ಗೋಡೆ ಸಹಾಯದಿಂದ ಪದ್ಮ ಸರ್ವಾಂಗಾಸನ
ವಿವರಣೆ :- ಮನೆಯ ಆಧಾರ ಸ್ತಂಭ ಅಥವಾ ಗೋಡೆಗೆ ವತ್ತಾಕಾರದ ದಿಂಬನ್ನು ಇಡಬೇಕು. ನಂತರ ಗೋಡೆಗೆ ಅಭಿಮುಖವಾಗಿ ಕುಳಿತು ದಿಂಬಿನ ಮೇಲೆ ಎರಡೂ ಹಸ್ತಗಳನ್ನು ಊರಿ ಸೊಂಟವನ್ನು ಮೇಲೆ ಎತ್ತಿ ಎರಡೂ ಭುಜಗಳನ್ನು ದಿಂಬಿನ ಮೇಲೆ ಊರಬೇಕು. ನಂತರ ಎರಡೂ ಕೈಗಳನ್ನು ಹಿಂದೆ ತೆಗೆದುಕೊಂಡು ಕಂಬವನ್ನು ಹಿಡಿಯಬೇಕು (ಗೋಡೆಯ ಹತ್ತಿರ ಮಾಡುತ್ತಿದ್ದಲ್ಲಿ ಕೈಗಳನ್ನು ಹಿಂದೆ ತೆಗೆದುಕೊಳ್ಳಲು ಬರುವುದಿಲ್ಲ), ನಂತರ ಎರಡೂ ಕಾಲುಗಳನ್ನು ನಿಧಾನವಾಗಿ ಮೇಲೆ ತೆಗೆದುಕೊಳ್ಳಬೇಕು, ತಲೆಯ ಹಿಂಭಾಗ ದಿಂಬಿನಿಂದ ಕೆಳಗಿರಲಿ, ಗದ್ದವನ್ನು ಎದೆಗೆ ತಾಗಿಸಿರಿ. ಈ ಸ್ಥಿತಿಯಲ್ಲಿ ಕಾಲುಗಳನ್ನು ಮಡಚಿ ಎಡಪಾದವನ್ನು ಬಲತೊಡೆಯ ಮೇಲೂ, ಬಲಪಾದವನ್ನು ಎಡತೊಡೆಯ ಮೇಲೂ ತೆಗೆದುಕೊಳ್ಳಬೇಕು. ಈ ಆಸನದಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ನಂತರ ಒಂದೊಂದೇ ಕಾಲನ್ನು ಬಿಡಿಸಿ ಸರ್ವಾಂಗಾಸನದ ಸ್ಥಿತಿಗೆ ಬಂದು ವಾಪಸ್‌ ಬರುವುದು.
ಉಪಯೋಗ :- ಕಾಲಿನ ಮಣಿಗಂಟು, ಮಂಡಿ, ಹಾಗೂ ತೊಡೆಯ ಸಂಧುಗಳಲ್ಲಿನ ಬಿಗಿತ ದೂರವಾಗುವುದು. ಉಳಿದಂತೆ ಸರ್ವಾಂಗಾಸನದ ಎಲ್ಲಾ ಲಾಭಗಳು ದೊರೆಯುವವು.