ಅಂತಾರಾಷ್ಟ್ರೀಯ ಬಿಕಿನಿ ಡೇ
ಇತರ ಉಡುಪುಗಳಂತೆ ಆಧುನಿಕ ಬಿಕಿನಿಗೂ 71 ವರ್ಷಗಳ ಇತಿಹಾಸವಿದೆ. 1946 ಜುಲೈ 5ರಂದು ಫ್ರೆಂಚ್‌ ಫ್ಯಾಷನ್‌ ಡಿಸೈನರ್‌ ಮತ್ತು ಆಟೊಮೊಬೈಲ್‌ ಎಂಜಿನಿಯರ್‌ ಲೂಯಿಸ್‌ ರಿಯಾರ್ಡ್‌ ಎಂಬವರು ಮೊದಲ ಬಾರಿಗೆ ಆಧುನಿಕ ಬಿಕಿನಿಯನ್ನು ಪರಿಚಯಿಸಿದರು.
ತಾವು ಮೊದಲ ಬಾರಿ ವಿನ್ಯಾಸಗೊಳಿಸಿದ ಟುಪೀಸನ್ನು ಫ್ಯಾಷನ್‌ ಶೋನಲ್ಲಿ ಪ್ರದರ್ಶಿಸುವ ಇಚ್ಛೆ ಅವರದಾಗಿತ್ತು. ಹೊಕ್ಕಳು ಕಾಣುವಂತಿದ್ದ ಈ ಉಡುಪನ್ನು ಧರಿಸಲು ರಾರ‍ಯಂಪ್‌ ಮಾಡೆಲ್‌ಗಳು ಹಿಂದೇಟು ಹಾಕಿದರು. ಇದನ್ನೇ ಚಾಲೆಂಜ್‌ ಆಗಿ ಸ್ವೀಕರಿಸಿದ ಲೂಯಿಸ್‌ ಅದನ್ನು ನ್ಯೂಡ್‌ ಡಾನ್ಸರ್‌ವೊಬ್ಬರಿಗೆ ತೊಡಿಸಿ ಪ್ರದರ್ಶಿಸಿದರು. ಅವರು ತಮ್ಮ ವಿನ್ಯಾಸಕ್ಕೆ ಬಿಕಿನಿ ಎಂದು ಹೆಸರಿಟ್ಟರು. ಯಾಕೆಂದರೆ ಮಾರ್ಷಲ್‌ ಐಲ್ಯಾಂಡ್‌ನಲ್ಲಿ ಬಿಕಿನಿ ಅಟೊಲ್‌ ಎಂಬ ತಾಣವಿದೆ. ಇದು ಮೊದಲ ಪರಮಾಣು ಪರೀಕ್ಷೆಗೆ ಹೆಸರಾದ ತಾಣ.
ತಮ್ಮ ವಿನ್ಯಾಸವೂ ಭವಿಷ್ಯದಲ್ಲಿ ನ್ಯೂಕ್ಲಿಯರ್‌ ಬಾಂಬ್‌ನಂತೆ ಜನರಿಗೆ ಶಾಕ್‌ ನೀಡಲಿದೆ ಎಂಬ ಕಾರಣಕ್ಕೆ ಅವರು ಬಿಕಿನಿ ಹೆಸರನ್ನು ಆಯ್ದುಕೊಂಡರು. ಅಂದಿನಿಂದ ಬಿಕಿನಿ ಬಗ್ಗೆ ಸಾಕಷ್ಟು ವಾದ-ವಿವಾದಗಳು ಆರಂಭಗೊಂಡವು. ಈ ವಿವಾದಗಳ ಮಧ್ಯೆಯೂ ಬಿಕಿನಿ ಜನಪ್ರಿಯ ಬೀಚ್‌ವೇರ್‌ ಆಗಿ ಜನಪ್ರಿಯವಾಗಿದೆ. ಜಗತ್ತಿಗೆ ಮೊದಲ ಬಾರಿಗೆ ಬಿಕಿನಿ ಪರಿಚಯವಾದ ಜುಲೈ 5ನ್ನು ಈಗ ಬಿಕಿನಿ ಡೇಯಾಗಿ ಆಚರಿಸಲಾಗುತ್ತದೆ. ಬಿಕಿನಿ ದಿ ಪವರ್‌ ಆಫ್‌ ವುಮನ್‌ ಆ್ಯಂಡ್‌ ನಾಟ್‌ ದಿ ಪವರ್‌ ಆಫ್‌ ಫ್ಯಾಷನ್‌ ಎಂಬ ಫ್ರೆಂಚ್‌ ಫ್ಯಾಷನ್‌ ತಜ್ಞರೊಬ್ಬರ ನುಡಿಯೇ ಬಿಕಿನಿಯ ಸಾಮರ್ಥ್ಯವನ್ನು ಹೇಳುತ್ತದೆ.