ನಮ್ಮ ಕರ್ನಾಟಕ: ಸವದತ್ತಿ ಯಲ್ಲಮ್ಮ ದೇವಸ್ಥಾನ

ಕರ್ನಾಟಕದ ಪ್ರಸಿದ್ಧ ದೇವಾಲಯಗಳಲ್ಲಿ ಸವದತ್ತಿ ಯಲ್ಲಮ್ಮ ದೇವಸ್ಥಾನ ಪ್ರಮುಖವಾದದ್ದು. ಈ ದೇವಾಲಯ ಬೆಳಗಾವಿ ಜಿಲ್ಲಾ ಕೇಂದ್ರದಿಂದ 98 ಕಿ.ಮೀ. ಹಾಗೂ ಸವದತ್ತಿಯಿಂದ 5 ಕಿ.ಮೀ. ದೂರದಲ್ಲಿದೆ. ಗುಡ್ಡದ ಮೇಲಿನ ಕೊಳದಲ್ಲಿ ನಿರ್ಮಿಸಿದ ಪ್ರಾಚೀನ ಭವ್ಯ ದೇವಾಲಯದಲ್ಲಿ ತಾಯಿ ರೇಣುಕಾ ಯಲ್ಲಮ್ಮನ ಮೂರ್ತಿಯನ್ನು ಪ್ರತಿಷ್ಠಾಪಿಸಲಾಗಿದೆ. ನೋಡಲು ಆಕರ್ಷಕವಾಗಿರುವ ಈ ದೇವಾಲಯ ಪ್ರೇಕ್ಷಣೀಯ ಸ್ಥಳವಾಗಿದೆ.

ಸೊಗಲ ಸೋಮೇಶ್ವರ : ಬೈಲ ಹೊಂಗಲದಿಂದ 16 ಕಿ.ಮೀ ದೂರದಲ್ಲಿ ಸೊಗಲ ಸೋಮೇಶ್ವರ ಜಿಲ್ಲೆಯ ಪ್ರಸಿದ್ಧ ಯಾತ್ರಾ ತಾಣವಾಗಿದೆ. ಇಲ್ಲಿ ವರ್ಷಕ್ಕೆ ಹನ್ನೆರಡು ತಿಂಗಳೂ ಸುರಿಯುವ ಒಂದು ಧಾರೆ ಇದ್ದು ಇದರಲ್ಲಿ ಸ್ನಾನ ಮಾಡಿ ಯಾತ್ರಾರ್ಥಿಗಳು ಸೋಮೇಶ್ವರನ ದರ್ಶನ ಮಾಡುವರು.

ಶಿರಸಂಗಿ: ಸವದತ್ತಿ ಮತ್ತು ರಾಮದುರ್ಗ ರಸ್ತೆಯಲ್ಲಿನ ಶಿರಸಂಗಿ, ಕಾಳಿಕಾ ದೇವಿಯ ಪುಣ್ಯ ಸ್ಥಳ. ಶಿರಸಂಗಿ ಗ್ರಾಮದ ಬಸ್‌ ನಿಲ್ದಾಣದಿಂದ 4 ಕಿ.ಮೀ. ದೂರ ಕ್ರಮಿಸಿದರೆ ಬೆಟ್ಟದ ತಪ್ಪಲಿನಲ್ಲಿ ಪುರಾತನ ಕಾಳಿಕಾ ದೇವಿಯ ದೇವಾಲಯವನ್ನು ಕಾಣಬಹುದು.

ಹಲಸಿ: ಹಲಸಿಯು ಹಿಂದೆ ಕದಂಬರ ರಾಜಧಾನಿಯಾಗಿತ್ತು. ದೇವಾಲಯಗಳು ಮತ್ತು ಬಸದಿಗಳಿಂದ ಕೂಡಿದ ಭುವನ ರಥ ನರಸಿಂಹ ದೇವಾಲಯವು ಚಾಲುಕ್ಯ ಶೈಲಿಯಲ್ಲಿ ನಿರ್ಮಾಣವಾಗಿದೆ. ಸಮೀಪದಲ್ಲಿಯೇ ಇರುವ ನವಿಲು ತೀರ್ಥ, ಹಲಸಿ ಗ್ರಾಮ ಯೆಲ್ಲೂರುಗಢ, ಪ್ರಸಿದ್ಧ ಸ್ಥಳಗಳನ್ನು ಕಾಣಬಹುದು.