ಮಗುವಿಗೆ ಮೊಟ್ಟೆ ಕೊಡಲು ಯಾವಾಗ ಪ್ರಾರಂಭಿಸಬಹುದು?

ಮಕ್ಕಳಿಗೆ ಕೊಡುವ ಪೌಷ್ಠಿಕ ಆಹಾರಗಳಲ್ಲೊಂದು ಮೊಟ್ಟೆ. ಆದರೆ ಮೊಟ್ಟೆ ಕೊಡಲು ಯಾವಾಗ ಕೊಡಬೇಕೆಂಬ ಗೊಂದಲ ಅನೇಕರಲ್ಲಿದೆ. ಮೊಟ್ಟೆ ಕೊಟ್ಟರೆ ಜೀರ್ಣವಾಗುತ್ತದೆಯೇ ಎಂಬ ಪ್ರಶ್ನೆ ಹಲವರಲ್ಲಿದೆ, ಇಲ್ಲಿ ಮೊಟ್ಟೆಯನ್ನು ಯಾವಾಗ ಕೊಡಲು ಪ್ರಾರಂಭಿಸಬಹುದು,ಯಾವ ಆಹಾರಗಳು ಅಲರ್ಜಿ ಉಂಟು ಮಾಡುತ್ತವೆ ಎಂಬುವುದರ ಮಾಹಿತಿ ನೀಡಲಾಗಿದೆ.

ಮಕ್ಕಳ ರೋಗ ತಜ್ಷರು ಮಗುವಿಗೆ ಮೊಟ್ಟೆಯನ್ನು 9ನೇ ತಿಂಗಳಿನಿಂದ ಪ್ರಾರಂಭಿಸಬಹುದು ಎಂದು ಹೇಳುತ್ತಾರೆ.
ಮಗುವಿಗೆ ಮೊದಲಿಗೆ ಮೊಟ್ಟೆಯನ್ನು ಕೊಡುವುದು ಹೇಗೆ?

ಮಗುವಿಗೆ ಹೊಸ ಆಹಾರ ಕೊಡುವಾಗ ಸ್ವಲ್ಪ ಕೊಡುವುದು ಒಳ್ಳೆಯದು. ಆ ಆಹಾರ ಸೇವನೆಯಿಂದ ಮಗುವಿಗೆ ಯಾವುದೇ ಅಲರ್ಜಿ, ಭೇದಿ ಮುಂತಾದ ಸಮಸ್ಯೆ ಕಂಡು ಬರದಿದ್ದರೆ ಅಂಥ ಆಹಾರವನ್ನು ಕೊಡಲು ಪ್ರಾರಂಭಿಸಬಹುದು.

ಮೊಟ್ಟೆಯನ್ನು ಮಕ್ಕಳಿಗೆ ಹೀಗೆ ಕೊಡಿ

*ಮೊಟ್ಟೆಯನ್ನು ಬೇಯಿಸಿ, ಅದರ ಸಿಪ್ಪೆ ಸುಲಿದು, ಅದರ ಅರಿಶಿಣ ತೆಗೆಯಿರಿ. ಮೊಟ್ಟೆಯ ಹಳದಿಯನ್ನು ಎದೆಹಾಲು ಅಥವಾ ಫಾರ್ಮುಲಾ ಹಾಲಿನ ಜತೆ ಮಿಕ್ಸ್ ಮಾಡಿ ಕೊಡಿ. ಮಗು ಒಂದು ವರ್ಷ ತುಂಬಿದ್ದರೆ ಹಸುವಿನ ಹಾಲಿನ ಜತೆ ಮಿಕ್ಸ್ ಮಾಡಿ ಕೊಡಬಹುದು.

* ನಿಮ್ಮ ಮಗು ಸ್ವಲ್ಪ ಅಧಿಕ ಆಹಾರ ತೆಗೆದುಕೊಳ್ಳಲಾರಂಭಿಸಿದ ಮೇಲೆ ಮೊಟ್ಟೆಯ ಹಳದಿಯನ್ನು ಬೆಣ್ಣೆಹಣ್ಣು, ಸಿಹಿ ಗೆಣಸು, ಬಾಳೆಹಣ್ಣು ಜತೆ ಮಿಕ್ಸ್ ಮಾಡಿ ಕೊಡಬಹುದು.

* ಮೊಟ್ಟೆಯನ್ನು ಬೇಯಸಿ ಅದರ ಅರಿಶಿಣವನ್ನು ಮಗು ಈಗಾಗಲೇ ತಿನ್ನುತ್ತಿರುವ ತರಕಾರಿ ಜತೆಯೂ ಮಿಕ್ಸ್ ಮಾಡಿ ಕೊಡಬಹುದು.

ಕೆಲವು ಮಕ್ಕಳಿಗೆ ಮೊಟ್ಟೆ, ಹಾಲಿನ ಉತ್ಪನ್ನಗಳು, ಸೋಯಾ, ನೆಲಗಡಲೆ, ಮೀನು ಅಲರ್ಜಿ ಉಂಟು ಮಾಡುತ್ತವೆ.

ಮಕ್ಕಳಲ್ಲಿ ಅಲರ್ಜಿಯ ಲಕ್ಷಣಗಳು
ಮೈಯಲ್ಲಿ ಕೆಂಪು ಗುಳ್ಳೆಗಳು ಏಳುವುದು
ಭೇದಿ
ಬಾಯಿಯಲ್ಲಿ ತುರಿಕೆ
ಶೀತ, ಉಸಿರಾಟದಲ್ಲಿ ತೊಂದರೆ
ಹೃದಯ ಬಡಿತ ಹೆಚ್ಚಾಗುವುದು

ಮಕ್ಕಳಲ್ಲಿ ಈ ರೀತಿಯ ಲಕ್ಷಣಗಳು ಕಂಡು ಬಂದರೆ ಮಕ್ಕಳ ರೋಗ ತಜ್ಞರನ್ನು ಭೇಟಿಯಾಗಿ ಸಲಹೆ ಪಡೆಯಿರಿ.