ಸ್ಪರ್ಶ ಸುಖ ನೀಡುವ ವೇರೇಬಲ್‌ ತಂತ್ರಜ್ಞಾನ

ಇತ್ತೀಚೆಗೆ ಲಾಂಗ್‌ ಡಿಸ್ಟೆನ್ಸ್‌ ಸಂಬಂಧ ಹೆಚ್ಚುತ್ತಿದೆ. ಇದಕ್ಕೆ ಪೂರಕವಾಗಿ ಸಂಗಾತಿಗಳ ನಡುವೆ ಅಂತರವಿದ್ದರೂ ಅದನ್ನು ಹೋಗಲಾಡಿಸಲು ತಂತ್ರಜ್ಞಾನ ನೆರವಿಗೆ ನಿಂತಿದೆ. ಇದಕ್ಕಾಗಿಯೇ ಸಾಕಷ್ಟು ವೇರೇಬಲ್‌ ತಂತ್ರಜ್ಞಾನ ಮಾರುಕಟ್ಟೆಯಲ್ಲಿವೆ. ಸ್ಮಾರ್ಟ್‌ಫೋನ್‌ ಸಹಾಯದಿಂದ ಕಾರ‍್ಯ ನಿರ್ವಹಿಸುವ ಬ್ರೇಸ್‌ಲೆಟ್‌, ಗ್ಲೌಸ್‌, ಪೆಂಡೇಂಟ್‌ ಸೇರಿದಂತೆ ಇನ್ನೂ ಹಲವು ಬಗೆಯ ಆ್ಯಕ್ಸೆಸರೀಸ್‌ ಮೂಲಕ ಸಂಗಾತಿಯನ್ನು ಸ್ಪರ್ಶಿಸಿದ ಅನುಭವ ಪಡೆಯಬಹುದು.

ಏನೆಲ್ಲ ಇದೆ?

ಸೆನ್ಸರ್‌ ಆಧರಿತ ಗ್ಲೌಸ್‌ ಮೂಲಕ ನಿಮ್ಮ ದೂರದಲ್ಲಿರುವ ಸಂಗಾತಿಯ ಸ್ಪರ್ಶ ಅನುಭವ ಪಡೆಯಬಹುದು. ರಾತ್ರಿ ವೇಳೆ ಸಂಗಾತಿ ಇಲ್ಲದ ಬೇಸರ ನಿಮ್ಮನ್ನು ಕಾಡುತ್ತಿದ್ದರೆ ಪಿಲ್ಲೋ ಟಾಕ್‌ ಮಾಡಿ. ಈ ಮೂಲಕ ಪರಸ್ಪರ ದಂಪತಿ ದೂರದಲ್ಲಿರುವ ಸಂಗಾತಿಯ ಹೃದಯ ಬಡಿತ ಕೇಳಿಸಿಕೊಳ್ಳಬಹುದು. ಸ್ಪರ್ಶ ಸುಖ ಅನುಭವಿಸಬಹುದು. ಕಿಸೇಂಜರ್‌ ಮೂಲಕ ಮುತ್ತುಗಳ ವಿನಿಮಯ ಮಾಡಿಕೊಳ್ಳಬಹುದು. ಇದು ತುಟಿಗಳ ಸ್ಪರ್ಶಿಸುವ ಅನುಭವ ನೀಡುತ್ತದೆ. ಹಗ್‌ ಟೀ ಶರ್ಟ್‌ ಮೂಲಕ ಸಂಗಾತಿಯ ದೇಹವನ್ನು ಸ್ಪರ್ಶಿಸಿದಾಗ ಸಿಗುವ ಅನುಭವ ನಿಮ್ಮದಾಗುತ್ತದೆ. ಇನ್ನೂ ಹಲವುಬಗೆಯ ವೇರೇಬಲ್‌ ತಂತ್ರಜ್ಞಾನಗಳಿವೆ.

ಸೀಮಿತ ಅವಧಿ

ತಂತ್ರಜ್ಞಾನಕ್ಕೆ ಭಾವನೆಗಳನ್ನು ಜಯಿಸಿ ನಿಲ್ಲಲು ಸಾಧ್ಯವಿಲ್ಲ. ಆದ್ದರಿಂದ ಅವುಗಳು ಸೀಮಿತತೆಯನ್ನು ಹೊಂದಿರುತ್ತವೆ. ಇಂಟರ್‌ನೆಟ್‌ ಸಹಾಯದಿಂದ ಕೆಲಸ ನಿರ್ವಹಿಸುವುದರಿಂದ ತಾಂತ್ರಿಕವಾಗಿಯೂ ಕೆಲವು ಸವಾಲುಗಳನ್ನು ಒಳಗೊಂಡಿರುತ್ತವೆ. ಸಂಬಂಧಗಳನ್ನು ನಿರ್ವಹಿಸುವ ಕೆಲವು ಆ್ಯಪ್‌ಗಳು ಖಾಸಗಿ ಮಾಹಿತಿಯನ್ನು ಕದಿಯುವ ಸಾಧ್ಯತೆ ಇರುತ್ತವೆ. ಆದ್ದರಿಂದ ಎಚ್ಚರವಹಿಸಿ.