ಸಮ್ಮರ್‌ನಲ್ಲಿ ದೇಹವನ್ನು ತಂಪಿರಿಸಲು ಮೊಸರು ಬೆಸ್ಟ್‌!

ಬೇಸಗೆಯ ಬಿಸಿಗೆ ದೇಹವನ್ನು ತಂಪಿಡಲು ಹಲವಾರು ಸರ್ಕಸ್‌ ಮಾಡಬೇಕಾಗುತ್ತದೆ. ಎಳನೀರು, ರಾಗಿ ಸೇರಿದಂತೆ ಇನ್ನಿತರ ಆಹಾರಗಳನ್ನು ಸೇವಿಸುವ ಮೂಲಕ ದೇಹವನ್ನು ತಂಪಾಗಿ ಇರಿಸಬೇಕು. ಇವುಗಳೆಲ್ಲದರ ಜತೆಗೆ ಊಟದಲ್ಲಿ ಮೊಸರು ಬಳಸುವುದು ಹೆಚ್ಚು ಸೂಕ್ತ.
ಜೀರ್ಣಕ್ರಿಯೆಯಲ್ಲಿ ಮೊಸರಿನ ಬಳಕೆಯಿಂದ ದೇಹಕ್ಕೆ ಸಾಕಷ್ಟು ಉಪಯೋಗವಿದೆ. ಅಂದರೆ ಮುಖದ ಅಂದ ಹೆಚ್ಚಿಸಲು, ಕೂದಲಿನ ಆರೋಗ್ಯಕ್ಕೆ ಇತ್ಯಾದಿ ಅನೇಕ ಉಪಯೋಗಗಳಿವೆ!

ಮುಖದ ಅಂದಕ್ಕೆ ಬೆಸ್ಟ್‌ ಅಂತೆ!
ಚರ್ಮದ ಅನೇಕ ರೀತಿಯ ಸಮಸ್ಯೆಗಳಿಗೆ ಮೊಸರನ್ನು ಬಳಕೆ ಮಾಡುವ ಪದ್ದತಿಗಳಿವೆ. ಅಂತೆಯೇ ಮುಖವನ್ನು ಕಾಂತಿಯುಕ್ತವನ್ನಾಗಿಸಲೂ ಮೊಸರು ಸಹಕಾರಿಯೇ! ವಿಟಮಿನ್‌ ಡಿ, ಕ್ಯಾಲ್ಸಿಯಂ ಅಂಶಗಳಿರುವ ಮೊಸರು, ಒಣ ಚರ್ಮವನ್ನು ರಿ ಕಂಡಿಷನ್‌ ಮಾಡಲು ಸಹಕಾರಿಯಾಗಿದೆ. ಕಾಲು ಚಮಚದಷ್ಟು ಮುಲ್ತಾನಿ ಮಣ್ಣು, ಕಾಲು ಚಮಚ ಜೇನು ಹಾಗೂ ಒಂದು ಚಮಚದಷ್ಟು ಯುಗರ್ಟ್‌(ಗಟ್ಟಿ ಮೊಸರು) ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. ಮುಖದಲ್ಲೇ ಅದು ಒಣಗಲು ಬಿಡಿ. ಸ್ವಲ್ಪ ಸಮಯದ ಬಳಿಕ ಶುದ್ಧ ನೀರಿನಲ್ಲಿ ಮುಖ ತೊಳೆದು ಬಿಡಿ!

ಅತ್ಯುತ್ತಮ ಹೇರ್‌ ಕಂಡಿಷನರ್!
ಮೊಸರಿನಲ್ಲಿ ವಿಟಮಿನ್‌ ಬಿ5 ಹಾಗೂ ಡಿ ಕೂದಲಿನ ಆರೋಗ್ಯಕ್ಕೆ ಅತ್ಯುತ್ತಮ. ಮೊಸರನ್ನು ಕೂದಲಿಗೆ ಉಜ್ಜಿಕೊಂಡು, ಕೆಲ ಸಮಯದ ಬಳಿಕ ತೊಳೆದುಕೊಳ್ಳಬೇಕು. ಸ್ವಲ್ಪ ಮಸಾಜ್‌ ಮಾಡುವುದು ಒಳ್ಳೆಯದು! ಕೂದಲು ಸಾಫ್ಟ್‌ ಆಗುವುದಕ್ಕೆ ಇದು ಸಹಕಾರಿ!
ಹಿತ್ತಾಳೆ ಪಾತ್ರೆ ಕ್ಲೀನ್‌ ಮಾಡಲು ಉಪಯೋಗಕಾರಿ

ಹಿತ್ತಾಳೆ ಪಾತ್ರೆಗಳು ಮನೆಯಲ್ಲಿದ್ದರೆ, ಅವುಗಳನ್ನು ಸ್ವಚ್ಛಗೊಳಿಸಲು ಮೊಸರೇ ಬೆಸ್ಟ್‌. ಹಿತ್ತಾಳೆ ಪಾತ್ರೆಗಳಿಗೆ ಮೊಸರು ಹಾಕಿ ರಬ್‌ ಮಾಡಿ, ಹತ್ತು ನಿಮಿಷ ಬಿಟ್ಟುಬಿಡಿ. ಮೊಸರಿನಲ್ಲಿರುವ ಆಸಿಡ್‌ನ ಅಂಶದಿಂದ ಹಿತ್ತಾಳೆಯನ್ನು ಹೊಳೆಯುವಂತೆ ಮಾಡುತ್ತದೆ.

ನಾಯಿಗಳ ರೋಮಕ್ಕೂ ಒಳ್ಳೆಯದಂತೆ!
ನಿಮ್ಮ ಅಚ್ಚ ಮೆಚ್ಚಿನ ಸಾಕು ಪ್ರಾಣಿಗಳನ್ನು ಸುಂದರವಾಗಿ ಕಾಣುವಂತೆ ಮಾಡಲು ಮೊಸರು ಅತ್ಯುತ್ತಮ ಮದ್ದು! ಮೊಸರನ್ನು ನಾಯಿಯ ರೋಮಕ್ಕೆ ಹಾಕಿ, ಚೆನ್ನಾಗಿ ಮಸಾಜ್‌ ಮಾಡಿ. ಕೆಲ ನಿಮಿಷ ಹಾಗೆಯೇ ಬಿಟ್ಟು ಬಿಡಿ. ಆ ಬಳಿಕ ನೀರು ಹಾಕಿ ಚೆನ್ನಾಗಿ ತೊಳೆದು ಬಿಡಿ. ಇದರಿಂದ ನಾಯಿಗಳ ಕೂದಲುಗಳು ಚೆನ್ನಾಗಿರುತ್ತದೆ.