ಇಂಥವರನ್ನು ನೋಡಿ ಪ್ರೀತಿಯೆಂದು ಭಾವಿಸದಿರಿ

ಒಮ್ಮೊಮ್ಮೆ ನಾವು ಪ್ರೀತಿಯನ್ನು ತಪ್ಪಾಗಿ ಅರ್ಥೈಸಿಕೊಂಡು ಅನರ್ಥಗಳಿಗೆ ಕಾರಣವಾಗಿ ಬಿಡುತ್ತೇವೆ. ಯಾವುದು ನಿಜವಾದ ಪ್ರೀತಿ ಎಂದು ತಿಳಿದುಕೊಂಡರೆ ಮುಂದೆ ನಿಮ್ಮ ಸಮಯ ವ್ಯರ್ಥವಾಗುವುದು ತಪ್ಪುತ್ತದೆ. ಅಷ್ಟೆ ಅಲ್ಲ, ನಿಮ್ಮ ಕಡೆ ನೋಡಿ ನಕ್ಕರೆ, ನಿಮ್ಮ ಬಳಿ ಸಿಕ್ಕಾಪಟ್ಟೆ ಮಾತನಾಡಿದಾಕ್ಷಣ ನಿಮ್ಮ ಮೇಲೆ ಅವರಿಗೆ ಸ್ನೇಹಕ್ಕೂ ಮೀರಿದ ಭಾವ ಇದೆ ಅಂತಲ್ಲ. ಯಾವುದೆಲ್ಲ ಪ್ರೇಮದ ಸಂಕೇತವಲ್ಲ ಎನ್ನುವ ವಿವರ ಇಲ್ಲಿದೆ.

ಮಾತಿನ ಆಕರ್ಷಣೆ: ಕೆಲವು ವ್ಯಕ್ತಿಗಳು ನಿಮ್ಮೊಂದಿಗೆ ತುಂಬಾ ಹತ್ತಿರವಾಗಿ ಮಾತನಾಡುತ್ತಿರಬಹುದು. ಅವರು ನಿಮ್ಮೊಂದಿಗೆ ಮಾತನಾಡುವುದನ್ನು ಇಷ್ಟಪಡುತ್ತಿರಬಹುದು. ಇದಕ್ಕಿಂತ ಹೆಚ್ಚೇನೂ ಇಲ್ಲ. ತುಂಬಾ ಹತ್ತಿರವಾಗಿ ಮಾತನಾಡಿದಾಗ ಅವರು ಪ್ರೀತಿಸುತ್ತಿದ್ದಾರೆಂದು ಅಂದುಕೊಳ್ಳಬಾರದು.

ಕಣ್ಣಲ್ಲಿ ಕಣ್ಣಿಟ್ಟು ನೋಡುವುದು: ನೀವು ಅವರ ಮುಂದೆ ಸಾಗುತ್ತಲಿದ್ದರೆ ಅಥವಾ ಮಾತನಾಡುವಾಗ ನಿಮ್ಮನ್ನು ನೋಡುತ್ತಾರೆ ಅಂದಾಕ್ಷಣ ಅವರು ಕೇವಲ ನಿಮ್ಮನ್ನು ನೋಡಲು ಮಾತ್ರ ಬಯಸುತ್ತಾರೆ. ನೀವು ಅವರಲ್ಲಿ ಪ್ರೀತಿ ಮೂಡಿದೆ ಎಂದು ಭಾವಿಸಿದರೆ ಖಂಡಿತವಾಗಿಯೂ ಅದು ತಪ್ಪು.

ಮುಖದ ಮೇಲೊಂದು ನಗು: ಮುಖ ನೋಡಿ ನಕ್ಕಿದೊಡನೆ ಅದು ಪ್ರೀತಿಯಾಗುವುದಿಲ್ಲ. ನಿಮ್ಮ ಊರಾಗಿರಬಹುದು ಅಥವಾ ದೂರದ ಕುಟಂಬಸ್ಥರು ಹಾಗೆ ಮುಖ ಪರಿಚಯವಿರುವವರು ಆಗಿರಬಹುದು. ಒಬ್ಬಳು ಹುಡುಗಿ ನಗೆ ಬೀರಿದರೆ ಅದು ಕೇವಲ ಸ್ನೇಹ ಅಥವಾ ಪರಿಚಯದ ನಗೆಯಾಗಿರಬಹುದು. ಬೇರೇನೂ ಅಲ್ಲ. ನೀವು ಆ ವ್ಯಕ್ತಿಯ ಕಡೆ ಯಾವುದೇ ಭಾವನೆಗಳನ್ನು ಇಟ್ಟುಕೊಂಡರೆ ಅದು ಸಮಯ ವ್ಯರ್ಥ ಮಾಡಿಕೊಂಡಂತೆ. ಯಾಕೆಂದರೆ ಈ ಕಥೆ ಇಲ್ಲಿಂದ ಮುಂದೆ ಸಾಗುವುದೇ ಇಲ್ಲ.

ಸ್ನೇಹಿತರೊಂದಿಗೆ ಆಕರ್ಷಣೆ: ಕೆಲವರಿಗೆ ಸ್ನೇಹ ಮಾತ್ರ ಬೇಕಿರುತ್ತದೆ. ಬೇರೇನೂ ಅಲ್ಲ. ಅವರು ಸ್ನೇಹಕ್ಕಿಂತ ಹೆಚ್ಚಾಗಿ ಬೇರೇನನ್ನೂ ನೀಡುವುದು ಇಲ್ಲ. ಅವರು ಸ್ನೇಹದಿಂದ ಹತ್ತಿರವಾಗಿರುವುದನ್ನು ನೀವು ತಪ್ಪಾಗಿ ಅರ್ಥಮಾಡಿಕೊಳ್ಳಬಾರದು. ಅವರಿಗೆ ನಿಮ್ಮ ಮೇಲೆ ಲವ್‌ ಆಗಿದೆ ಎಂದು ಕನಸು ಕಂಡು ಸಮಯ ವ್ಯರ್ಥ ಮಾಡಬೇಡಿ.

ಫೋನ್‌ನಲ್ಲಿ ಹೆಚ್ಚು ಮಾತನಾಡುತ್ತಿದ್ದರೆ: ನಿಮಗೆ ಯಾವಾಗಲೂ ಕರೆ ಮಾಡುತ್ತಿದ್ದರೆ, ನಿಮ್ಮ ಬಳಿ ಫೋನ್‌ನಲ್ಲಿ ಹೆಚ್ಚು ಹೊತ್ತು ಮಾತನಾಡಿದರೆ ಅದು ಲವ್‌ ಆಗುವುದಿಲ್ಲ. ಆಕೆ ಕರೆ ಮಾಡಿ ತುಂಬಾ ಹೊತ್ತು ಮಾತನಾಡಬಹುದು. ಆಕೆ ನಿಮ್ಮನ್ನು ಹತ್ತಿರದವರು ಎಂದು ಭಾವಿಸಿ ಎಲ್ಲ ವಿಷಯ ನಿಮ್ಮ ಜೊತೆ ಹಂಚಿಕೊಂಡು ಹತ್ತಿರವಾಗಿ ಮಾತನಾಡಬಹುದು ಅದನ್ನು ಲವ್‌ ಎಂದು ತಪ್ಪು ಅರ್ಥೈಸದಿರಿ.