ನಮ್ಮ ಕರ್ನಾಟಕ: ರಾಜ್ಯ ಪುನರ್‌ ಸಂಘಟನಾ ಸಮಿತಿ ಅಥವಾ ಫಝಲ್‌ ಆಲಿ ಸಮಿತಿ

ಕರ್ನಾಟಕ ಏಕೀಕರಣ ಸಂದರ್ಭದಲ್ಲಿ ರಾಜ್ಯ ಪುನರ್‌ ಸಂಘಟನಾ ಸಮಿತಿ ಅಥವಾ ಫಝಲ್‌ ಆಲಿ ಸಮಿತಿ ಪಾತ್ರ ಬಹಳ ಪ್ರಮುಖವಾದದ್ದು. 1953ರಲ್ಲಿ ಮೂರು ಸದಸ್ಯರನ್ನೊಳಗೊಂಡ ಸಮಿತಿಯೊಂದು ರಚಿಸಲ್ಪಟ್ಟು ರಾಜ್ಯ ಏಕೀಕರಣದ ಸಮಸ್ಯೆಯನ್ನು ಬಗೆಹರಿಸಲು ಮುಂದಾಯಿತು. ಫಝಲ್‌ ಆಲಿ ಈ ಸಮಿತಿಯ ಅಧ್ಯಕ್ಷರಾಗಿದ್ದು ಎಚ್‌.ಎನ್‌.ಕುಂಜ್ರು ಮತ್ತು ಕೆ.ಎಂ. ಫಣಿಕ್ಕರ್‌ ರವರು ಈ ಸಮಿತಿಯ ಸದಸ್ಯರಾಗಿದ್ದರು. ರಾಜಾಜ್ಯಂತ ಭೇಟಿ ನೀಡಿ ಜನರ ಅಭಿಪ್ರಾಯ, ಮನವಿ, ಸಂದರ್ಶನಗಳೆಲ್ಲವನ್ನೂ ಪರಿಶೀಲಿಸಿ 1955ರಲ್ಲಿ ವರದಿಯನ್ನು ಸಲ್ಲಿಸಿತು. ಈ ವರದಿಯ ಆಧಾರದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿ 1956 ನವೆಂಬರ್‌ 1ರಂದು ಮೈಸೂರು ರಾಜ್ಯವು ಉದಯಿಸಿತು. ಏಕೀಕೃತಗೊಂಡ ಕನ್ನಡ ನೆಲದಲ್ಲಿ ಸೇರ್ಪಡೆಯಾದ ಜಿಲ್ಲೆಗಳ ಪಟ್ಟಿ ಹೀಗಿದೆ.

-ಹಳೇ ಮೈಸೂರು ಪ್ರಾಂತ್ಯದಲ್ಲಿ ಒಂಭತ್ತು ಜಿಲ್ಲೆಗಳು ಇದ್ದವು. ಬೆಂಗಳೂರು, ಮೈಸೂರು, ಕೋಲಾರ. ತುಮಕೂರು, ಮಂಡ್ಯ, ಚಿಕ್ಕಮಗಳೂರು, ಹಾಸನ, ಶಿವಮೊಗ್ಗ ಮತ್ತು ಚಿತ್ರದುರ್ಗ.

-ಮೈಸೂರು ಪ್ರಾಂತ್ಯಕ್ಕೆ ಮದ್ರಾಸ್‌ ಪ್ರಾಂತ್ಯದಿಂದ ದಕ್ಷಿಣ ಕನ್ನಡ ಜಿಲ್ಲೆ, ಕೊಳ್ಳೆಗಾಲ ತಾಲೂಕು ಮತ್ತು ಬಳ್ಳಾರಿಯನ್ನೂ.

-ಮುಂಬಯಿ ಪ್ರಾಂತ್ಯದಿಂದ ಧಾರವಾಡ, ಬೆಳಗಾವಿ, ವಿಜಾಪುರ, ಉತ್ತರ ಕನ್ನಡ ಜಿಲ್ಲೆಗಳನ್ನೂ,

-ಹೈದರಾಬಾದಿನಿಂದ ರಾಯಚೂರು, ಬೀದರ್‌, ಗುಲ್ಬರ್ಗಾವನ್ನೂ,

-ಬಿ ರಾಜ್ಯ ಕೊಡುಗೆಗಳನ್ನೂ ಸೇರಿಸಲಾಯಿತು.

ಇಷ್ಟೆಲ್ಲ ಸಾಂಘಿಕ ಪ್ರಯತ್ನಗಳು ನಡೆದರೂ ಏಕೀಕರಣಗೊಂಡ ಕನ್ನಡ ನೆಲಕ್ಕೆ ಕನ್ನಡ ಭಾಷೆಯನ್ನು ಮಾತನಾಡುವ ಇನ್ನೂ ಕೆಲವು ಭಾಗಗಳು ಸೇರಿಲ್ಲ. ಇಂದಿಗೂ ಇದು ರಾಜ್ಯಗಳ ನಡುವಣ ವಿವಾದಗಳಿಗೆ ಕಾರಣವಾಗಿವೆ.