ಡೇ ಸ್ಪೆಷಲ್‌: ಕ್ಯಾರಮೆಲ್‌ ಪಾಪ್‌ಕಾರ್ನ್‌ ಡೇ

ಪಾಪ್‌ಕಾರ್ನ್‌ಗಳನ್ನು ಹೆಚ್ಚು ಬಳಸುವ ಅಮೆರಿಕದಲ್ಲಿ ಕ್ಯಾರಮೆಲ್‌ ಪಾಪ್‌ಕಾರ್ನ್‌ ಸಾರ್ವಕಾಲಿಕ ಅಚ್ಚುಮೆಚ್ಚಿನ ತಿಂಡಿಯಾಗಿದೆ. ಈ ಚಾಟ್ಸ್‌ಗೆ ಭಾರತ ಸೇರಿದಂತೆ ವಿಶ್ವದಾದ್ಯಂತ ಬೇಡಿಕೆ ಹೆಚ್ಚು. ಹಾಗಾಗಿ ಈ ಪಾಪ್‌ಕಾರ್ನ್‌ಗಾಗಿಯೇ ಒಂದು ದಿನ ಮೀಸಲಿಡಲಾಗಿದೆ. ಪ್ರತಿ ವರ್ಷ ಏಪ್ರಿಲ್‌ 6 ರಂದು ಅಮೆರಿಕ ಸೇರಿದಂತೆ ವಿಶ್ವದ ಹಲವು ಭಾಗಗಳಲ್ಲಿ ಕ್ಯಾರಮೆಲ್‌ ಪಾಪ್‌ಕಾರ್ನ್‌ ಡೇ ಸೆಲೆಬ್ರೇಟ್‌ ಮಾಡಲಾಗುತ್ತದೆ. ಉಪ್ಪು ಖಾರ ಇರುವ ಮಾಮೂಲಿ ಪಾಪ್‌ಕಾರ್ನ್‌ಗಿಂತ ಕ್ಯಾರಮೆಲ್‌ ಪಾಪ್‌ಕಾರ್ನ್‌ ರುಚಿ ವಿಭಿನ್ನ. ಇದು ಸಂಪೂರ್ಣ ಸಿಹಿ ತಿಂಡಿ. ಹಗುರವಾದ , ಗರಿಗರಿಯಾದ ತಿನ್ನಲು ರುಚಿಯಾದ ಇದನ್ನು ಸಕ್ಕರೆ ದ್ರಾವಣ ಅಥವಾ ಸಕ್ಕರೆ ಸಿರಪ್‌ನಿಂದ ತಯಾರಿಸಲಾಗುತ್ತದೆ. ಕ್ಯಾರಮೆಲ್‌ ಪಾಪ್‌ಕಾರ್ನ್‌ನಲ್ಲಿ ಹಲವು ವೆರೈಟಿಗಳಿವೆ. ಅವುಗಳಲ್ಲಿ ಮಕಡಮಿಯಾ ಕ್ಯಾರಮೆಲ್‌ ಕಾರ್ನ್‌, ಪೀನಟ್‌ ಕ್ಯಾರಮೆಲ್‌ ಕಾರ್ನ್‌, ಕ್ಯಾರಮೆಲ್‌ ಕಾರ್ನ್‌ ವಿತ್‌ ಚಾಕೊಲೇಟ್‌, ಚಾಕೊಲೇಟ್‌ ಪೀನಟ್‌ ಬಟರ್‌ ಕ್ಯಾರಮೆಲ್‌ ಕಾರ್ನ್‌, ಅಲ್ಮಂಡ್‌ ಟಾಫಿ ಕ್ಯಾರಮೆಲ್‌ ಕಾರ್ನ್‌, ವೈಟ್‌ ಚಾಕೊಲೇಟ್‌ ಸಿನ್ನಮನ್‌ ಕ್ಯಾರಮೆಲ್‌ ಕಾರ್ನ್‌ ಪ್ರಮುಖವಾದದ್ದು. 1890ರ ದಶಕದಲ್ಲಿ ಈ ಸಿಹಿ ತಿಂಡಿಯ ಪರಿಚಯವಾಯಿತು ಎನ್ನಲಾಗಿದೆ. ಇದರ ಜನಪ್ರಿಯ ಹೆಚ್ಚಾಗುತ್ತಿದ್ದಂತೆ ಇದನ್ನು ತಯಾರಿಸುವ ಸಂಸ್ಥೆಗಳು ಹೆಚ್ಚಾಯಿತು. ಇಂದು ಜಗತ್ತಿನಾದ್ಯಂತ ಅನೇಕ ಪ್ರಮುಖ ಹಾಗೂ ಸಾವಿರಾರು ಕ್ಯಾರಮೆಲ್‌ ಪಾಪ್‌ಕಾರ್ನ್‌ ಬ್ರಾಂಡ್‌ಗಳು ಲಭ್ಯವಿದೆ.

ಸ