ಬೆಂಗಳೂರು ಭಾರತದ 3ನೇ ಅತಿ ದೊಡ್ಡ ರೇಷ್ಮೆ ವಸ್ತ್ರಗಳ ರಪ್ತು ಕೇಂದ್ರ. ಸಾಂಪ್ರದಾಯಿಕ ನೇಯ್ಗೆ ಕಸುಬಾಗಿವುಳ್ಳ ರಫ್ತು ಸಂಸ್ಥೆಗಳ ಜತೆಗೆ ರೇಷ್ಮೆ ವಸ್ತ್ರದ ರಫ್ತಿನಲ್ಲಿ ಲಾಭವನ್ನು ಕಂಡುಕೊಂಡ ಇತರರೂ ಶಾಂತಿನಗರ, ರೆಸಿಡೆನ್ಸಿ ರಸ್ತೆ, ರಾಜಾಜಿನಗರ, ಆಡುಗೋಡಿ ಮತ್ತು ಹನುಮಂತನಗರದಲ್ಲಿ ಕಂಡು ಬರುತ್ತಾರೆ. ವಿದ್ಯುತ್‌ ಮಗ್ಗಗಳ ಮಾಲೀಕರಿಗೆ ಕೂಲಿ ಆಧಾರದ ಮೇಲೆ ಕಚ್ಚಾ ಸಾಮಗ್ರಿ ನೀಡಿ ತಮ್ಮ ಮೇಲ್ವಿಚಾರಣೆಯಲ್ಲಿ ಬಟ್ಟೆ ನೇಯಿಸಿ ರಫ್ತು ಮಾಡುತ್ತಾರೆ. ಅಪಾರ ಲಾಭ ಗಳಿಸುತ್ತಾರೆ.
ಚಿಕ್ಕಪೇಟೆ ಇಂದಿನ ಬೆಂಗಳೂರಿನ ಸುಪ್ರಸಿದ್ಧ ರೇಷ್ಮೆ ಸೀರೆಗಳ ಮಾರಾಟ ಕೇಂದ್ರವಾಗಿಯೇ ಮುಂದುವರಿದಿದೆ. ಮುಂಚೂಣಿಯಲ್ಲಿದ್ದ ರಿಟೇಲ್‌ ವರ್ತಕರು ಎಂದರೆ ಮಾರುತಿ ಹಾಲ್‌ (1893) ಎನ್‌.ದಾಸಪ್ಪ ಅಂಡ್‌ ಸನ್ಸ್‌, ಶಂಕರಿ ಮಹಾಲಕ್ಷ್ಮೇ ಹಾಲ್‌, ಎನ್‌.ವಿ.ದಾಸಪ್ಪ ಅಂಡ್‌ ಸನ್ಸ್‌, ಶಂಕರಪ್ಪ ಬಸಪ್ಪ, ಗಿರಿಯಪ್ಪ ಅಂಡ್‌ ಸನ್ಸ್‌ ಮತ್ತು ಇಂದಿಗೂ ರೇಷ್ಮೆ ಸೀರೆಯ ರಿಟೇಲ್‌ ಮಾರಾಟ ಮುಂದುವರಿಸಿದ್ದಾರೆ. ನಂತರ ಆರಂಭವಾದರೆ ರಿಟೇಲ್‌ಗಳೆಂದರೆ ಧರ್ಮಾವರಂ ಸಿಲ್ಕ್‌ಹೌಸ್‌, ಪಾಂಡುರಂಗ ಸಿಲ್ಕ್‌ಹೌಸ್‌, ಅವೆನ್ಯೂ ರಸ್ತೆಯಲ್ಲಿ ಅಬ್ದುಲ್‌ ರೆಹಮಾನ್‌ ಅಂಡ್‌ ಸನ್ಸ್‌ ಜನಪ್ರಿಯ ರೇಷ್ಮೆ ಸೀರೆ ಅಂಗಡಿಯಾಗಿತ್ತು.