ಡೇ ಸ್ಪೆಷಲ್‌: ಟ್ರೇಲ್ಸ್‌ ಡೇ

ಸದಾ ಗಿಜುಗುಡುವ ಟ್ರಾಫಿಕ್‌ ಸದ್ದು ಹಾಗೂ ಸಮಸ್ಯೆಯಿಂದ ಹೊರಬಂದು ಪ್ರಕೃತಿ ಸೌಂದರ್ಯ ಸವಿಯಬೇಕೆಂದು ಕೆಲವರು ಬಯಸುತ್ತಾರೆ ಅಂಥವರಿಗೆ ಈ ಟ್ರೇಲ್‌ ಅಥವಾ ಕಾಲ್ನಡಿಗೆಯ ಪ್ರವಾಸ ಆಯ್ಕೆ ಮಾಡುತ್ತಾರೆ. ಏಕೆಂದರೆ ನಗರದಲ್ಲಿರುವ ವಾಯು ಮಾಲಿನ್ಯ, ಶಬ್ದ ಮಾಲಿನ್ಯದಂಥ ಸಮಸ್ಯೆಗಳು ಇಲ್ಲಿ ಇರುವುದಿಲ್ಲ. ಕಾಲು ದಾರಿಗಳಲ್ಲಿ ಸ್ನೇಹಿತರ ಜತೆಗೋ, ಸಂಗಾತಿ ಜತೆಗೋ ಅಥವಾ ಒಬ್ಬರೇ ಸಂತೋಷವಾಗಿ ನಡೆದುಕೊಂಡು ಹೋಗಿ ಪ್ರಕೃತಿ ಸೌಂದರ್ಯ ಸವಿದು, ಉತ್ತಮ ವಾತಾವರಣ ನೋಡಿ ಸಂತೋಷ ಪಡುತ್ತಾರೆ. ಹೈವೇ ಇನ್ನಿತರ ರಸ್ತೆಗಳಲ್ಲಿ ಸಿಗದ ಮಜಾ ಕಾಲುದಾರಿಯಲ್ಲಿ ಸಿಗುತ್ತೆ ಎನ್ನುತ್ತಾರೆ ಟ್ರೇಲ್ಸ್‌ ಪ್ರಿಯರು. ಈ ಕಾಲ್ನಡಿಗೆ ಪ್ರವಾಸವನ್ನು ಕೇವಲ ಮನರಂಜನೆಗೆ ಮಾತ್ರ ಕೆಲವರು ಕೈಗೊಳ್ಳುವುದಿಲ್ಲ. ವ್ಯಾಯಾಮಕ್ಕಾಗಿಯೂ ಊರಿಂದಾಚೆ ಹೋಗುವ ಮಂದಿ ಇದ್ದಾರೆ. ಏಕೆಂದರೆ ಇಲ್ಲಿ ಉತ್ತಮ ಗಾಳಿ ಬೆಳಕು, ನಿಶ್ಯಬ್ಧದ ಜತೆ ಮನಸ್ಸಿಗೆ ಮುದ ನೀಡುವ ಪ್ರಕೃತಿ ಮಡಿಲಲ್ಲಿ ಕೆಲ ಕಾಲ ಆರಾಮವಾಗಿರಬಹುದು ಎಂದು. ಈ ಕಾಲ್ನಿಡಿಗೆ ಪ್ರವಾಸದಿಂದ ದೇಹÜ ಹಾಗೂ ಮನಸ್ಸಿನ ಆರೋಗ್ಯದ ಮೇಲೆ ಉತ್ತಮ ರೀತಿ ಪರಿಣಾಮ ಬೀರುತ್ತದೆ ಎನ್ನುತ್ತಾರೆ ಕೆಲವರು. ಅಮೆರಿಕದಲ್ಲಿ ಲಕ್ಷಂತರ ಮಂದಿ ಈ ರೀತಿ ಪ್ರವಾಸ ಕೈಗೊಳ್ಳುತ್ತಾರೆ. ಹಾಗಾಗಿ ಪ್ರತಿವರ್ಷ ಅಮೆರಿಕ ಸೇರಿದಂತೆ ಕೆಲ ಭಾಗಗಳಲ್ಲಿ ಜೂನ್‌ ತಿಂಗಳ ಮೊದಲ ಶನಿವಾರವನ್ನು ಟ್ರೇಲ್ಸ್‌ ಡೇ ಆಚರಿಸಲಾಗುತ್ತದೆ.

ಈ ದಿನವನ್ನು ಅಮೆರಿಕದ ಅಮೆರಿಕಹೈಕಿಂಗ್‌. ಆರ್ಗ್‌ ಇಂಟರ್‌ನೆಟ್‌ ವೆಬ್‌ಸೈಟ್‌ ಆಯೋಜಿಸಿತ್ತು. ಕ್ರೀಡಾ ಉತ್ಸಾಹಿಗಳನ್ನು ಒಟ್ಟಿಗೆ ಸೇರಿಸುವ ಉದ್ದೇಶದಿಂದ ಹಾಗೂ ಈ ರೀತಿ ಕಾಲ್ನಿಡಿಗೆ ಪ್ರವಾಸ ಕೈಗೊಳ್ಳುವುದರಿಂದ ಉಂಟಾಗುವ ಪ್ರಯೋಜನದ ಬಗ್ಗೆ ಅರಿವು ಮೂಡಿಸುವ ಉದ್ದೇಶದಿಂದ ಈ ದಿನ ಆಯೋಜಿಸಲ್ಪಟ್ಟಿತು. ಈ ಪ್ರವಾಸ ಕೈಗೊಳ್ಳಲು ಕೆಲವರು ಸೈಕಲ್‌, ಕುದುರೆಗಳನ್ನು ಬಳಸುತ್ತಾರೆ. ಈ ದಿನದಂದು ಸಾವಿರಾರು ಜನರು ತಮ್ಮ ಕೆಲಸ ಕಾರ್ಯಗಳಲ್ಲಿ ಬಿಡುವ ಮಾಡಿಕೊಂಡು ಕಾಲ್ನಡಿಗೆ ಪ್ರವಾಸ ಕೈಗೊಂಡು ಟ್ರೇಲ್ಸ್‌ ಡೇ ಸೆಲೆಬ್ರೇಟ್‌ ಮಾಡುತ್ತಾರೆ.