ತಲೆನೋವಿಗೆ ಕಾಫಿ ನಿಜವಾಗಿಯೂ ಮದ್ದು ಹೌದಾ?

[This story originally published in Times of India on May 10,2019]
ತಲೆನೋವು ಹಾಗೂ ಮೈಗ್ರೇನ್‌ನಿಂದ ಪಡಬಾರದು ಕಷ್ಟಪಡುವವರೇ ಹೆಚ್ಚು. ಸಾಕಪ್ಪಾ ಸಾಕು ಎಂಬಷ್ಟರ ಮಟ್ಟಿಗೆ ತಲೆ ನೋವು ನಿಮ್ಮ ದೈನಂದಿನ ಚಟುವಟಿಕೆಗೆ ಬಾಧಿಸುತ್ತದೆ.

ಇದಕ್ಕೆ ಸೂಕ್ತವಾದ ಮಾತ್ರೆ ಮದ್ದುಗಳನ್ನು ತೆಗೆದುಕೊಳ್ಳಲು ಇಷ್ಟಪಡದೇ ಇರುವವರು, ಸಾಮಾನ್ಯವಾಗಿ ಕಾಫಿಯ ಕಡೆಗೇ ತಮ್ಮ ಆಲೋಚನೆ ಇಟ್ಟು ಬಿಡುತ್ತಾರೆ. ಹೌದು, ಕಾಫಿ ಕುಡಿಯುವುದರಿಂದ ತಲೆನೋವು ಕಡಿಮೆಯಾಗುತ್ತದೆ ಎಂಬುದು ಹಲವರ ನಂಬಿಕೆ. ಇದು ಎಷ್ಟರ ಮಟ್ಟಿಗೆ ಸತ್ಯ ಎಂಬುದು ತಿಳಿಯಬೇಕು!

ತಜ್ಞ ವೈದ್ಯರ ಪ್ರಕಾರ, ಮೈಗ್ರೇನ್‌ನನ್ನು ಕೊಂಚ ಪ್ರಮಾಣದಲ್ಲಿ ಕಾಫಿ ಕಡಿಮೆ ಮಾಡಿದರೂ, ಕೆಲವೊಮ್ಮೆ ನಿಮ್ಮ ತಲೆನೋವನ್ನು ಎರಡು ಪಟ್ಟು ಹೆಚ್ಚು ಮಾಡಿಬಿಡುತ್ತದೆ. ನಿಮ್ಮ ತಲೆ ನೋವಿನ ಪ್ರಮಾಣ ಅಥವಾ ಇಂಟೆನ್ಸಿಟಿ ಎಷ್ಟಿದೆ ಎಂಬುದರ ಮೇಲೆಯೇ ಕಾಫಿಯಿಂದಾಗುವ ಪರಿಣಾಮವನ್ನು ತಿಳಿಯಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಅತಿಯಾದ ತಲೆನೋವಿಗೆ ಎಂದಿಗೂ ಕಾಫಿ ಪರಿಣಾಮಕಾರಿಯಾದ ಔಷಧ ಆಗಲಾರದು ಎಂದು ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.

ವೈದ್ಯರ ಈ ಅಭಿಪ್ರಾಯಕ್ಕೇನು ಕಾರಣ?
ಮಿದುಳಿನಲ್ಲಿರುವ ನಿಗದಿತ ರಕ್ತನಾಳದಲ್ಲಿ ಸಿಡಿತ ಉಂಟಾಗುವುದರಿಂದ ತಲೆನೋವು ಉಂಟಾಗುತ್ತದೆ. ಕಾಫಿಯಲ್ಲಿರುವ ಕೆಫಿನ್ಅಂಶ ನರಗಳಲ್ಲಿನ ಸ್ವೆಲ್ಲಿಂಗ್‌ ಕಡಿಮೆ ಮಾಡಿ, ಒತ್ತಡವನ್ನು ಇಳಿಸುತ್ತದೆ ಹಾಗೂ ಮಾಂಸ ಖಂಡಗಳನ್ನೂ ಕೊಂಚ ಒತ್ತಡ ಇಳಿಸುತ್ತದೆ. ಇದರಿಂದಲೇ ನಿಮಗೆ ಕಾಫಿ ಕುಡಿಯುವುದರಿಂದ ತಲೆನೋವಿನ ಬಾಧೆಯಿಂದ ಕೊಂಚ ರಿಲೀಫ್‌ ನೀಡುತ್ತದೆ. ಅದೇ ನೀವು ತಗೆದುಕೊಳ್ಳುವ ಕೆಫೇನ್‌ನ ಪ್ರಮಾಣ ಅಧಿಕವಾದರೆ, ತಲೆನೋವು ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತದೆ.

ಕೆಫೇನ್‌ ಎಲ್ಲರಲ್ಲೂ ಒಂದೇ ರೀತಿಯಾಗಿ ವರ್ತಿಸದು. ವ್ಯಕ್ತಿಯಿಂದ ವ್ಯಕ್ತಿಯಲ್ಲಿ ಕೆಫೇನ್‌ನ ಪರಿಣಾಮ ವಿಭಿನ್ನವಾಗಿರುತ್ತದೆ. ಹೀಗಾಗಿಯೇ ಎಲ್ಲರ ತಲೆನೋವು, ಮಾನಸಿಕ ಒತ್ತಡವನ್ನು ನಿವಾರಿಸದು. ಹೀಗಾಗಿ ಎಂದಿಗೂ ತಲೆನೋವಿಗೆ ಕಾಫಿ ಮದ್ದಲ್ಲ ಎಂಬುದನ್ನು ಮರೆಯದಿರಿ!

ಹೆಚ್ಚು ಕುಡಿಯೋದು ಒಳ್ಳೆದಲ್ಲ !
ಕಾಫಿ ದಿನದಲ್ಲಿ ಮೂರ್ನಾಲ್ಕು ಬಾರಿ ಸೇವಿಸುವುದು ಆರೋಗ್ಯಕರ ಅಲ್ಲ. ದಿನದಲ್ಲಿ ಒಂದೆರಡು ಕಪ್‌ ಸಾಮಾನ್ಯವಾಗಿ ಎಲ್ಲರ ಹವ್ಯಾಸ. ಅತಿಯಾದರೆ ಅಮೃತವೂ ವಿಷ ಅಂತಾರಲ್ಲ, ಹಾಗೆಯೇ! ಹೆಚ್ಚು ಕಾಫಿ ಕುಡಿಯುವುದರಿಂದ ನಿಮ್ಮ ಮೈಗ್ರೇನ್‌ ಅಥವಾ ತಲೆನೋವಿನ ಸಮಸ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆಯೇ ಹೆಚ್ಚು.

ಕೆಫಿನ್ ಇರುವ ಡ್ರಿಂಕ್ಸ್‌ ಬೇಡವೇ ಬೇಡ
ಮೈಗ್ರೇನ್‌ ಅಥವಾ ತಲೆನೋವಿನ ವೇಳೆ ನಿಮ್ಮಲ್ಲಿ ಔಷಧ ಇಲ್ಲದೇ ಇದ್ದರೆ, ಕೆಫಿನ್‌ ಇರುವ ಡ್ರಿಂಕ್ಸ್‌ ತೆಗೆದುಕೊಳ್ಳುವ ಸಾಹಸಕ್ಕೆ ಹೋಗದಿರುವುದೇ ಒಳ್ಳೆಯದು. ಇದರಿಂದ ನರ ಮಂಡಲಕ್ಕೆ ಸಮಸ್ಯೆ ಅಧಿಕ ಎನ್ನಲಾಗಿದೆ. ಅಲ್ಲದೆ ಇವುಗಳಲ್ಲಿ ಅತಿಯಾದ ಪ್ರಮಾಣದಲ್ಲಿ ಸಕ್ಕರೆ ಅಂಶ ಹಾಗೂ ಕ್ಯಾಲೋರಿ ಇಲ್ಲದ ಕಾರಣ ಇವುಗಳು ಬೆಸ್ಟ್‌ ಅಲ್ಲವೇ ಅಲ್ಲ!

ಕಾಫಿ ಬದಲಾಗಿ, ಕರಿಮೆಣಸು, ಪೆಪ್ಪರ್‌ಮಿಂಟ್‌, ಜೇನು ಇತ್ಯಾದಿ ಮನೆಮದ್ದು ಮೈಗ್ರೇನ್‌ಗೆ ಸಹಕಾರಿ. ಮೈಗ್ರೇನ್‌ ಅತಿಯಾದರೆ ಅಪಾಯಕಾರಿ ಆಗಿರುವುದರಿಂದ ನುರಿತ ವೈದ್ಯರಲ್ಲಿ ಸಂಪರ್ಕಿಸಿ, ಔಷಧ ತೆಗೆದುಕೊಳ್ಳುವುದು ಅತ್ಯಂತ ಸೂಕ್ತ ಎನ್ನಲಾಗುತ್ತದೆ.