ಸಂಬಂಧದಲ್ಲಿಒಂಟಿತನ

ರೊಮ್ಯಾಂಟಿಕ್‌ ಸಂಬಂಧದಲ್ಲಿಕೂಡ ಆಗಾಗ ಒಂಟಿತನ ಕಾಡುತ್ತದೆ. ಎಲ್ಲವೂ ಇದ್ದರೂ ಏನೂ ಇಲ್ಲಎನ್ನುವ ಮನಸ್ಥಿತಿ ನಡುವೆ ಈ ಒಂಟಿತನವನ್ನು ಮನಸ್ಸು ಮಾಡಿದರೆ ಹೋಗಲಾಡಿಸಬಹುದು.

ಒಂಟಿತನ ಎನ್ನುವುದು ಆಗಾಗ ಕಾಡುವಂಥದ್ದು. ಹಾಗಂತ ಅಂಥದ್ದೊಂದು ಭಾವನೆಯನ್ನು ಜೀವಿಸಲು ಸಾಧ್ಯವಿಲ್ಲ. ಅದರಿಂದ ಹೊರ ಬರಲು ಪ್ರಯತ್ನಿಸಿ. ಒಂಟಿತನ ಕಾಡಿದಾಗಲೆಲ್ಲನೀವೇನು ಮಾಡಬೇಕು ಗೊತ್ತಾ? ನಿಮ್ಮತನವನ್ನು ಎಂಜಾಯ್‌ ಮಾಡಿ. ಅಂದರೆ ಭಾವನಾತ್ಮಕವಾಗಿ ಬೇರೆಯವರ ಮೇಲೆ ಹೆಚ್ಚು ಅವಲಂಬಿತರಾಗಬೇಡಿ. ನಿಮಗಾಗಿಯೇ ಮೀಸಲಿಡುವ ಸಮಯ ಅಮೂಲ್ಯವಾದದ್ದು. ಅದನ್ನು ಸಮರ್ಪಕವಾಗಿ ಕಳೆಯಿರಿ. ಗುಣಮಟ್ಟದ ಸಮಯವನ್ನು ನಿಮ್ಮೊಂದಿಗೆ ನೀವು ಕಳೆಯಿರಿ, ನೀವು ಇಷ್ಟಪಡುವಂತಹ ಕೆಲಸಗಳನ್ನು ಮಾಡಿ.

ನೀವು ನಿಮ್ಮ ಸಂಗಾತಿಯೊಂದಿಗೆ ಹೆಚ್ಚು ಸಮಯವನ್ನು ಕಳೆಯಲಾಗದ ಸಂದರ್ಭದಲ್ಲಿನಿಮ್ಮನ್ನು ಒಂಟಿತನ ಕಾಡಬಹುದು. ಇದು ಸಂಬಂಧದಲ್ಲಿಬಿರುಕು ಮೂಡಿಸುವಷ್ಟು ಗಂಭೀರ ಹಂತ ತಲುಪುವ ಮೊದಲು ಎಚ್ಚೆತ್ತುಕೊಳ್ಳಿ. ಈ ಒಂಟಿತನ ಪರಸ್ಪರ ಸಮಯ ನೀಡುವಿಕೆಯ ಸೂಚನೆಯೂ ಇರಬಹುದು. ಆದ್ದರಿಂದ ಪರಸ್ಪರ ಜತೆಗೆ ಕಳೆಯುವ ಮೂಲಕ ನಿಮ್ಮ ದೀರ್ಘಕಾಲದ ಒಂಟಿತನವನ್ನು ಹೋಗಲಾಡಿಸಿಕೊಳ್ಳಿ.

ಅವಲಂಬನೆ ಸ್ವಂತಿಕೆಯನ್ನು ಮರೆಮಾಚುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ನಿಮಗೆ ನಿಮ್ಮದೇ ಆದ ಸ್ವಂತಿಕೆ ಇದೆ ಅದನ್ನು ಎಂಜಾಯ್‌ ಮಾಡಿ. ಸ್ನೇಹಿತರು ಮತ್ತು ಸಂಬಂಧಿಧಿಕರೊಂದಿಗಿನ ನಿಮ್ಮ ಸಂಬಂಧವನ್ನು ನೀವು ನಿರ್ಲಕ್ಷಿಸುತ್ತಿದ್ದರೆ ಮರು ಸಂಪರ್ಕಿಸಿ.