-ಮನೆಯಲ್ಲಿ ಸಾಕುವ ಪ್ರಾಣಿಗಳು ಆರೋಗ್ಯವಾಗಿ ಜೀವಿಸಬೇಕೆಂದರೆ ಅವುಗಳಿಗೆ ಮೂಲ ಸೌಕರ್ಯ ನೀಡಬೇಕು.
-ಅವುಗಳಿಗಾಗಿಯೇ ಪ್ರತ್ಯೇಕವಾದ ಗೂಡು ನಿರ್ಮಿಸಬೇಕು. ಯಾಕೆಂದರೆ ಅವು ದಣಿವಾದಾಗ ವಿಶ್ರಾಂತಿ ಪಡೆಯಲು, ನಿದ್ದೆ ಬಂದಾಗ ನಿದ್ದೆ ಮಾಡಲು ಅನುಕೂಲವಾಗುತ್ತದೆ.
-ಸಮಯಕ್ಕೆ ಸರಿಯಾಗಿ ಆಹಾರ, ನೀರು ಕೊಡಬೇಕು. ಆಗ ಮಾತ್ರ ಅವುಗಳು ಚಟುವಟಿಕೆಯಿಂದ ಇರಲು ಸಾಧ್ಯ.
-ಗೂಡು ಎಲ್ಲ ಕಾಲಕ್ಕೂ ಹೊಂದಿಕೊಳ್ಳುವಂತೆ ಇರಬೇಕು, ಬಿಸಿಲಿಗೆ ಒಣಗದಂತೆ, ಗಾಳಿಗೆ ಹಾರಿ ಹೋಗದಂತೆ, ಮಳೆಗೆ ನೆನೆಯದಂತೆ ನಿರ್ಮಿಸಬೇಕು.
- ಆಟವಾಡಲು ಕೆಲವೊಂದು ಆಟಿಕೆಗಳನ್ನು ನೀಡಿದರೆ ಅವುಗಳು ಖುಷಿಯಿಂದ ಆಟವಾಡುತ್ತಿರುತ್ತವೆ.
-ಮನೆಯ ಸದಸ್ಯರು ಬಿಡುವಿದ್ದಾಗ ಸಾಕು ಪ್ರಾಣಿಗಳ ಜತೆ ಆಟವಾಡುತ್ತಾ ಸಮಯ ಕಳೆಯಬಹುದು. ಈ ರೀತಿ ಮಾಡಿದರೆ ಅವುಗಳು ಮನೆಯ ಸದಸ್ಯರೊಂದಿಗೆ ಬೇಗನೆ ಹೊಂದಿಕೊಳ್ಳುತ್ತವೆ. ದಿನದಲ್ಲಿ ಅರ್ಧ ಗಂಟೆಯಾದರೂ ಅವುಗಳೊಂದಿಗೆ ಸಮಯ ಕಳೆಯಬೇಕು.
-ಸಂಜೆ ಮತ್ತು ಬೆಳಗ್ಗೆ ಸಮಯ ಒಂದು ಗಂಟೆಯಾದರೂ ಮನೆಯಿಂದ ಹೊರಗೆ ಓಡಾಡಲು ಬಿಡಬೇಕು. ಅವುಗಳು ಮನೆಯೊಳಗೆ ಸದಾ ಕಾಲ ಇರುವ ಬದಲು ಹೊರಗೆ ಓಡಾಡಿಕೊಂಡು ಇರಲು ಇಷ್ಟಪಡುತ್ತವೆ.