ಕಿಚನ್‌ ಕೇರ್‌: ಸಕ್ಕರೆಯಲ್ಲಿಯೂ ಇದೆ ಸ್ವಚ್ಛತೆ ಅಂಶ

-ಸಕ್ಕರೆ ಇಲ್ಲದೆ ಕಾಫಿ, ಟೀ ಜ್ಯೂಸ್‌ ಮುಂತಾದ ಸಿಹಿ ಪಾನೀಯಗಳು ರುಚಿ ಎನಿಸುವುದಿಲ್ಲ. ಇದಿಲ್ಲದೆ ಕೆಲ ಸಿಹಿ ಪದಾರ್ಥಗಳನ್ನು ತಯಾರಿಸುಲು ಸಾಧ್ಯವೇ ಇಲ್ಲ. ಪ್ರತಿಯೊಬ್ಬರ ಮನೆಯಲ್ಲೂ ಸಕ್ಕರೆ ತನ್ನದೇ ಸ್ಥಾನ ಉಳಿಸಿಕೊಂಡಿದೆ. ಇಂಥ ಸಕ್ಕರೆಯನ್ನು ಕೇವಲ ಸಿಹಿ ತಯಾರಿಸಲು ಮಾತ್ರವಲ್ಲ ಅಡುಗೆ ಮನೆಯ ಸ್ವಚ್ಛತೆಗೂ ಬಳಸಬಹುದು.

-ಮೂರು ಚಮಚ ಸಕ್ಕರೆ ಮತ್ತು ಒಂದು ಚಮಚ ಅಡುಗೆ ಸೇಡಾಗೆ ಸ್ವಲ್ಪ ನೀರು ಸೇರಿಸಿ ಮಿಶ್ರಣ ಮಾಡಿ ದಪ್ಪನೆ ದ್ರಾವಣ ತಯಾರಿಸಿ. ಈ ದ್ರಾವಣದಿಂದ ಪಾತ್ರೆಗಳನ್ನು ತೊಳೆದರೆ ಪಾತ್ರೆಗಳು ಸುಲಭವಾಗಿ ಸ್ವಚ್ಛವಾಗುತ್ತವೆ ಮತ್ತು ಪಾತ್ರೆಗಳು ಫಳಫಳ ಹೊಳೆಯುತ್ತವೆ.

-ಒಂದು ಚಮಚ ರೋಸ್‌ ವಾಟರ್‌ಗೆ ಮೂರು ಚಮಚ ಸಕ್ಕರೆ ಸೇರಿಸಿ ದ್ರಾವಣ ತಯಾರಿಸಿ. ಈ ದ್ರಾವಣದಿಂದ ಕಪ್ಪು ಹಿಡಿದ ಬೆಳ್ಳಿ ಪಾತ್ರೆಗಳನ್ನು ಸುಲಭವಾಗಿ ಸ್ವಚ್ಛಗೊಳಿಸಬಹುದು ಹಾಗೂ ಇದರಿಂದ ಬೆಳ್ಳಿ ಪಾತ್ರೆಗಳು ಹೊಳಪು ಪಡೆದುಕೊಳ್ಳುತ್ತವೆ.

-ತುಕ್ಕು ಹಿಡಿದ ಪಾತ್ರೆಗಳಲ್ಲಿನ ತುಕ್ಕನ್ನು ತೆಗೆಯಲು ಒಂದು ನಿಂಬೆ ಹಣ್ಣಿನ ರಸಕ್ಕೆ ಒಂದು ಚಮಚ ಸಕ್ಕರೆ ಸೇರಿಸಿ ದ್ರಾವಣ ತಯಾರಿಸಿ. ಈ ದ್ರಾವಣದಿಂದ ತುಕ್ಕು ಹಿಡಿದ ಪಾತ್ರೆಗಳನ್ನು ಸುಲಭವಾಗಿ ತೊಳೆಯಬಹುದು. ಇದರಿಂದ ಪಾತ್ರೆಗಳು ಮರು ಹೊಳಪನ್ನು ಪಡೆದುಕೊಳ್ಳುತ್ತವೆ.