ಆರೋಗ್ಯಕರ ಮಗುವಿಗಾಗಿ ಗರ್ಭಿಣಿಯರು ತಿನ್ನಬೇಕಾದ ಆಹಾರಗಳಿವು

ಗರ್ಭಾವತಿಯಾದಾಗ ಪಾಲಿಸುವ ಆಹಾರಕ್ರಮ ಮಗುವಿನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಈ ಸಮಯದಲ್ಲಿ ಪೌಷ್ಠಿಕ ಆಹಾರ ಸೇವನೆ ಮಾಡಬೇಕಾಗಿರುವುದು ತಾಯಿ ಹಾಗೂ ಮಗುವಿನ ಆರೋಗ್ಯದ ದೃಷ್ಟಿಯಿಂದ ಬಹುಮುಖ್ಯ.

ಗರ್ಭಿಣಿಯರು ಆ ಆಹಾರವನ್ನು ಡಯಟ್‌ನಲ್ಲಿ ಸೇರಿಸಿದರೆ ತಲೆಸುತ್ತು, ಸುಸ್ತು ಕಡಿಮೆಯಾಗುವುದು, ಮಗು ಗರ್ಭದಲ್ಲಿ ಆರೋಗ್ಯಕರವಾಗಿ ಬೆಳೆಯುವುದು.

ಹಾಲಿನ ಉತ್ಪನ್ನಗಳು
ಈ ಸಮಯದಲ್ಲಿ ಪ್ರೊಟೀನ್‌ ಹಾಗೂ ಕ್ಯಾಲ್ಸಿಯಂ ಇರುವ ಆಹಾರವನ್ನು ತಿನ್ನಬೇಕು. ಪ್ರೊಟೀನ್‌ ಹಾಗೂ ಕ್ಯಾಲ್ಸಿಯಂ ಕೊರತೆ ಉಂಟಾದರೆ ಭ್ರೂಣದಲ್ಲಿರುವ ಮಗುವಿನ ಬೆಳೆವಣಿಗೆ ಹಾಗೂ ತಾಯಿಯ ಆರೋಗ್ಯದ ಮೇಲೆ ಪ್ರಭಾವ ಬೀರುವುದು.
ಹಾಲಿನ ಉತ್ಪನ್ನಗಳಲ್ಲಿ ಕ್ಯಾಲ್ಸಿಯಂ, ಮೆಗ್ನಿಷಿಯಂ, ವಿಟಮಿನ್‌ ಬಿ 12 ಇದ್ದು ಇದು ಮಗು ಹಾಗೂ ತಾಯಿ ಆರೋಗ್ಯಕ್ಕೆ ಅವಶ್ಯಕ.

ಧಾನ್ಯಗಳು
ಬೀನ್ಸ್, ಸೋಯಾ ಬೀನ್ಸ್, ಬಟಾಣಿ, ಕಡಲೆ ಇವುಗಳನ್ನು ತಿನ್ನಬೇಕು. ಇವುಗಳಲ್ಲಿ ನಾರಿನಂಶ, ಫೋಲೆಟ್, ಪ್ರೊಟೀನ್, ಕಬ್ಬಿಣದಂಶ, ಕ್ಯಾಲ್ಸಿಯಂ, ಸತು ಇವುಗಳ ಅಂಶವಿದ್ದು ಹೆರಿಗೆ ಸಮಯದಲ್ಲಿ ತೊಂದರೆಯಾಗದಂತೆ ರಕ್ಷಣೆ ನೀಡುತ್ತದೆ.

ಬೆಣ್ಣೆ ಹಣ್ಣು
ಬೆಣ್ಣೆ ಹಣ್ಣಿನಲ್ಲಿ ನಾರಿನಂಶ, ವಿಟಮಿನ್ಸ್ ಬಿ, ವಿಟಮಿನ್ಸ್ ಸಿ, ಪೊಟಾಷ್ಯಿಯಂ, ವಿಟಮಿನ್‌ ಇ, ವಿಟಮಿನ್‌ ಕೆ ಹಾಗೂ ತಾಮ್ರದಂಶವಿದೆ. ಇದು ಮಗುವಿನ ಕೂದಲು, ತ್ವಚೆ ಆರೋಗ್ಯಕ್ಕೆ ಒಳ್ಳೆಯದು. ಮೆದುಳಿನ ಸಾಮರ್ಥ್ಯ ಹೆಚ್ಚಿಸುತ್ತದೆ.

ಡ್ರೈ ಫ್ರೂಟ್ಸ್ ಹಾಗೂ ನಟ್ಸ್
ಸ್ನ್ಯಾಕ್ಸ್ ತಿನ್ನಲು ಚಿಪ್ಸ್ ತಿನ್ನುವ ಬದಲು ನಟ್ಸ್ ಹಾಗೂ ಡ್ರೈ ಫ್ರೂಟ್ಸ್ ತಿನ್ನಿ. ಇದರಿಂದ ಒಮೆಗಾ 3 ಕೊಬ್ಬಿನಂಶ ದೊರೆಯುವುದು.

ಬೀಟ್‌ರೂಟ್‌ ಬೀಟ್‌ರೂಟ್‌ನಲ್ಲಿ ಫೋಲಿಕ್‌ ಆಮ್ಲ ಅದಿಕವಿರುತ್ತದೆ. ಭ್ರೂಣದ ಮೂಳೆಯ ಬೆಳವಣಿಗೆಗೆ ಫೋಲಿಕ್‌ ಆಮ್ಲ ಅವಶ್ಯಕ. ಬೀಟ್‌ರೂಟ್‌ ಜ್ಯೂಸ್‌ ಕುಡಿಯುವುದರಿಂದ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಬಹುದು, ಇದರಿಂದ ಹೆರಿಗೆಗೆ ಸಹಾಯವಾಗುತ್ತದೆ.