ಈ ಒಂದು ಶಬ್ದ ನಿಮ್ಮ ಆತ್ಮವಿಶ್ವಾಸವನ್ನು ಕುಗ್ಗಿಸುವುದು

ನೀವು ರಸ್ತೆಯಲ್ಲಿ ನಡೆದು ಹೋಗುತ್ತಾ ಇರುತ್ತೀರಿ, ಆ ಕಡೆಯಿಂದ ಬಂದ ವ್ಯಕ್ತಿ ನಿಮಗೆ ಡಿಕ್ಕಿ ಹೊಡಿಯುತ್ತಾನೆ, ಆದರೆ ನೀವು ಮೊದಲು ಸಾರಿ ಅಂತ ಕೇಳುತ್ತೀರಿ ಅಂದಾದರೆ ನಿಮ್ಮ ಗುಣವೇ ನಿಮ್ಮ ಆತ್ಮವಿಶ್ವಾಸವನ್ನು ಕುಗ್ಗಿಸುವುದು ನೋಡಿ.

ನೀವು ತಪ್ಪು ಮಾಡಿದಾಗ ಸಾರಿ ಕೇಳಿದರೆ ತಪ್ಪಲ್ಲ, ಆದರೆ ತಪ್ಪೇ ಮಾಡದೆ ಸಾರಿ ಕೇಳುವುದು ಮಾಡಿದರೆ ಅದರಿಂದ ನಿಮ್ಮ ಆತ್ಮವಿಶ್ವಾಸ ಕುಗ್ಗುವುದು ಎಂದು ಬ್ರಿಟನ್‌ನಲ್ಲಿ ನಡೆಸಿದ ಅಧ್ಯಯನವೊಂದು ಹೇಳಿದೆ.

ಕೆಲವರಿಗೆ ದಿನದಲ್ಲಿ ಕಮ್ಮಿಯೆಂದರೂ 10 ಸಲ ಸಾರಿ ಕೇಳುವ ಅಭ್ಯಾಸ ಇರುತ್ತದೆ, ಸಣ್ಣ ಪುಟ್ಟ ವಿಷಯಕ್ಕೆ ಸಾರಿ ಅಂತ ಹೇಳುತ್ತಾರೆ. ಅದರಲ್ಲೂ ಪುರುಷರಿಗೆ ಹೋಲಿಸಿದರೆ ಮಹಿಳೆಯರು ಹೆಚ್ಚಾಗಿ ಸಾರಿ ಕೇಳುತ್ತಾರೆ. ಪದೇ ಪದೇ ಸಾರಿ ಕೇಳುವುದರಿಂದ ಆ ವ್ಯಕ್ತಿಯ ಆತ್ಮವಿಶ್ವಾಸ ಕುಗ್ಗುವುದು ಎಂದು ಅಧ್ಯಯನ ಹೇಳಿದೆ.

ನಿಮ್ಮಿಂದ ಯಾರಿಗಾದರು ನೋವಾದರೆ ಸಾರಿ ಕೇಳುವುದರಿಂದ ಮನಸ್ಸು ಹಗುರವಾಗುತ್ತದೆ, ಅದೇ ನೀವು ತಪ್ಪೇ ಮಾಡದೆ, ಬೇರೆಯವರ ತಪ್ಪಿಗೆ ನೀವೇ ಸಾರಿ ಕೇಳುವುದು ಮಾಡುವುದರಿಂದ ನೀವು ತಪ್ಪು ಮಾಡದಿದ್ದರೂ ತಪ್ಪಿತಸ್ಥರಂತೆ ಕಾಣುವಿರಿ.

ಆದ್ದರಿಂದ ಇನ್ನು ಮುಂದೆ ಸಾರಿ ಬದಲು ಈ ಪದಗಳನ್ನು ಬಳಸಿ
ಥ್ಯಾಂಕ್ಯೂ
ನಿಮ್ಮಿಂದ ಏನೂ ತಪ್ಪಾಗದಿದ್ದರೆ ಸಾರಿ ಕೇಳುವ ಬದಲು ಥ್ಯಾಂಕ್ಯೂ ಹೇಳಿ.

ಸಾರಿ ಕೇಳುವ ಮುನ್ನ ದೀರ್ಘ ಉಸಿರು ತೆಗೆದುಕೊಳ್ಳಿ
ಈ ಸಮಯದಲ್ಲಿ ನೀವು ನಿಜವಾಗಲು ಸಾರಿ ಕೇಳಬೇಕಾ ಬೇಡ್ವಾ? ಎಂದು ನಿರ್ಧರಿಸಬಹುದು.

ಕೆಲವೊಮ್ಮೆ ಮೌನವಾಗಿರಿ
ಕೆಲವೊಂದು ಕಡೆಗಳಲ್ಲಿ ಅನಗತ್ಯವಾಗಿ ಸಾರಿ ಕೇಳುವ ಬದಲು ಮೌನವಾಗಿರಿ.

ನೀವು ತಪ್ಪು ಮಾಡಿ ಸಾರಿ ಕೇಳಿದರೆ ದೊಡ್ಡವರಾಗುತ್ತೀರಿ, ಅದೇ ತಪ್ಪೇ ಮಾಡದೆ ಸಾರಿ ಕೇಳುವುದರಿಂದ ನಿಮಗೆ ನೀವೇ ಮೋಸ ಮಾಡಿಕೊಂಡಂತೆ ನೆನಪಿರಲಿ.