ಡೈಲಿ ಯೋಗ
ಕಂಬ ಹಾಗೂ ಇಟ್ಟಿಗೆ ಸಹಾಯದಿಂದ ಏಕಪಾದ ಊಧ್ರ್ವ ಪ್ರಸಾರಿತ ಪಾದಾಸನ - 1
ವಿವರಣೆ :- ಕಂಬದ ಮುಂಭಾಗದಲ್ಲಿ ಒಂದು ಜಮಖಾನವನ್ನು ಹಾಸಬೇಕು. ನಂತರ ಕಂಬದ ಕಡೆಗೆ ಕಾಲುಗಳನ್ನು ಚಾಚಿ, ಬೆನ್ನನ್ನು ಜಮಖಾನದ ಕಡೆಗೆ ಮಾಡಿ ಅಂಗಾತ ಮಲಗಬೇಕು. ಕಂಬದ ಒಂದು ಮೂಲೆಯ ಕಡೆಗೆ ಪೃಷ್ಠವನ್ನು ತೆಗೆದುಕೊಂಡು ಎಡಗಾಲನ್ನು ಕಂಬದಿಂದ ಹೊರ (ಪಕ್ಕ) ಬಾಗದಲ್ಲಿ ನೇರ ಮುಂದೆ ಚಾಚಬೇಕು. ಹಾಗೆಯೇ ಬಲಗಾಲನ್ನು ಮೇಲೆ ತೆಗೆದುಕೊಳ್ಳಿ. ನಂತರ ಕಂಬದ ಮೇಲೆ ತೆಗೆದುಕೊಂಡಿರುವ ಕಾಲಿನ ಮಣಿಗಂಟಿನ ಮಧ್ಯದ ಭಾಗದಲ್ಲಿ ಒಂದು ಇಟ್ಟಿಗೆಯನ್ನು ಉದ್ದವಾಗಿ ಇಡಿ. ಎರಡೂ ಕೈಗಳು ತೊಡೆಗಳ ಪಕ್ಕದಲ್ಲಿರಲಿ. ಎರಡೂ ಕಾಲುಗಳು ನೇರವಾಗಿರಲಿ. ಮೇಲೆ ಇರುವ ಕಾಲು 90 ಡಿಗ್ರಿಯಷ್ಟಿರಲಿ. ದೃಷ್ಟಿ ಮುಂದೆ ಇರಲಿ. ಈ ಆಸನದಲ್ಲಿ ಸಹಜ ಉಸಿರಾಟ ಕ್ರಿಯೆ ಇರಲಿ. ಈ ರೀತಿ ಸ್ವಲ್ಪ ಸಮಯವಿದ್ದು ವಾಪಸ್‌ ಬಂದ ನಂತರ ಇದೇ ರೀತಿ ಮತ್ತೊಂದು ಕಡೆ ಆಸನ ಮುಂದುವರಿಸಬೇಕು. ಈ ಸಂದರ್ಭದಲ್ಲಿ ಕಂಬದ ಮತ್ತೊಂದು ಮೂಲೆಯನ್ನು ಉಪಯೋಗಿಸಬೇಕು.
ಉಪಯೋಗ:- ಏಕಪಾದ ಊಧ್ರ್ವ ಪ್ರಸಾರಿತ ಪಾದಾಸನದಲ್ಲಿ ಅನೇಕರಿಗೆ ಕಾಲನ್ನು 90 ಡಿಗ್ರಿಯಷ್ಟು ಮೇಲೆ ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲ. ಕಾಲನ್ನು ಮೇಲೆ ತೆಗೆದುಕೊಳ್ಳಲು ಪ್ರಯತ್ನಿಸಿದರೆ ಕೆಳಗೆ ಚಾಚಿರುವ ಕಾಲು ಮೇಲೆ ಬರುವ ಸಂಭವವಿರುತ್ತದೆ. ಕಂಬ ಹಾಗೂ ಕಾಲಿನ ಮಧ್ಯದಲ್ಲಿ ಇಟ್ಟಿಗೆಯನ್ನು ಇಟ್ಟಾಗ ಕಾಲು ಮತ್ತಷ್ಟು ನೇರವಾಗುವುದು. ಈ ರೀತಿ ಗೋಡೆ ಕಂಬವನ್ನು ಉಪಯೋಗಿಸಿ ಆಸನ ಮಾಡಿದಾಗ ಎರಡೂ ಕಾಲುಗಳು ನೇರವಾಗುವವು. ಜತೆಗೆ ಸೊಂಟದ ನೋವು ನಿವಾರಣೆಯಾಗುವುದು. ನಾಭಿಯಲ್ಲಿನ ಎಲ್ಲಾ ಅವಯವಗಳು ಉತ್ತೇಜನಗೊಳ್ಳುವವು.ಸಸ