ಮಾಡುವ ವಿಧಾನ
ಮೊದಲು ಕುರ್ಚಿಯನ್ನು ಬಿಡಿಸಿ ಗೋಡೆಯ ಕಡೆಗೆ ಮುಖ ಮಾಡಿ ಇಡಿ. ಹಾಗೆಯೇ ಮರದ ಇಟ್ಟಿಗೆಗಳನ್ನು ಒಂದರ ಮೇಲೊಂದರಂತೆ ನಾಲ್ಕರಿಂದ ಐದನ್ನು ಜೋಡಿಸಿ ಗೋಡೆಗೆ ತಾಗಿಸಿ ಎರಡೂ ಕಡೆ ಇಡಿ. ಎರಡೂ ಕಡೆಯ ಇಟ್ಟಿಗೆಗಳ ಅಂತರ ಒಂದು ಅಡಿಯಷ್ಟಿರಲಿ. ಈಗ ನಿಧಾನವಾಗಿ ಎರಡೂ ಕಡೆಯ ಇಟ್ಟಿಗೆಗಳ ಮಧ್ಯ ಖಾಲಿ ಇರುವ ಸ್ಥಳದಲ್ಲಿ ತಲೆಯನ್ನು ತೆಗೆದುಕೊಂಡು ಎರಡೂ ಭುಜಗಳನ್ನು ಇಟ್ಟಿಗೆಯ ಮೇಲೆ ಊರಿ. ಈ ಸಂದರ್ಭದಲ್ಲಿ ಎರಡೂ ಹಸ್ತಗಳು ನೆಲದಲ್ಲಿರಲಿ. ಈಗ ನಿಧಾನವಾಗಿ ಒಂದೊಂದೇ ಕಾಲನ್ನು ಕುರ್ಚಿಯ ಮೇಲೆ ತೆಗೆದುಕೊಂಡು ನಂತರ ಕೈಗಳಿಂದ ಕುರ್ಚಿಯನ್ನು ಹಿಡಿಯಿರಿ ಹಾಗೂ ಕಾಲುಗಳನ್ನು ನೇರ ಮಾಡಿ. ತಲೆಯ ಭಾಗ ನೆಲಕ್ಕೆ ತಾಗಿರಬಾರದು. ಈ ಸ್ಥಿತಿಯಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ನಂತರ ನಿಧಾನವಾಗಿ ವಾಪಸ್‌ ಬನ್ನಿ.
ಉಪಯೋಗ
-ಈ ಆಸನ ಮಾಡುವುದರಿಂದ ಪದೇ ಪದೆ ಕಾಣಿಸಿಕೊಳ್ಳುವ ಕುತ್ತಿಗೆ ನೋವು ನಿವಾರಣೆಯಾಗುವುದು.
-ಉಸಿರಾಟ ಕ್ರಿಯೆ ಧೀರ್ಘವಾಗುವುದು.
-ಬಾಗಿದ ಬೆನ್ನು ನೇರವಾಗುವುದು.
-ಸೊಂಟದ ನೋವಿಗೂ ಉತ್ತಮ ಆಸನವಿದು.
-ಭುಜಗಳಿಗೆ ಶಕ್ತಿ ಬರುವುದು.