ಅಭಿನಂದನೆ ನೀಡಿ
ನಿಮ್ಮ ಬಗ್ಗೆ ವಿಶೇಷ ಕಲ್ಪನೆ ಹಾಗೂ ಆಸಕ್ತಿಯನ್ನು ಇಟ್ಟುಕೊಂಡು ನಿಮ್ಮ ಪ್ರೀತಿಗಾಗಿ ಹಂಬಲಿಸಿ ಬಂದವರು ನಿಮಗೆ ಇಷ್ಟವಾಗದೆ ಇರಬಹುದು. ಅವರನ್ನು ನೀವು ಸ್ನೇಹಿತರಾಗಿರಲು ಮಾತ್ರ ಬಯಸುವಿರಿ. ಅವರನ್ನು ಸಂಗಾತಿಯನ್ನಾಗಿ ಸ್ವೀಕರಿಸಲು ಕಷ್ಟವಾಗುವುದು. ಅಂತಹ ಸಮಯದಲ್ಲಿ ನಿಮ್ಮ ಅಭಿಪ್ರಾಯವನ್ನು ನೇರವಾಗಿ ವ್ಯಕ್ತಪಡಿಸದಿರಿ. ಬದಲಿಗೆ ಅವರ ಪೀಠಿಕೆ ಹಾಗೂ ಬೇಡಿಕೆಗೆ ಮೊದಲು ಅಭಿನಂದನೆ ಸಲ್ಲಿಸಿ. ನಂತರ ನಿಮ್ಮ ಆಸಕ್ತಿ ಹಾಗೂ ಭಾವನೆಯ ಬಗ್ಗೆ ಅವರಿಗೆ ತಿಳಿಸುವುದರ ಮೂಲಕ ಗೌರವಯುತವಾಗಿಯೇ ಅಂಬಂಧದ ಬೇಡಿಕೆಗೆ ತಿರಸ್ಕಾರವನ್ನು ವ್ಯಕ್ತಪಡಿಸಿ. ಆಗ ಅವರು ಸಹ ಅವರ ಭಾವನೆಯನ್ನು ಬದಲಿಸಿಕೊಳ್ಳಲು ಅವಕಾಶ ಪಡೆದುಕೊಳ್ಳುವರು. ಜೊತೆಗೆ ಅವರಿಗೆ ನಿಮ್ಮ ಬಗ್ಗೆ ಯಾವುದೇ ಅಹಿತಕರ ಭಾವನೆ ಉಂಟಾಗದು.
ಕ್ಷಮಿಸಿ ಎಂದು ಕೇಳುವ ಅಗತ್ಯವಿಲ್ಲ
ನಿಮ್ಮನ್ನು ಸಂಗಾತಿಯನ್ನಾಗಿ ಪಡೆಯಲು ಅಥವಾ ನಿಮ್ಮೊಂದಿಗೆ ಸಂಬಂಧವನ್ನು ಬೆಳೆಸಲು ಆಸಕ್ತಿ ಹೊಂದಿದವರು ನಿಮ್ಮ ಮುಂದೆ ಪ್ರಸ್ತಾಪವನ್ನು ಇಟ್ಟಾಗ ನೀವು ನನ್ನನ್ನು ಕ್ಷಮಿಸಿ ಬಿಡಿ ಎಂದು ಅವರನ್ನು ಅಂಗಲಾಚಿಸುವ ಅಗತ್ಯ ಇರುವುದಿಲ್ಲ. ಏಕೆಂದರೆ ನೀವು ಅವರೊಂದಿಗೆ ಯಾವುದೇ ತಪ್ಪು ಅಥವಾ ಅನ್ಯಾಯವನ್ನು ಎಸಗಿರುವುದಿಲ್ಲ. ಹಾಗಾಗಿ ನಿಮ್ಮ ಅಭಿಪ್ರಾಯವನ್ನು ಸಭ್ಯರಾಗಿ ಅವರಿಗೆ ತಿಳಿಸಬಹುದು. ನಿಮಗೆ ಅವರೊಂದಿಗೆ ಸಂಬಂಧದ ರೂಪದಲ್ಲಿ ಸ್ನೇಹವನ್ನು ಮುಂದುವರಿಸಲು ಸಮ್ಮತಿಯಿಲ್ಲ ಎನ್ನುವುದನ್ನು ತಿಳಿಸಿ. ಆಗ ಅವರಿಗೆ ನೋವಾಗದಂತೆ ನೀವು ಸಂಬಂಧವನ್ನು ನಿರಾಕರಿಸಬಹುದು.
ಗೌರವಯುತವಾಗಿರಿ
ನಿಮ್ಮನ್ನು ಬಯಸುವ ವ್ಯಕ್ತಿಗಳು ಸಂಬಂಧ ಪ್ರಸ್ತಾಪನೆ ಮಾಡುವುದು ಅಥವಾ ನೀವು ಬಯಸುವ ವ್ಯಕ್ತಿಯೊಂದಿಗೆ ಡೇಟಿಂಗ್ ಮಾಡಿ, ನಂತರ ಅವರ ಹವ್ಯಾಸ ಅಥವಾ ಅವರ ಕೆಲವು ವರ್ತನೆಗಳು ನಿಮಗೆ ಇಷ್ಟವಾಗದೆ ಇದ್ದಾಗ ಸಂಗಾತಿಯಾಗಿ ಅವರನ್ನು ಸ್ವೀಕರಿಸಲು ಕಷ್ಟವಾಗುವುದು. ಅಂತಹ ಸಮಯದಲ್ಲಿ ಹೇಗೆ ನಿರ್ಧಾರ ಕೈಗೊಳ್ಳುವುದು? ಅಥವಾ ಸಂಬಂಧವನ್ನು ತಿರಸ್ಕರಿಸುವುದು ಹೇಗೆ? ಎನ್ನುವ ತೊಳಲಾಟದಲ್ಲಿ ಇರುತ್ತೀರಿ. ಅಂತಹ ಸಮಯದಲ್ಲಿ ಸಂಬಂಧವನ್ನು ಅಥವಾ ಪ್ರಸ್ತಾಪವನ್ನು ತಿರಸ್ಕರಿಸುವಾಗ ಗೌರವಯುತವಾಗಿ ಇರಬೇಕು. ಜೊತೆಗೆ ನಿಮ್ಮ ಅಭಿಪ್ರಾಯವನ್ನು ಮುಕ್ತವಾಗಿ ತಿಳಿಸಿ. ಜೊತೆಗೆ ಅವರ ಮುಂದಿನ ಭವಿಷ್ಯಕ್ಕೆ ಶುಭ ಹಾರೈಸುವುದರ ಮೂಲಕ ಅಭಿನಂಧನೆಯನ್ನು ತಿಳಿಸಿ. ಆಗ ಅವರೇ ನಿಮ್ಮೊಂದಿಗಿನ ಸಂಬಂಧದ ಕನಸನ್ನು ಕೈಬಿಡುವರು.
ಆತನಿಗೂ ನಿಮ್ಮ ಮೇಲೆ ಮನಸ್ಸಿದೆ ಎಂಬುದನ್ನು ಸೂಚಿಸುವ ಲಕ್ಷಣಗಳಿವು
ಅಗತ್ಯತೆಗಳ ಮೇಲೆ ಕೇಂದ್ರೀಕರಿಸಿ
ಯಾವುದೇ ಸಂಬಂಧದ ಪ್ರಸ್ತಾಪ ಎದುರಿಗಿಟ್ಟಾಗ ಅದರ ಬಗ್ಗೆ ನೀವು ಯಾವ ನಿಲುವನ್ನು ಹೊಂದಿದ್ದೀರಿ? ನಿಮ್ಮ ಆಸಕ್ತಿಯೇನು/ ನೀವು ಏನನ್ನು ನಿರೀಕ್ಷಿಸುವಿರಿ? ಎನ್ನುವುದನ್ನು ಮುಕ್ತವಾಗಿ ಅವರಿಗೆ ತಿಳಿಸಿ. ನಿಮ್ಮ ಆಸಕ್ತಿ ಹಾಗೂ ಬಯಕೆಗಳಿಗೆ ಅವರ ಆಸಕ್ತಿಗಳು ಹೊಂದಾಣಿಕೆ ಆಗದೆ ಇದ್ದಾಗ ಅವರೇ ನಿರಾಕರಣೆಯ ಮನಃಸ್ಥಿತಿಯನ್ನು ಹೊಂದುವರು. ಆಗ ಯಾವುದೇ ಬೇಸರವಿಲ್ಲದೆ ಅವರೇ ಸಂಬಂಧದ ಪ್ರಸ್ತಾಪವನ್ನು ಕೈಬಿಡುವರು.
ತಮ್ಮ ಸಂಗಾತಿಯಲ್ಲಿ ಯಾವೆಲ್ಲಾ ಗುಣಗಳನ್ನು ಓರ್ವ ಮಹಿಳೆ ಬಯಸ್ತಾಳೆ ಗೊತ್ತಾ?
ಸ್ಪಷ್ಟವಾದ ನಿಲುವನ್ನು ತೋರಿ
ನಿಮ್ಮ ಸಹೋದ್ಯೋಗಿಗಳು, ಸ್ನೇಹಿತರು ಅಥವಾ ದೂರದ ಸಂಬಂಧದವರು ಯಾರಾದರೂ ನಿಮ್ಮ ಆಕರ್ಷಣೆಗೆ ಅಥವಾ ನಿಮ್ಮ ಸಂಬಂಧವನ್ನು ಬಯಸಿದ್ದರೆ ಅದರಲ್ಲಿ ನಿಮ್ಮ ದೋಷ ಏನೂ ಇರುವುದಿಲ್ಲ. ಅವರು ನಿಮ್ಮಲ್ಲಿ ತಮ್ಮ ಮನದಾಳದ ಮಾತು ಅಥವಾ ಬಯಕೆಯನ್ನು ವ್ಯಕ್ತಪಡಿಸಬಹುದು. ಅವರ ಬೇಡಿಕೆ ಅಥವಾ ಆಸಕ್ತಿಯು ನಿಮಗೆ ಇಷ್ಟವಾದರೆ ಸಂಭದವನ್ನು ಅಥವಾ ಅವರ ಪ್ರಸ್ತಾಪವನ್ನು ಸ್ವೀಕರಿಸಬಹುದು. ಅದೇ ಅವರ ಪ್ರಸ್ತಾಪ ಅಥವಾ ಬೇಡಿಕೆ ನಿಮಗೆ ಸಮ್ಮತಿ ಇಲ್ಲದೆ ಇರುವಾಗ ನೇರವಾಗಿ ನಿಮ್ಮ ಆಸಕ್ತಿ, ಜೀವನದ ಗುರಿಯನ್ನು ಅವರಿಗೆ ಅರ್ಥ ಆಗುವ ಹಾಗೆ ಬಿಡಿಸಿ ಹೇಳಿ. ನಿಮಗೆ ನೀವೇ ಒತ್ತಡವನ್ನು ಸೃಷ್ಟಿಸಿಕೊಂಡು ನೋವನ್ನು ಅನುಭವಿಸದಿರಿ. ಬದಲಿಗೆ ಡೇಟಿಂಗ್ ಹೊಂದಲು ಅಥವಾ ಸಂಬಂಧದ ರೂಪದಲ್ಲಿ ನಿಮ್ಮನ್ನು ಸ್ವೀಕರಿಸಲು ನನಗೆ ಇಷ್ಟವಿಲ್ಲ ಎನ್ನುವುದನ್ನು ಸ್ಪಷ್ಟವಾಗಿ ಹೇಳಿ, ಪ್ರಸ್ತಾಪ ಇಟ್ಟಿದ್ದಕ್ಕೆ ಧನ್ಯವಾದವನ್ನು ತಿಳಿಸಿ.
To Read in English Click: Right things to say when you're not interested in someone