ಬ್ಲಾಕ್‌ ಕಾಫಿ ಕುಡಿಯುವುದರಿಂದ ಕ್ಯಾನ್ಸರ್‌ ಬರಲ್ವಂತೆ!

ಸಾಮಾನ್ಯವಾಗಿ ಕಾಫಿ ಕುಡಿಯುವುದಕ್ಕೆ ಹಲವರ ವಿರೋಧವಿರುತ್ತದೆ. ಕಾಫಿ ಹೆಲ್ತ್‌ಗೆ ಅಷ್ಟೊಂದು ಹಿತವಲ್ಲ ಎನ್ನುವವರು ಅನೇಕರಿದ್ದಾರೆ.

ಆದರೆ ತಿಳಿದುಕೊಳ್ಳಲೇ ಬೇಕಾದ ಅಂಶ ಎಂದರೆ ಬ್ಲಾಕ್‌ ಕಾಫಿ ಬಗ್ಗೆ ! ಬ್ಲಾಕ್‌ ಕಾಫಿ ನಿಜವಾಗಿಯೂ ಆರೋಗ್ಯಕ್ಕೆ ಉತ್ತಮ ಹಾಟ್‌ ಡ್ರಿಂಕ್‌!

ನೆನಪಿನ ಶಕ್ತಿ ಹೆಚ್ಚಿಸುತ್ತೆ
ಬೆಳಗ್ಗೆ ಎದ್ದ ತಕ್ಷಣ ಬ್ಲಾಕ್‌ ಕಾಫಿ ಸೇವಿಸುವುದರಿಂದ ಮಿದುಳು ಚುರುಕಾಗುತ್ತದೆ. ನಿಮ್ಮ ನೆನಪಿನ ಶಕ್ತಿಯನ್ನು ವೃದ್ಧಿಸುತ್ತದೆ. ಮಿದುಳಿನ ನರಗಳನ್ನು ಕ್ರಿಯಾಶೀಲವಾಗಿರಿಸುವುದು ಮಾತ್ರವಲ್ಲದೆ, ಮರೆವಿನ ಕಾಯಿಲೆಗಳನ್ನು ನಿಮ್ಮ ಹತ್ತಿರಕ್ಕೂ ಸುಳಿಯಲು ಬಿಡದು. ಅಲ್ಕೈಮರ್ಸ್‌ಗೆ ತುತ್ತಾಗುವುದನ್ನು ಶೇ.65ರಷ್ಟು ಕಡಿಮೆ ಮಾಡಿದರೆ, ಪಾರ್ಕಿನ್ಸನ್‌ಗೆ ಒಳಗಾಗುವ ಸಾಧ್ಯತೆಯನ್ನು ಶೇ.60ರಷ್ಟು ತಡೆಯುತ್ತದೆ ಎನ್ನಲಾಗಿದೆ.

ವರ್ಕೌಟ್‌ ಪರ್ಫಾರ್ಮೆನ್ಸ್‌ಗೆ ಒಳ್ಳೆಯದು
ದೈಹಿಕ ಆರೋಗ್ಯವನ್ನು ಅತ್ಯುತ್ತಮವಾಗಿರುವಲ್ಲಿ ಬ್ಲಾಕ್‌ ಕಾಫಿ ಸಹಕಾರಿ. ದೇಹದ ಎಲ್ಲ ನರಗಳನ್ನು ಆಕ್ಟಿವ್‌ ಆಗಿಸುವುದರಿಂದ ನಿಮ್ಮ ವರ್ಕೌಟ್‌ ಸೆಸಷನ್‌ನಲ್ಲಿ ನಿಮ್ಮನ್ನು ಕ್ವಿಕ್‌ ಆಗಿರಿಸುತ್ತದೆ. ನಿಮ್ಮ ದೇಹದ ಅಡ್ರಿನಲಿನ್‌ ಅಂಶವನ್ನು ಹೆಚ್ಚಿಸುವುದರಿಂದ ದೈಹಿಕ ಚಟುವಟಿಕೆಗೆ ಸಹಕಾರಿಯಾಗುತ್ತದೆ.

ಲಿವರ್‌ಗೂ ಒಳ್ಳೆಯದು
ಮನುಷ್ಯನ ಅತ್ಯಂತ ಸೂಕ್ಷ್ಮ ಹಾಗೂ ಅತ್ಯಂತ ಅಗತ್ಯವಾದ ಅಂಗದಲ್ಲಿ ಪಿತ್ತಕೋಶ ಪ್ರಮುಖವಾದುದು. ಬ್ಲಾಕ್‌ ಕಾಫಿ ಸೇವನೆಯಿಂದ ಲಿವರ್‌ ಕ್ಯಾನ್ಸರ್‌, ಹೆಪಟೈಟಿಸ್‌, ಫ್ಯಾಟಿ ಲಿವರ್‌ ಇತ್ಯಾದಿ ಬಾಧಿಸುವುದು ಕ್ಷೀಣಿಸುತ್ತದೆ. ದಿನದಲ್ಲಿ ನಾಲ್ಕು ಕಪ್‌ ಬ್ಲಾಕ್‌ ಕಾಫಿ ಸೇವನೆಯಿಂದ ಶೇ.80 ರಷ್ಟು ಲಿವರ್‌ ಕಾಯಿಲೆಯನ್ನು ತಡೆಯಬಹುದು ಎನ್ನಲಾಗಿದೆ. ರಕ್ತದಲ್ಲಿ ಲಿವರ್‌ಗೆ ಹಾನಿಯಾಗುವ ಅಂಶಗಳನ್ನು ಕಾಫಿ ನಾಶಪಡಿಸುತ್ತದೆ.

ಹೊಟ್ಟೆ ಸರಿಪಡಿಸಲು ಸಹಾಯಕ
ಬ್ಲಾಕ್‌ ಕಾಫಿ ಕುಡಿಯುವುದರಿಂದ ಹೆಚ್ಚು ಮೂತ್ರ ಮಾಡಬೇಕಾಗುತ್ತದೆ. ಅದರಲ್ಲೂ ಬ್ಲಾಕ್‌ ಕಾಫಿಗೆ ಸಕ್ಕರೆ ಹಾಕದೇ ಸೇವಿಸಿದರೆ, ಹೊಟ್ಟೆಯಲ್ಲಿ ಜೀರ್ಣಕ್ರಿಯೆಗೆ ಅಡ್ಡಿಪಡಿಸುವ ಬ್ಯಾಕ್ಟೀರಿಯಾ ಹಾಗೂ ರೋಗಾಣುಗಳನ್ನು ನಾಶಪಡಿಸುತ್ತದೆ.

ತೂಕ ಇಳಿಸಲೂ ಉತ್ತಮ
ಜಿಮ್‌ನಲ್ಲಿ ವರ್ಕೌಟ್‌ ಮಾಡುವ, ಅಥವಾ ತೂಕ ಇಳಿಸುವ ಡಯಟ್‌ ಪ್ಲಾನ್‌ ಚಟುವಟಿಕೆಯ ಅರ್ಧಗಂಟೆ ಮುನ್ನ ಒಂದು ಕಪ್‌ ಬ್ಲಾಕ್‌ ಕಾಫಿ ಅತ್ಯುತ್ತಮ. ನಿಮ್ಮ ಜೀರ್ಣಕ್ರಿಯೆಯನ್ನು ಶೇ.50ರಷ್ಟು ಹೆಚ್ಚಿಸುವುದರಿಂದ ಬೇಡವಾದ ಕೊಬ್ಬನ್ನೂ ಕರಗಿಸುತ್ತದೆ.

ಹೃದಯದ ರಕ್ತನಾಳಗಳಿಗೂ ಇದೆ ಪ್ರಯೋಜನ
ಸಾಮಾನ್ಯವಾಗಿ ಒಂದು ಬಾರಿಗೆ ಬ್ಲಾಕ್‌ ಕಾಫಿ ತೆಗೆದುಕೊಳ್ಳುವುದರಿಂದ ರಕ್ತದೊತ್ತಡ ಕೊಂಚ ಅಧಿಕವಾಗುವುದಿದೆ. ಆದರೆ ದಿನ ನಿತ್ಯ 2 ಕಪ್‌ ಸೇವಿಸುವುದು ಹೃದ್ರೋಗದಿಂದ ದೂರವಿರಲು ಸಹಾಯವಾಗುತ್ತದೆ. ರಕ್ತದ ಹರಿವು ಹೆಚ್ಚಿಸಲು ಬ್ಲಾಕ್‌ ಕಾಫಿ ಸಹಕಾರಿಯಾಗಿದೆ.
ವಿಟಮಿನ್‌ಗಳಾದ ಬಿ2, b3, b5, ಮ್ಯಾಂಗನೀಸ್‌, ಪೊಟ್ಯಾಷಿಯಂ ಹಾಗೂ ಮೆಗ್ನಿಷಿಯಂ ಅಂಶಗಳನ್ನು ಬ್ಲಾಕ್‌ ಕಾಫಿ ನಿಮ್ಮ ದೇಹಕ್ಕೆ ಲಭ್ಯವಾಗುತ್ತದೆ.

ಮಧುಮೇಹ ಬರಲ್ಲ
ವಯಸ್ಸಾದಂತೆಯೇ ಬಾಧಿಸುವ ಮಧುಮೇಹದಿಂದ ನಿಮ್ಮನ್ನು ಕಾಪಾಡಲು ಬ್ಲಾಕ್‌ ಕಾಫಿ ಅತ್ಯುತ್ತಮ ಮದ್ದು ಎನ್ನಬಹುದು. ಅಂಗಾಂಗ ವೈಫಲ್ಯ, ಹೃದ್ರೋಗಗಳಿಂದ ದೂರವಿರಬಹುದು. ಇನ್ಸುಲಿನ್‌ ಉತ್ಪಾದನೆಯನ್ನು ಹೆಚ್ಚಿಸುವ ಮೂಲಕ ಡಯಾಬಿಟಿಸ್‌ನಿಂದ ನಿಮ್ಮನ್ನು ದೂರವಿಡಲು ಬ್ಲಾಕ್‌ ಕಾಫಿ ಬೆಸ್ಟ್‌.

ಕ್ಯಾನ್ಸರ್‌ನಿಂದಲೂ ದೂರವಿರಬಹುದು
ಪ್ರಸ್ತುತ ದೇಶದಲ್ಲಿ ಕ್ಯಾನ್ಸರ್‌ ಅಧಿಕವಾಗಿ ಬಾಧಿಸುತ್ತಿರುವ ರೋಗಗಳಲ್ಲಿ ಒಂದು. ಸ್ತನ ಕ್ಯಾನ್ಸರ್, ಲಿವರ್‌, ದೊಡ್ಡ ಕರುಳು ಹಾಗೂ ಗುದನಾಳದ ಕ್ಯಾನ್ಸರ್‌ನಿಂದ ದೂರವಿರಲು ಬ್ಲಾಕ್‌ ಕಾಫಿ ಸಹಕಾರಿ. ದೇಹದಲ್ಲಿ ಬೆಳೆಯುವ ಗಡ್ಡೆಗಳನ್ನು ನಿಯಂತ್ರಿಸಲು ಸಹಕಾರಿಯಾಗುತ್ತದೆ.