವೆ. ನಿಮಗೆ ಎಲ್ಲಾ ರೀತಿಯ ಗೌರವ ನೀಡುವೆ. ಆದರೆ ನಾನು ನಿಮ್ಮನ್ನು ತಾಯಿಯಂತೆ ನೋಡಿಕೊಳ್ಳಬೇಕು ಎಂದು ನೀವು ಬಯಸುತ್ತಿ ರುವಿರಾದರೆ, ಆಗ ನೀವು ಕೂಡ ನನ್ನನ್ನು ಮಗಳಂತೆ ಕಾಣುವುದು ಅತೀ ಅಗತ್ಯ.