ಕಿಚನ್‌ ಕೇರ್‌: ಅಡುಗೆ ಮನೆಯ ಮರದ ಕ್ಯಾಬಿನೆಟ್‌ ಸ್ವಚ್ಛತೆ ಹೀಗಿರಲಿ

-ಅಡುಗೆಮನೆಯಲ್ಲಿ ದಿನಸಿ ಸಾಮಾನು ಡಬ್ಬಗಳನ್ನು, ಪಾತ್ರೆಗಳನ್ನು ಇಡುವ ಕಿಚನ್‌ ಕ್ಯಾಬಿನೆಟ್‌ಗಳು ಜಿಡ್ಡು ಮತ್ತು ಧೂಳಿನಿಂದ ಕೂಡಿರುತ್ತದೆ. ಇದರಿಂದ ಅದರ ಹೊಳಪು ಮಾಸಿ ಹೋಗುತ್ತದೆ. ಕ್ಯಾಬಿನೆಟ್‌ಗಳನ್ನು ಕೆಲ ಸುಲಭ ವಿಧಾನದಿಂದ ಸ್ವಚ್ಛಗೊಳಿಸಿದರೆ ಮರು ಹೊಳಪನ್ನು ನೀಡಬಹುದು.

-ಒಂದು ದೊಡ್ಡ ಬಕೆಟ್‌ ನೀರಿಗೆ ವಿನೆಗರ್‌ ಹಾಕಿ. ನಂತರ ಬಟ್ಟೆಯನ್ನು ಅದರಲ್ಲಿ ಅದ್ದಿ ಕ್ಯಾಬಿನೆಟ್‌ಗಳನ್ನು ಒರೆಸಿದರೆ ಕ್ಯಾಬಿನೆಟ್‌ಗಳು ಧೂಳು , ಕೊಳೆಯಿಂದ ಮುಕ್ತವಾಗುತ್ತದೆ.

-ಕ್ಯಾಬಿನೆಟ್‌ಗಳ ಹೊಳಪು ಹೆಚ್ಚಿಸಲು ಪೇಪರ್‌ ಟವಲ್‌ಗೆ ಆಲಿವ್‌ ಎಣ್ಣೆ ಹಾಕಿ ಕ್ಯಾಬಿನೆಟ್‌ಗಳ ಮೇಲೆ ಚೆನ್ನಾಗಿ ಸವರಿದರೆ ಕ್ಯಾಬಿನೆಟ್‌ಗಳು ಹೊಳೆಯುತ್ತದೆ.

-ಅದೇ ರೀತಿ ಒಂದು ಬಟ್ಟಲಿಗೆ ಎಣ್ಣೆಹಾಕಿ (ಯಾವುದಾದರೂ ಪರವಾಗಿಲ್ಲ) ಪಾತ್ರೆ ತೊಳೆಯುವ ಸ್ಕ್ರಬ್‌ ಅನ್ನು ಅದರಲ್ಲಿ ಅದ್ದಿ ಕ್ಯಾಬಿನೆಟ್‌ಗಳನ್ನು ಉಜ್ಜಿ. ಸಣ್ಣ ಜಾಗ ಇರುವ ಜಾಗವನ್ನು ಉಜ್ಜಲು ಟೂತ್‌ ಬ್ರಷ್‌ ಬಳಸಬಹುದು. ನಂತರ ಒಂದು ಬಟ್ಟಲಿಗೆ ಡಿಶ್‌ವಾಶ್‌ ಜೆಲ್‌ ಅಥವಾ ವಿನಿಗರ್‌ ಹಾಕಿ ಅದಕ್ಕೆ ಬೇಕಿಂಗ್‌ ಸೋಡಾ ಬೆರೆಸಿ ನಂತರ ಸ್ಕ್ರಬ್‌ನಿಂದ ಎಣ್ಣೆ ಸವರಿದ ಜಾಗವನ್ನೆಲ್ಲಾ ಚೆನ್ನಾಗಿ ಉಜ್ಜಿ. ನಂತರ ಒದ್ದೆ ಬಟ್ಟೆಯಿಂದ ಒರೆಸಿದರೆ ಕ್ಯಾಬಿನೆಟ್‌ಗಳು ಸ್ವಚ್ಛವಾಗಿ ಹೊಳಪಿನಿಂದ ಕಾಣುತ್ತದೆ.