ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲೇ ಇರುವ ನಿಮಿಷಾಂಬಾ ದೇವಾಲಯವನ್ನು ಕೇರಳ ಪ್ರಾಂತ್ಯದ ದೇವಾಲಯಗಳ ಮಾದರಿಯಲ್ಲಿ ನಿರ್ಮಿಸಲಾಗಿದೆ. ರಸ್ತೆ ಬದಿಯಲ್ಲಿ ಸಣ್ಣ ಗುಡ್ಡದ ಮೇಲೆ ನಿರ್ಮಿಸಿರುವ ಈ ದೇವಾಲಯಕ್ಕೆ ಸುಂದರವಾದ ಪ್ರವೇಶ ದ್ವಾರ, ದ್ವಾರ ಮಂಟಪವಿದ್ದು ಮೆಟ್ಟಿಲುಗಳನ್ನು ಇಳಿದು ಹೋಗುವಂತಿದೆ. ವಿಶಾಲವಾದ ಪ್ರಾಂಗಣದ ನಡುವೆ ಗರ್ಭಗೃಹ ರಚಿಸಿದ್ದು, ಗರ್ಭಗೃಹಕ್ಕೆ ಹೋಗಲು ಮೂರು ಮೆಟ್ಟಿಲುಗಳಿವೆ. ಸೋಪಾನವು ಹಸ್ತಿಹಸ್ತ ಯುಕ್ತವಾಗಿದೆ. ಗರ್ಭಗೃಹದ ಭಿತ್ತಿಯು ನೀಳವಾದ ಸಣ್ಣ ಸಣ್ಣ ಕುಡ್ಯಸ್ತಂಭಗಳಿಂದ ಕೂಡಿದ್ದು ಭಿತ್ತಿಕೋಷ್ಠವನ್ನು ಹೊಂದಿದೆ. ಹೆಚ್ಚು ಎತ್ತರವಿರದ ಭಿತ್ತಿಗೆ ಚಿಕ್ಕದಾದ ಪ್ರಸ್ತಾರವಿದ್ದು ಸಣ್ಣ ಸಣ್ಣ ಕಂಬಗಳಿಂದಾದ ಭಿತ್ತಿ ಕೋಷ್ಠಗಳನ್ನು ರೂಪಿಸಿರುವ ಗರ್ಭಗೃಹದ ಮಾಡು, ಮಳೆಯ ನೀರು ಬಸಿಯುವಂಥ ಲೂಪಾ ಶೈಲಿಯದ್ದಾಗಿದೆ. ಗರ್ಭಗೃಹದ ಮಾಡಿನಲ್ಲಿ ಸುಕನಾಸಿಯಂತೆ ಮತ್ತೊಂದು ಶಾಲಾ ರಚನೆ ಇದ್ದು ಅದಕ್ಕೂ ಮಾಡನ್ನು ಕಟ್ಟಿ ಅದರ ಮೇಲೆ ಕಳಶವಿದೆ. ಗರ್ಭಗೃಹದ ಮೇಲೆ ಚಿಕ್ಕದಾದ ಗಾರೆ ಶಿಖರವಿದೆ. ಗರ್ಭಗೃಹದ ನಡುವೆ ಪದ್ಮಪೀಠದ ಮೇಲೆ ಆಸೀನಳಾದ ದೇವಿ ಶಿಲ್ಪವಿದೆ.
ನಿಮಿಷಾಂಬಾ ದೇವಾಲಯ
ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲೇ ಇರುವ ನಿಮಿಷಾಂಬಾ ದೇವಾಲಯವನ್ನು ಕೇರಳ ಪ್ರಾಂತ್ಯದ ದೇವಾಲಯಗಳ ಮಾದರಿಯಲ್ಲಿ ನಿರ್ಮಿಸಲಾಗಿದೆ...
Vijaya Karnataka 28 Sep 2017, 5:30 am