ನೀರಿನ ಟ್ಯಾಪ್‌ ಸ್ವಚ್ಛತೆಗೆ ಟಿಪ್ಸ್

ಪ್ರತಿನಿತ್ಯ ಹಲವಾರು ಬಾರಿ ನೀರಿನ ಟ್ಯಾಪ್‌ ಬಳಸುತ್ತೇವೆ. ಪದೇ ಪದೇ ಟ್ಯಾಪ್‌ ಬಳಸುವುದರಿಂದ ಸುತ್ತಮುತ್ತಲೂ ಗಲೀಜಾಗುವ ಸಂಭವವೇ ಹೆಚ್ಚು. ಆಗಾಗ್ಗೆ ಸೂಕ್ತವಾದ ಕ್ರಮಗಳನ್ನು ಅನುಸರಿಸಿದಲ್ಲಿ ನೀರಿನ ನಲ್ಲಿಯನ್ನು ಶುಚಿಯಾಗಿ ಹೊಳಪಾಗಿ ಇರಿಸಬಹುದು.

* ಸ್ವಚ್ಛತೆಗೆ ನಿಂಬೆರಸ ಬಳಸಿ

ಯಾವಾಗಲೂ ನೀರು ಬಳಸುವುದರಿಂದ ಅಲ್ಲಲ್ಲಿ ಕಲೆಯಾಗುವುದು ಸಾಮಾನ್ಯ ಸಂಗತಿ. ಆದರೂ ಅದನ್ನು ನೋಡಿದಾಗ ಅಸಹ್ಯವಾಗುತ್ತದೆ. ಆದ್ದರಿಂದ ವಾರಕ್ಕೊಮ್ಮೆ ನಿಂಬೆರಸವನ್ನು ಸುತ್ತಲು ಟ್ಯಾಪ್‌ ಸುತ್ತಾ ಸ್ಪ್ರೇ ಮಾಡಿ. 5 ನಿಮಿಷ ನೆನೆಯಲು ಬಿಡಿ. ನಂತರ ಬ್ರಷ್‌ನಿಂದ ಚೆನ್ನಾಗಿ ಉಜ್ಜಿ ತೊಳೆದರೆ ಎಲ್ಲ ಕಲೆಗಳು ಮಾಯಾವಾಗುತ್ತದೆ.

* ಸ್ಪಾಟ್‌ ಕ್ಲೀನಿಂಗ್‌ ಮಾಡಿ

ಟ್ಯಾಪನ್ನು ಉಪಯೋಗಿಸಿದ ನಂತರ ಒಂದು ಕಾಟನ್‌ ಕ್ಲಾಥ್‌ ತೆಗೆದುಕೊಂಡು ನೀರು ನಿಲ್ಲದಂತೆ ನೋಡಿಕೊಂಡು ತಕ್ಷಣ ಒರೆಸಿ. ಇದರಿಂದ ಕಲೆ ಆಗುವ ಸಾಧ್ಯತೆಯೂ ಕಡಿಮೆ. ಬಳಸಿದಾಗಲೆಲ್ಲಾ ಮನೆಯವರು ಹೀಗೆ ಮಾಡುವುದನ್ನು ಅಭ್ಯಾಸ ಮಾಡಿಕೊಂಡರೆ ಹೊಸದಾಗಿ ಕಾಣುತ್ತದೆ. ಶೈನಿಂಗ್‌ ಹಾಗೆಯೇ ಉಳಿದಿರುತ್ತದೆ. ಜಾಸ್ತಿ ಸಮಯ ಬಿಟ್ಟರೆ ಕೊಳಕಾಗಿ ಕಾಣುತ್ತದೆ.

*ವಿನೇಗರ್‌ ಬೆಸ್ಟ್‌

ನೀರಿನ ಟ್ಯಾಪ್‌ನ ಮೂಲೆ ಸುತ್ತ ಮತ್ತ ಕಂಪ್ಲೀಟಾಗಿ ಶುಚಿಗೊಳಿಸಲು ವಿನೇಗರ್‌ ಬೆಸ್ಟ್‌. ವಿನೆಗರ್‌ ಹನಿಯನ್ನು ಟ್ಯಾಪಿನ ಸುತ್ತ ಹಾಕಿ. ಉಪಯೋಗಿಸಿ ಬಿಟ್ಟ ಟೂಟ್‌ಬ್ರಷ್‌ನಿಂದ ಮೂಲೆ ಮೂಲೆ ಬಿಡದಂತೆ ಉಜ್ಜಿದರೆ ಮತ್ತಷ್ಟು ಶುಚಿಗೊಳ್ಳುತ್ತದೆ. ಎಲ್ಲ ಬ್ರಷ್‌ಗಳಿಗಿಂತ ಟೂತ್‌ಬ್ರಷ್‌ ಬಳಸಿದರೆ ಬೆಸ್ಟ್‌. ಸೋಪಿನ ಪೌಡರ್‌ ಉಪಯೋಗಿಸಿಯೂ ಶುಚಿಗೊಳಿಸಬಹುದು.

ಹೀಗೆ ಅಡುಗೆಮನೆ ಮತ್ತು ಸ್ನಾನಗೃಹದಲ್ಲಿರುವ ನೀರಿನ ಟ್ಯಾಪ್‌ ಆಗಾಗ ಶುಚಿಗೊಳಿಸುತ್ತಿದ್ದರೆ ಹೊಳಪಾಗಿರುವುದು.