ಒಳಾಂಗಣವನ್ನು ತಂಪಾಗಿರಿಸಲು ಫ್ಲೋಟಿಂಗ್‌ ಫ್ಲವರ್ಸ್‌

ಫ್ಯಾನ್‌ನಿಂದ ಬೀಸುತ್ತಿರುವ ಬಿಸಿ ಗಾಳಿಗೆ ಕಣ್ಣು-ಮೂಗು ಉರಿಯುವಂತಾಗುವುದು ಸಹಜ. ಇದು ಹೆಚ್ಚಾದಲ್ಲಿ ಉಷ್ಣ ನೆಗಡಿ ಕಂಡು ಬರುವುದು ಸಾಮಾನ್ಯ. ಇಂತಹ ಸಂದರ್ಭದಲ್ಲಿ ಏನು ಮಾಡಬಹುದು ಎಂಬುದಕ್ಕೆ ಎಕ್ಸ್‌ಪರ್ಟ್ಸ್ ಟಿಫ್ಸ್‌ ತಿಳಿಸಿದ್ದಾರೆ. ನೀವೂ ಟ್ರೈ ಮಾಡಿ ನೋಡಿ. ಮನೆಯೊಳಗಿನ ವಾತಾವರಣ ತಂಪಾಗಿರಿಸಲು, ಅಲಂಕಾರಿಕವಾಗಿ ಕಾಣುವ ಫ್ಲೋಟಿಂಗ್‌ ಫ್ಲವರ್ಸ್‌ ಪಾಟ್‌ಗಳನ್ನಿರಿಸಿ.

ಮನೆಯಲ್ಲಿರುವ ಯಾವುದೇ ಟಬ್‌ನಲ್ಲಿ ಮುಕ್ಕಾಲು ಭಾಗ ನೀರು ಹಾಕಿ, ಅದರಲ್ಲಿ ನಾಲ್ಕೈದು ಹೂಗಳನ್ನು ಹಾಕಿಡಿ. ಇದು ನೊಡಲು ಅಲಂಕಾರಿಕವಾಗಿ ಕಾಣುವುದು ಮಾತ್ರವಲ್ಲ, ಫ್ಯಾನ್‌ ಗಾಳಿಯಿಂದುಂಟಾಗುವ ಉಷ್ಣಾಂಶವನ್ನು ಆದಷ್ಟೂ ತಡೆದು, ಕೋಣೆಯನ್ನು ತಂಪಾಗಿರಿಸುತ್ತದೆ.

ಹೀಗೆ ಮಾಡಿ

ಒಳಾಂಗಣ ಸೌಂದರ್ಯವನ್ನು ಫ್ಲೋಟಿಂಗ್‌ ಪ್ಲವರ್ಸ್‌ ಹೆಚ್ಚಿಸುತ್ತದೆ. ಇದಕ್ಕೆ ಇಲ್ಲಿದೆ ಒಂದಿಷ್ಟು ಟಿಫ್ಸ್‌.

ಹೂವುಗಳನ್ನು ಆಯ್ಕೆ ಮಾಡಿಕೊಳ್ಳುವಾಗ, ಆದಷ್ಟೂ ಹೆಚ್ಚು ಹೊತ್ತು ಬಾಳಿಕೆ ಬರುವಂತದ್ದನ್ನು ಆರಿಸಿಕೊಳ್ಳಿ. ಸೊಳ್ಳೆ-ನೊಣಗಳು ಇರುವ ಕಡೆಯಲ್ಲಿ ಇರಿಸಬೇಡಿ.

ಆಗಾಗ್ಗೆ ನೀರಿನೊಳಗೆ ಕೈ ಹಾಕಕೂಡದು. ಗುಲಾಬಿ ಎಸಳುಗಳಾದಲ್ಲಿ 2 ದಿನಕ್ಕೊಮ್ಮೆ ಬದಲಿಸಬೇಕಾಗಬಹುದು.

ಆಯಾ ಹೂವುಗಳ ಆಧಾರದ ಮೇಲೆ ಜೋಡಣೆ ನಿರ್ಧರಿಸಿ.

ನೀರು ವಾಸನೆ ಬರುವುದಕ್ಕಿಂತ ಮುಂಚೆಯೇ ಬದಲಿಸಿ. ಕೃತಕ ಹೂವುಗಳಾದಲ್ಲಿ ವಾರಕ್ಕೆರಡು ಬಾರಿಯಾದರೂ ಸಾಬೂನಿನ ನೀರಿನಲ್ಲಿ ತೊಳೆಯಿರಿ.