ಗಂಡನ ಶರ್ಟ್ ಧರಿಸಿದರೆ, ಹೆಂಡತಿಗೆ ರಿಲ್ಯಾಕ್ಸ್ ಸಿಗುತ್ತದೆಯಂತೆ!

ನೀವು ಯಾವಾಗಲೂ ಏಕಾಂಗಿತನ ಹಾಗೂ ಆತಂಕದಿಂದ ಬಳಲುತ್ತಿದ್ದರೆ, ಆಗ ನೀವು ಬಾಯ್ ಫ್ರೆಂಡ್ ಅಥವಾ ಪತಿಯ ಬಟ್ಟೆಗಳನ್ನು ಧರಿಸಿ. ಬ್ರಿಟಿಷ್ ಕೊಲಂಬಿಯಾ ಯೂನಿವರ್ಸಿಟಿಯ ಅಧ್ಯಯನದ ಪ್ರಕಾರ ಪತಿಯ ಮೈವಾಸನೆ ಇರುವಂತಹ ಯಾವುದೇ ಬಟ್ಟೆಯನ್ನು ಧರಿಸಿದರೆ ಅದರಿಂದ ಒತ್ತಡ, ಏಕಾಂಗಿತನ ಮತ್ತು ಆತಂಕವು ಕಡಿಮೆ ಆಗುವುದು ಎಂದು ಹೇಳಿದೆ.

ಒಂದಷ್ಟು ಮಹಿಳೆಯರನ್ನು ಅಧ್ಯಯನಕ್ಕಾಗಿ ಆಯ್ಕೆ ಮಾಡಿಕೊಂಡ ಬಳಿಕ ಅವರಿಗೆ ಅಪರಿಚಿತ, ಬಾಯ್ ಫ್ರೆಂಡ್ ಮತ್ತು ತಟಸ್ಥ ಪರಿಮಳಗಳ ವಾಸನೆ ತೆಗೆದುಕೊಳ್ಳಲು ಹೇಳಲಾಯಿತು. ಮಹಿಳೆ ಯರಿಗೆ ಬಾಯ್ ಫ್ರೆಂಡ್‌ನ ಮೈವಾಸನೆಯ ಬಟ್ಟೆಯನ್ನು ನೀಡುವ ಮೋದಲು ಅದನ್ನು ಆತ ಸುಮಾರು 24 ಗಂಟೆಗಳ ಕಾಳ ಧರಿಸುವಂತೆ ಮಾಡಲಾಯಿತು. ಇದರಿಂದ ತುಂಬಾ ತೀವ್ರವಾದ ಮೈವಾಸನೆಯು ಬರುವುದು.

ಶರ್ಟ್ ನ ವಾಸನೆ ತೆಗೆದುಕೊಂಡು ಬಳಿಕ ಈ ಅಧ್ಯಯನದಲ್ಲಿ ಭಾಗಿಯಾದ ಮಹಿಳೆಯರಿಗೆ ಅಣಕು ಉದ್ಯೋಗ ಸಂದರ್ಶನ ಮತ್ತು ಮಾನಸಿಕವಾಗಿ ಒತ್ತಡ ಹಾಕುವ ಗಣಿತವನ್ನು ನೀಡಲಾಯಿತು. ಇದರಿಂದ ಮಹಿಳೆಯರ ಒತ್ತಡ ಹೆಚ್ಚಿಸುವುದು ಪ್ರಮುಖ ಕಾರಣವಾಗಿದೆ. ಸಂಶೋಧನೆಗಳು ಇದರ ಬಳಿಕ ಒತ್ತಡ ಹಾಗೂ ಕಾರ್ಟಿಸಲ್ ಮಟ್ಟವನ್ನು ಲೆಕ್ಕ ಹಾಕಿಕೊಂಡಿತು. ಇದರ ಪ್ರಕಾರ ಬಾಯ್ ಫ್ರೆಂಡ್ ನ ಶರ್ಟ್ ನ ವಾಸನೆ ತೆಗೆದುಕೊಂಡು ಮಹಿಳೆಯರಲ್ಲಿ ಒತ್ತಡವು ಕಡಿಮೆ ಇತ್ತು. ಅದೇ ಅಪರಿಚಿತ ಪುರುಷರ ಬಟ್ಟೆಯ ವಾಸನೆ ತೆಗೆದುಕೊಂಡವರಲ್ಲಿ ಒತ್ತಡವು ಬೇರೆಯವರಿಗಿಂತ ಹೆಚ್ಚಿತ್ತು.

ಕೆಲವೊಂದು ಸಲ ಸಂಗಾತಿಯು ಜತೆಗೆ ಇಲ್ಲದೆ ಇರುವಾಗ ಅವರ ಶರ್ಟ್ ಧರಿಸುವರು ಮತ್ತು ಹಾಸಿಗೆಯಲ್ಲಿ ಸಂಗಾತಿಯು ಮಲಗುತ್ತಿದ್ದ ಜಾಗದಲ್ಲಿ ಮಲಗುವರು. ಆದರೆ ಇಂತಹ ನಡವಳಿಕೆಗಳು ಯಾಕೆ ಎಂದು ಹೆಚ್ಚಿನವರಿಗೆ ಅರ್ಥವಾಗುವುದಿಲ್ಲ. ಸಂಶೋಧನೆಗಳು ಕಂಡುಕೊಂಡಿರುವ ವಿಚಾರವೆಂದರೆ ಸಂಗಾತಿಯ ಮೈವಾಸನೆಯು, ದೈಹಿಕವಾಗಿ ಆತ ಉಪಸ್ಥಿತನಿಲ್ಲದೆ ಇದ್ದರೂ ಒತ್ತಡವನ್ನು ಕಡಿಮೆ ಮಾಡುವುದು.

ಹೀಗೆ ಸಂಗಾತಿಯ ಶರ್ಟ್ ಅಥವಾ ಟೀ ಶರ್ಟ್ ಧರಿಸುವ ಕಾರಣದಿಂದಾಗಿ ಒತ್ತಡದ ಪರಿಸ್ಥಿತಿ ನಿವಾರಿಸಲು ನೆರವಾಗುವುದು. ಆಧುನೀಕರಣದಿಂದಾಗಿ ಇಂದಿನ ದಿನಗಳಲ್ಲಿ ಜನರು ಹೆಚ್ಚಾಗಿ ಒಂದೆಡೆಯಿಂದ ಮತ್ತೊಂದೆಡೆಗೆ ಪ್ರಯಾಣಿಸುತ್ತಾ ಇರುವರು. ಹೀಗಾಗಿ ಬೇರೆ ನಗರದಲ್ಲಿ ವಾಸಿಸುವ ಸಂಗಾತಿಯ ಬಟ್ಟೆ ಧರಿಸಿದರೆ ಆಗ ಒತ್ತಡದ ಪರಿಸ್ಥಿತಿ ನಿವಾರಣೆ ಮಾಡಲು ನೆರವಾಗುವುದು ಎಂದು ಅಧ್ಯಯನಗಳು ಹೇಳಿವೆ.