ಬೆಂಗಳೂರಿನಲ್ಲಿ ಮೊದಲ ಬಾರಿಗೆ ಕನ್ನಡ ಮಾಧ್ಯಮ ತರಗತಿಗಳು ಪ್ರಾರಂಭವಾದ ಶಾಲೆಯೆಂದರೆ ನ್ಯಾಷನಲ್‌ ಹೈಸ್ಕೂಲ್‌. ಮೊದಲ ಬಾರಿಗೆ ಕನ್ನಡದಲ್ಲೇ ಹಲವು ವಿಷಯಗಳನ್ನು ಬೋಧಿಸಲು ಪ್ರಾರಂಭಿಸಿದ ಶಾಲೆ ಇದು. ನಿಟ್ಟೂರು ಅವರು ಗಣಿತ ಮತ್ತು ಭೌತಶಾಸ್ತ್ರವನ್ನು ಕನ್ನಡದಲ್ಲಿ ಬೋಧಿಸುತ್ತಿದ್ದರು. ಆ ದಿನಗಳಲ್ಲಿ ಎ.ವಿ.ಸ್ಕೂಲುಗಳಿದ್ದವು. ಅಂದರೆ ಆಂಗ್ಲೊ ವರ್ನಾಕ್ಯುಲರ್‌ ಶಾಲೆಗಳು. ಇದರಿಂದಾಗಿಯೇ ಕನ್ನಡ ಮಾಧ್ಯಮದ ಪ್ರಶ್ನೆ ಎದ್ದಿದ್ದು, ಪ್ರಾದೇಶಿಕ ಭಾಷೆಯೇ ಶಿಕ್ಷಣ ಮಾಧ್ಯಮ ಆಗಬೇಕೆಂಬ ಉದ್ದೇಶವಾಗಿತ್ತು ಆಗ. ಕೆಲವರು ಕನ್ನಡದಲ್ಲಿ ಪಠ್ಯಪುಸಕ್ತಗಳನ್ನು ಬರೆದರು. ಮಂಜಯ್ಯ, ಸುಬ್ಬಣ್ಣಾಚಾರ್ಯರು ಗಣಿತದ ಪುಸ್ತಕಗಳನ್ನು ಸಿದ್ಧಪಡಿಸಿದರು.
ಪ್ರಾಥಮಿಕ ಮಟ್ಟದ ನಾಲ್ಕು ತರಗತಿಗಳಲ್ಲಿ ಕನ್ನಡವೇ ಮಾಧ್ಯಮವಾಗಿತ್ತು. ಮೇಲ್ತರಗತಿ 1ನೇ ಫಾರ್ಮ್‌ನಿಂದ ಇಂಗ್ಲಿಷ್‌ ಮಾಧ್ಯಮವಾಗುತ್ತಿತ್ತು. ಚರಿತ್ರೆ-ಭೂಗೋಳ ಕನ್ನಡ ಮಾಧ್ಯಮದಲ್ಲಿ ಬೋಧಿಸುತ್ತಿದ್ದರು. ಆಗ ಟಿಬೆಟ್‌ ಅನ್ನು 'ಭುವನ ಭವನದ ಕರುಮಾಡ' ಎಂದು ಭೂಗೋಳದಲ್ಲಿ ಹೇಳಲಾಗಿತ್ತು.
ಶಿಕ್ಷಣ:1828ರಲ್ಲಿ ಲಾರ್ಡ್‌ ವಿಲಿಯಂ ಬೆಂಟಿಂಕ್‌ನು ಭಾರತದ ಗವರ್ನರ್‌ ಆದಾಗ ಪಾಶ್ಚಾತ್ಯ ಶಿಕ್ಷಣ ವ್ಯವಸ್ಥೆಗೆ ನಾಂದಿ ಹಾಡಿದನು. ಬೆಂಗಳೂರು ನಗರದಲ್ಲಿ ಪ್ರಾರಂಭಗೊಂಡ ಸರ್ದಾರ್‌ ವೇದಾಂತ ಸಿದ್ಧಾಂತ ಸಭಾ ಸ್ಕೂಲ್‌-1842, ನೇಟಿವ್‌ ಎಜ್ಯುಕೇಷನ್‌ ಇನ್‌ಸ್ಟಿಟ್ಯೂಷನ್‌-1851, ಹಿಂದೂ ಫಿಮೇಲ್‌ ಸ್ಕೂಲ್‌-1854, ಲಂಡನ್‌ ಮಿಷನ್‌ ಬೋರ್ಡಿಂಗ್‌ ಹೋಂ ಫಾರ್‌ ಗರ್ಲ್ಸ್-1842, ಲಂಡನ್‌ ಮಿಷನ್‌ ಇನ್‌ಸ್ಟಿಟ್ಯೂಷನ್‌-1842, ಸೇಂಟ್‌ ಮೇರಿಸ್‌ ಕೆಥೋಲಿಕ್‌ ಸ್ಕೂಲ್‌-1854, ಸೇಂಟ್‌ ಮಾರ್ಕ್ಸ್‌ ರಗ್ಗಡ್‌ ಸ್ಕೂಲ್‌-1854, ಸೇಂಟ್‌ ಜಾನ್ಸ್‌ ಇಂಗ್ಲಿಷ್‌ ಇನ್‌ಫ್ಯಾಂಟ್‌ ಸ್ಕೂಲ್‌ ಫಾರ್‌ ಗರ್ಲ್ಸ್-1854, ಕಾನ್ವೆಂಟ್‌ ಆಫ್‌ ಗುಡ್‌ಶೆಪರ್ಡ್‌ ಫಾರ್‌ ಗರ್ಲ್ಸ್-1854.