ಇಂತಹ ಫೇಕ್ ಜಾಲತಾಣದಲ್ಲಿ ಮೋಸ ಹೋಗದಿರಲು ಕೆಲವು ಟಿಪ್ಸ್

ಇಂದು ಪ್ರಪಂಚದಲ್ಲಿ ಎಲ್ಲಾ ಕೆಲಸವು ಸುಲಭವಾಗಿದೆ. ಏಕೆಂದರೆ ಅಂತರ್ಜಾಲದ ಕಾರಣದಿಂದ ಕಲಿಯುಗ ಡಿಜಿಟಲ್ ಯುಗವಾಗಿ ಪರಿವರ್ತನೆಯಾಗಿದೆ. ಹಾಗಾಗಿ ನಮ್ಮ ಅಂಗೈಯಲ್ಲಿ ಇರುವ ನಮ್ಮ ನೆಚ್ಚಿನ ಸ್ಮಾರ್ಟ್ ಫೋನ್ ನಲ್ಲಿ ಇಡೀ ವಿಶ್ವ ಪರ್ಯಟನೆ ಮಾಡುವ ಶಕ್ತಿ ಅಡಗಿದೆ.

ಅಂತರ್ಜಾಲದ ವ್ಯಾಪ್ತಿ ಎಲ್ಲಿಂದ ಎಲ್ಲಿಯವರೆಗೆ ಹಬ್ಬಿದೆ ಎಂಬುದನ್ನು ಊಹಿಸುವುದು ಕೂಡ ಕಷ್ಟ. ಮದುವೆಯ ವಿಚಾರಕ್ಕೆ ಬಂದಾಗ ಹುಡುಗನಿಗೆ ಹುಡುಗಿಯನ್ನು ನೋಡುವುದು ಅಥವಾ ಹುಡುಗಿಗೆ ಹುಡುಗನನ್ನು ವರಿಸುವಂತೆ ಮಾಡುವ ಎಲ್ಲಾ ಕೆಲಸಗಳು ಸುಲಭವಾಗಿ ಮನೆಯಿಂದಲೇ ನಡೆಯುತ್ತವೆ.

ಹೀಗಿರಬೇಕಾದರೆ ನಾವು ಒಂದು ವಿಚಾರವನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ಏನೆಂದರೆ ಎಲ್ಲಿ ನಮಗೆ ಒಳ್ಳೆಯದು ಸಿಗುತ್ತದೆ ಅಲ್ಲಿ ಕೆಟ್ಟದ್ದು ಸಹ ಇರುತ್ತದೆ. ಹಾಗಾಗಿ ಮ್ಯಾಟ್ರಿಮೋನಿ ಜಾಲತಾಣದಲ್ಲಿ ಒಬ್ಬ ವ್ಯಕ್ತಿಯನ್ನು ಇಷ್ಟ ಪಡುವ ಮೊದಲು ಅವರ ಬಗ್ಗೆ ಸಂಪೂರ್ಣವಾದ ಮಾಹಿತಿ ನಿಮ್ಮ ಮುಂದೆ ಇರಬೇಕು.

ಇದು ಮದುವೆಯ ವಿಚಾರ ಆಗಿರುವುದರಿಂದ ಇಡೀ ಜೀವನ ನೀವು ಅವರ ಜೊತೆ ಬಾಳಿ ಬದುಕಬೇಕಾದ ಸಂದರ್ಭ ಇರುವುದರಿಂದ ನಿಮ್ಮ ಜೀವನ ನಿಮ್ಮ ಕೈಯಲ್ಲಿ ಎನ್ನುವ ಎಚ್ಚರದೊಂದಿಗೆ ತುಂಬಾ ಜಾಗರೂಕತೆಯಿಂದ ವ್ಯವಹರಿಸುವುದನ್ನು ಕಲಿಯಿರಿ.

ಈ ಲೇಖನದಲ್ಲಿ ಮ್ಯಾಟ್ರಿಮೋನಿ ಜಾಲತಾಣದಲ್ಲಿ ವ್ಯವಹರಿಸುವಾಗ ನಿಮ್ಮ ಬುದ್ಧಿವಂತಿಕೆ ಯಾವ ರೀತಿ ಕೆಲಸ ಮಾಡಬೇಕು ಎಂಬುದನ್ನು ತಿಳಿಸಿಕೊಡಲಾಗಿದೆ.