ನಿಮ್ಮ ಸಂಗಾತಿಯು ಲೈಂಗಿಕಕ್ರಿಯೆಯ ನಂತರ ನಿಮ್ಮನ್ನು ಅಪ್ಪಿಕೊಂಡರೆ, ನಿಮ್ಮಲ್ಲಿ ಮನಸ್ಸು ಬಿಚ್ಚಿ ಮಾತನಾಡಲು ಬಯಸಿದರೆ ಅವರ ಮನಸ್ಸಿನ ಮಾತನ್ನು ಅರ್ಥ ಮಾಡಿಕೊಳ್ಳುವುದು ಬಹಳ ಸುಲಭ. ಲೈಂಗಿಕತೆಯು ಇಬ್ಬರು ವ್ಯಕ್ತಿಗಳ ನಡುವಿನ ಅನ್ಯೋನ್ಯತೆಯಾಗಿದೆ. ನಿಮ್ಮಿಬ್ಬರ ಸಂಬಂಧ ಅನ್ಯೋನ್ಯತೆಯಿಂದ ಇದ್ದರೂ ಇಲ್ಲದಿದ್ದರೂ ಹೇಗೆ ಇದ್ದರೂ ಲೈಂಗಿಕತೆಯ ನಂತರ ಪ್ರತಿಯೊಬ್ಬ ಪುರುಷರ ಮನಸ್ಸಿನಲ್ಲಿ ಹಲವಾರು ವಿಷ್ಯಗಳು ಓಡಾಡುತ್ತಿರುತ್ತದೆ. ಅವುಗಳು ಯಾವುವು ಅನ್ನೋದನ್ನು ನಾವಿಲ್ಲಿ ತಿಳಿಯೋಣ.
ಆಕೆಯೂ ನನ್ನಷ್ಟೇ ಎಂಜಾಯ್ ಮಾಡಿದ್ದಾಳಾ?
ಲೈಂಗಿಕತೆಯ ನಂತರ ಪ್ರತೀ ಪುರುಷರು ಯೋಚಿಸುವ ಪ್ರಮುಖ ವಿಷಯವೆಂದರೆ ತನ್ನ ಸಂಗಾತಿಯು ತನ್ನಷ್ಟೇ ಆನಂದಿಸಿದ್ದಾಳೆಯೇ ಇಲ್ಲವೋ ಎನ್ನುವುದು. ಅನೇಕ ಪುರುಷರು ತಮ್ಮ ಸಂಗಾತಿಯು ಅವರೊಂದಿಗೆ ಲೈಂಗಿಕತೆಯನ್ನು ಆನಂದಿಸುತ್ತಾರೆಯೇ ಅಥವಾ ನಿರಾಶೆಗೊಂಡಿದ್ದಾರೆಯೇ ಎಂದು ಚಿಂತಿಸುತ್ತಾರೆ. ಕೆಲವು ಪುರುಷರು ಇದನ್ನು ನೇರವಾಗಿ ತನ್ನ ಸಂಗಾತಿಯಲ್ಲಿ ಕೇಳುತ್ತಾರೆ.
ಇದನ್ನೂ ಓದಿ: ಲೈಂಗಿಕ ಪರಾಕಾಷ್ಠೆ ತಲುಪಲು ಜಿ-ಸ್ಪಾಟ್‌ ತೃಪ್ತಿಪಡಿಸುವುದು ಮುಖ್ಯವಂತೆ!
ಸ್ನಾನ ಮಾಡಲು ಎದ್ದೇಳಬೇಕೇ?
ಸೆಕ್ಸ್ ಆದ ಕೂಡಲೇ ಎದ್ದು ಸ್ನಾನ ಮಾಡದಿರುವುದನ್ನು ಅಸಭ್ಯ ಎಂದು ಕೆಲವರು ಭಾವಿಸುತ್ತಾರೆ. ಆದಾಗ್ಯೂ, ಸಂಭೋಗದ ನಂತರ, ನಿಮ್ಮ ಸಂಗಾತಿಯು ತುಂಬಾ ಬಿಸಿಯಾಗಿರಬಹುದು ಮತ್ತು ಬೆವರಿನಿಂದ ಒದ್ದೆಯಾಗಿರಬಹುದು.
ಹಾಗಾಗಿ ಲೈಂಗಿಕತೆಯ ನಂತರ ಸ್ನಾನ ಮಾಡುವುದು ಕೆಲವರಿಗೆ ಅನಿವಾರ್ಯವಾಗಿರುತ್ತದೆ. ಕೆಲವೊಮ್ಮೆ, ನಿಮ್ಮ ಸಂಗಾತಿಯು ನಿಮ್ಮ ಜೊತೆಗೆ ಸ್ನಾನ ಮಾಡಲು ಬಯಸಬಹುದು. ಇದೂ ಒಂದು ರೀತಿ ರೊಮ್ಯಾಂಟಿಕ್ ಆಗಿರುತ್ತದೆ.
ಆಕೆಯನ್ನು ತಬ್ಬಿಕೊಂಡು ಕಾಲಕಳೆಯಬೇಕೆ ಅಥವಾ ಮಲಗಬೇಕೇ?
ನಿಮ್ಮ ಪುರುಷ ಸಂಗಾತಿಯು ಸಂಭೋಗದ ನಂತರ ನಿಮನ್ನು ತಬ್ಬಿಕೊಂಡು ಕಾಲಕಳೆಯಬೇಕೆ ಅಥವ ತಕ್ಷಣವೇ ನಿದ್ರಿಸಬೇಕೆ ಎಂಬ ಬಗ್ಗೆ ಸಂಪೂರ್ಣವಾಗಿ ಗೊಂದಲಕ್ಕೊಳಗಾಗಬಹುದು.
ಕೆಲವರು ಲೈಂಗಿಕತೆಯ ನಂತರ ಮಲಗಲು ಮತ್ತು ತಮ್ಮದೇ ಆದ ಜಾಗವನ್ನು ಹೊಂದಲು ಇಷ್ಟಪಡುತ್ತಾರೆ. ಆದರೆ ಇನ್ನೂ ಕೆಲವರು ಲೈಂಗಿಕತೆಯ ನಂತರ ಎಚ್ಚರಗೊಳ್ಳಲು ಇಷ್ಟಪಡುತ್ತಾರೆ ತನ್ನ ಸಂಗಾತಿಯನ್ನು ತಬ್ಬಿಕೊಳ್ಳಲು ಬಯಸುತ್ತಾರೆ.
ವಾಹ್, ಎಮೇಜಿಂಗ್ ಸೆಕ್ಸ್ !
ಲೈಂಗಿಕ ಕ್ರಿಯೆಯ ಬಳಿಕ ನಿಮ್ಮ ಸಂಗಾತಿ ಸಂಪೂರ್ಣವಾಗಿ ತೃಪ್ತನಾಗಿದ್ದರೆ ವಾಹ್ ಎಂಥಹಾ ಅದ್ಭುತ ಸೆಕ್ಸ್ ಎಂದು ಮನಸ್ಸಿನಲ್ಲೇ ಅಂದುಕೊಳ್ಳುತ್ತಾನೆ. ನಿಮ್ಮ ಸಂಗಾತಿ ಲೈಂಗಿಕತೆಯ ನಂತರ ಶಾಂತವಾಗಿದ್ದರೆ, ನೀವು ಹಾಸಿಗೆಯಲ್ಲಿ ಮಾಡಿದ ಎಲ್ಲಾ ಅದ್ಭುತ ವಿಷಯಗಳನ್ನು ಅವನು ಬಹುಶಃ ನೆನಪಿಸಿಕೊಳ್ಳುತ್ತಾನೆ.
ಬಹುಶಃ ನೀವು ಲೈಂಗಿಕತೆಯ ಸಮಯದಲ್ಲಿ ನಿಮ್ಮ ಪ್ರತಿಕ್ರಿಯೆ, ನಿಮ್ಮ ಹಾವ ಭಾವಗಳನ್ನು ಅವನು ರಹಸ್ಯವಾಗಿ ಪ್ರಶಂಸಿಸುತ್ತಿರಬಹುದು ಅಥವಾ ನೀವಿಬ್ಬರೂ ಪ್ರಯತ್ನಿಸಿದ ಲೈಂಗಿಕ ಪೋಸಿಶನ್ ಹಾಗೂ ಮುಂದಿನ ಬಾರಿ ಪ್ರಯತ್ನಿಸಬಹುದಾದ ಲೈಂಗಿಕ ಪೋಸಿಶನ್ ಬಗ್ಗೆ ಯೋಚಿಸುತ್ತಿರಬಹುದು.
ಇದನ್ನೂ ಓದಿ: ಈ ತಪ್ಪುಗಳು ನಿಮ್ಮ ಸೆಕ್ಸ್ ಲೈಫ್‌ನ್ನು ಹಾಳುಮಾಡಬಹುದು ಎಚ್ಚರ
ಅವಳು ಪರಾಕಾಷ್ಠೆ ಹೊಂದಿದ್ದಾಳೆಯೇ, ಇಲ್ಲವೇ?
ಓರ್ವ ಮಹಿಳೆಯನ್ನುಲೈಂಗಿಕ ಪರಾಕಾಷ್ಠೆಯನ್ನು ತಲುಪುವಂತೆ ಮಾಡುವುದು ಯಾವುದೇ ಪುರುಷನಿಗೆ ದೊಡ್ಡ ಸಾಧನೆಯೇ ಸರಿ. ಯಾಕೆಂದರೆ ಮಹಿಳೆಯರು ಪುರುಷರಷ್ಟು ಬೇಗ ಪರಾಕಷ್ಠೆಯನ್ನು ಹೊಂದುವುದಿಲ್ಲ.
ಈ ಆಧುನಿಕ ಸಂಸ್ಕೃತಿಯಲ್ಲಿ, ಪರಾಕಾಷ್ಠೆಯನ್ನು ತಲುಪಲು ತಮ್ಮ ಸಂಗಾತಿಗೆ ಎಷ್ಟು ಸಂತೋಷವನ್ನು ನೀಡಬಹುದು ಎಂಬುದರ ಮೂಲಕ ಹಾಸಿಗೆಯಲ್ಲಿ ಪುರುಷರ ಕಾರ್ಯಕ್ಷಮತೆಯನ್ನು ನಿರ್ಣಯಿಸಲಾಗುತ್ತದೆ. ಹಾಗಾದರೆ ಈ ಪ್ರಶ್ನೆ ಪುರುಷರನ್ನು ಕಾಡುತ್ತಿರುತ್ತದೆ.